สีง ฑูง 52
52
สีง ฑูง 52
ทิน-ฮู่ง เซี้ยม เมี่ยน หย่า ปุน ธีง นิ่น เญย เอน
จิว ปุน ต้อ ฑูง เญย เมี่ยน. ดาวิด โหฒ่ เญย มัดคิน ฑูง. น้าย ติ้ว ฑูง เฟี้ย ต๋อย เอโดม เมี่ยน, โดเอก, มี่ง ล์อ เซาโล, บั๋ว นิ่น, ดาวิด มี่ง อาหิเมเล้ก เญย เปย๊า. #52 เป๊ย หมั่ง 1 ซามูเอน 21:1-9; 22:9-10
1เมี่ยน เฮ้น เมี่ยน อ้า! เม่ย เหว่ย หาย ติ่ว ปู๋ง หว่า-เหมา เม่ย โหฒว เญย เอ๊าะ สี่?
ทิน-ฮู่ง เฒี่ยง ฮนอย เฒี่ยง ม์วน เหฒียบ ฒัวะ เญย ฮนั้ม เมี่ยน.
2เม่ย ต๊า หฒะเอ๋ย เหมียด เมี่ยน.
เม่ย เญย เบียด ฮนั้ง เถย-โต นอ ไหล่,
ขูง หล่ง เหว่ย ก๊อง-แปะ ดั๊ว เมี่ยน ฮนั้ง.
3เม่ย ฮนั้ม เอ๊าะ สี่ เก้า ธั้ม คู้ สี่,
ฮนั้ม ก๊อง-แปะ เญย หว่า เก้า ธั้ม ก๊อง เฒียน เล์ย. เซลา
4โอ เม่ย ก๊อง-แปะ ดั๊ว เมี่ยน เญย เบียด อ้า!
เม่ย ฮนั้ม เหยียด ฒู้ง ห่อย เมี่ยน เญย หว่า.
5มป่า ทิน-ฮู่ง อ๋อย ปุน เม่ย หฒุ เหมียด เถา เหยียด ลิ์ว.
นิ่น อ๋อย เฒาะ เม่ย เยียม ด๊บ-ลิ่ว กะญั์ว เธี้ย ธ้วด ต้าย.
นิ่น อ๋อย เยียม ย่าง เกน แปง เม่ย ธ้วด ฮนั้ง เลี่ยม ฑู่ง แปง ธ้วด นอ. เซลา
6คู้ เมี่ยน ตุ๊ ปวัด หย่า กั้ม เหฑีย.
นิ่น บัว อ๋อย จั๊ด นิ่น หย่า ก๊อง,
7หมั่ง ม่าะ! ไม้ ด้าว เขา ทิน-ฮู่ง เญย เมี่ยน,
ขูง เขา กั้น ปู๋ง-หฒัวะ เญย ฒิ่น ฒ่อย,
หย่า ปั่ง โหฒว หว่าย เญย เจ๊า เหลียบ กั้น ว้วน.
8มป่า เยีย เซ ฮนั้ง ฒู่ง กะลั้น เดี๋ยง เญี์ยม
เยียม หฒั่ง ทิน-ฮู่ง เญย เปย๊า กะญั์ว.
เยีย เขา ทิน-ฮู่ง, ต้ง เหฒียบ ฒัวะ เญย ฮนั้ม เมี่ยน
เถา หม่าน โก๊ว หม่าน ต่อย.
9เยีย อ๋อย ตอ-เหฒี่ย เม่ย เถา เหยียด ลิ์ว เหว่ย เม่ย โหฒว เญย สี่.
เยีย อ๋อย ตอง เจี๊ยน เม่ย เญย แปะ ฝีง
ฒุ่น เม่ย เญย เม่ง, เหว่ย หฒุ เม่ย เญย เม่ง เซ หลง ไห่.
Currently Selected:
สีง ฑูง 52: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
