สีง ฑูง 53
53
สีง ฑูง 53
ป้าม เมี่ยน หฮงง, ขูง โหฒว หว่าย สี่
จิว ปุน ต้อ ฑูง เญย เมี่ยน. หฒิว มาหะลัด. ดาวิด โหฒ่ เญย มัดคิน ฑูง.
(เป๊ย หมั่ง สีง ฑูง 14 ฒาง)
1เมี่ยน หฮงง เมี่ยน#53:1 เยียม สีง ฑูง เมี่ยน หฮงง เมี่ยน น้าย โจ๋ว หว่า ก๊อง หฒุ โหฒว หว่าย เญย เมี่ยน, เซ ไม้ ม่าย ทิน-ฮู่ง เญย เมี่ยน. เยียม เฮญี้ยว ก๊อง,
“ไม้ ม่าย ทิน-ฮู่ง เหลาะ.”
นิ่น บัว หว่าย ไห่, โหฒว กั้ม เฑี้ย ไห่ เญย ฒุ์ย,
ไม้ ม่าย เหยียด เต้า โหฒว หลง.#โลมา 3:10-12
2ทิน-ฮู่ง เยียม ทิน-ต้อง หมั่ง เหฌี่ย,
หมั่ง ป้าม เมี่ยน.
อ๋อย หมั่ง ก๋า, ม่าย หาย เต้า ม่าย ธง-เม่ง,
ม่าย หาย เต้า ล์อ ทิน-ฮู่ง.
3โม์ว เต้า เมี่ยน ถุย ฆาง,
เต้าๆ ฟี่ ฮนั้ง เญย หว่าย เหฑ่ง.
ไม้ ม่าย หาย เต้า โหฒว หลง,
เหยียด เต้า หย่า ไม้ ม่าย.
4โหฒว เอ๊าะ เญย เมี่ยน ไม้ ฮิ้ว หาย หญู่ง ไฟ?
นิ่น บัว นะ เยีย เญย แปะ ฝีง ฮนั้ง นิ่น บัว หญั่น หฮนาง นอ.
นิ่น บัว หย่า ไม้ โท้ ทิน-ฮู่ง.
5นิ่น บัว เยียม วั้ว หฒะเก้ง! กั้ม เหฑีย ไห่.
ไม้ ม่าย เจี๋ย ด่ง น้าย กั้ม เหฑีย.
เหว่ย หฒุ ทิน-ฮู่ง อ๋อย เฒาะ ต้ง เหลียบ เธี้ยง ต้าย
เบ๊าะ เม่ย วั้ว เต๋ย เมี่ยน เญย บู๊ง ฟ้าด หฑาน เหฑ่ง.
เม่ย อ๋อย ปุน นิ่น บัว หฒุ ไญ้ เหว่ย หฒุ ทิน-ฮู่ง เฆ่ม นิ่น บัว.
6โท้ ปุน อิสะลาเอน เมี่ยน เญย เหฌียว เอน เยียม สิโอน ธ้วด.
ทิน-ฮู่ง ปุน นิ่น เญย แปะ ฝีง หฑวน ต้าย ตุ๊ หลง ฮนั้ง ฒิ่น ด่าง วั้ว หฒั่น,
ยาโค้บ เญย เฒ้ย-ฟุน ฯฒฯ ม่าย ออน-เหลาะ,
อิสะลาเอน เมี่ยน อ๋อย เฌียน-โย่ว.
Currently Selected:
สีง ฑูง 53: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
