สีง ฑูง 51
51
สีง ฑูง 51
เมี่ยน เต๋า เก๋า โท้ ทิน-ฮู่ง กวั่ง ฒุ์ย
จิว ปุน ต้อ ฑูง เญย เมี่ยน. ดาวิด ฮู่ง เหธา บัดเชบา ม่าย เจ๊า ลิ์ว,#2 ซามูเอน 12:1-15 ฆะฮ้า โต่ว หว่า เมี่ยน, นาทัน, ต้าย ก๊อง นิ่น. ดาวิด ฯฒฯ เหญี่ยม ฒุ์ย แอ๋ง โหฒ่ น้าย ติ้ว สีง ฑูง.
1ทิน-ฮู่ง อ้า! โท้ เม่ย ค้อ-เลี่ยน เยีย,
หฒิว เม่ย เหฒียบ ฒัวะ เญย ฮนั้ม เมี่ยน.
หฒิว เม่ย ด่ง หน่าย ค้อ-เลี่ยน เมี่ยน,
โท้ ซ้อด กวั่ง เยีย โหฒว ต่อง เญย ฒุ์ย.
2โท้ เม่ย หฑาว เหฑ่ง เยีย เญย ฒุ์ย-หนิบ,
โท้ สา เหฑ่ง ฒุ์ย ปุน เยีย ธีง-เหฑ่ง ต้าย.
3เยีย เฒียะ ตุ๊ เยีย โหฒว ต่อง เญย สี่,
หย่า หฒั่นๆ จั๋ง หฒุ เยีย เญย ฒุ์ย.
4เยีย ป์าม ฒุ์ย ต่อง เม่ย, ขูง ต่อง เม่ย ฮนั้ง,
หย่า หฒิว เม่ย ปวัด, เยีย โหฒว เอ๊าะ สี่.
เหว่ย น้าย เม่ย ตี่ง เยีย เญย ฒุ์ย เซ แป้ง ฟิม เญย,
เม่ย ตุ๋น เยีย เญย สี่ หย่า ตุ๋น ตุ๊ หอบ.#โลมา 3:4
5เยีย ธ้วด เสย ต้าย เป๋น ฒุ์ย-เมี่ยน,
เยียม มา เญย กะเซีย วั้ว หฒั่น ฒู้ง ม่าย เจี๊ยน ฒุ์ย.
6เม่ย อ๋อย เญย เซ เมี่ยน เฮญี้ยว หฒีง,
เหว่ย น้าย โท้ เม่ย หฌาว เยีย,
ปุน เยีย ม่าย ธง-เม่ง เยียม เฮญี้ยว โด เญย ต๋อง.
7โท้ หล่ง หุโสบ เมี้ย สา เยีย, เยีย ฯฒฯ ธีง-เหฑ่ง ต้าย.
โท้ หฑาว เยีย, เยีย ฯฒฯ เก้า แปะ เจี๋ย ซอง.
8โท้ ปุน เยีย แอ๋ง หมวัง ตุ๊ ไฮ์ เฌียน-โย่ว, อะเฮน้ย เญย เฉีย.
ไม้ กุ๊น เม่ย ปุน เยีย หฒุ โค้ว,
โท้ ปุน เยีย แอ๋ง ม่าย ออน-เหลาะ.#51:8 ฮิบลู หว่า ก๊อง “โท้ ปุน ต้ง เม่ย ปุน หฒุ เน้า เญย บู๊ง ตุ๊ ออน-เหลาะ”.
9โท้ เม่ย ปวัง เจี๊ยน เฮมียน, ไม้ ตู๋ง หมั่ง เยีย เญย ฒุ์ย,
หย่า โท้ ซ้อด กวั่ง เยีย โหฒว เญย เหยียด ฒู้ง ฒุ์ย-หนิบ.
10ทิน-ฮู่ง อ้า! โท้ เยียม เยีย กะญั์ว เหฒย ธีง-เหฑ่ง เญย เฮญี้ยว,
หย่า ปุน เยีย ม่าย เหฒียบ ฒัวะ เญย เซียง-เฮญี้ยว.
11ไม้ ตู๋ง หฒุ่น เยีย เปย๋า, เล่ย ฆอย เม่ย เญย หฑะเฮมียน,
หย่า ไม้ ตู๋ง เฒาะ เยียม เยีย เญย สีง ลี่ง ธ้วด.
12โท้ ปุน เยีย ตุ๊ เม่ย เญย เหฌียว เอน เญย เฌียน-โย่ว ฮนั้ง โล์ นอ.
หย่า ปุน เยีย ม่าย เฮญี้ยว อ๋อย กัน หลง เม่ย.
13เยีย ฯฒฯ เฒาะ เม่ย เญย เจ๊า หฌาว ฒุ์ย-เมี่ยน,
นิ่น บัว ฒู้ง อ๋อย หฑวน ต้าย ล์อ เม่ย.
14โอ ทิน-ฮู่ง อ่า, เม่ย โหฒว เหฌียว เยีย วั้ว เต้า ทิน-ฮู่ง.
โท้ เหฌียว เยีย เล่ย ดุ๊ด ไต๋ เมี่ยน เญย ฒุ์ย.#51:14 ไฟ “โท้ เสีย ธ้วด เยีย เญย แหม่ง ปุน เยีย ไม้ หฒุ ไต่”.
เยีย เญย เบียด ฯฒฯ ป๋าว ฑูง ก๊อง เม่ย เซ แป้ง ฟิม เญย.#51:14 ไฟ “...ก๊อง เม่ย ฮนั้ง หาย นอ เหฌียว เยีย”.
15โอ เฒี้ยว อ่า, โท้ เถง เยีย เญย ฑุ่ย ไฮ่ ก๊อง หว่า,
เยีย ฯฒฯ หล่ง เยีย เญย ฑุ่ย เธง เม่ย.
16เม่ย ไม้ เฒ์ย อะเฮน้ย ฝ่ง ห่อ เหฒี่ย เญย กะน้าย.
สี ก๊อง เยีย ฝ่ง ห่อ ปั๊ว เหฒี่ย กะน้าย, เม่ย หย่า ไม้ หอบ เฮญี้ยว.
17ทิน-ฮู่ง อ๋อย เญย กะน้าย-เหฒี่ย เซ
เมี่ยน เฮญี้ยว มุน, ฮิ้ว ตุ๊ กั้น โหฒว ต่อง.
โอ ทิน-ฮู่ง อ่า, เฮญี้ยว มุน,
ฮิ้ว ตุ๊ กั้น โหฒว ต่อง เญย เมี่ยน, เม่ย ไม้ หมั่ง เผีย.
18โท้ หฒิว เม่ย เญย คู้ หฒะเอ๋ย ปุน สิโอน ฒี่ง ตุ๊ หลง.
โท้ เหธย เจี์ย เยลูซาเลม เญย ฒี่ง หลาด.
19วั้ว หฒั่น เม่ย ฯฒฯ อะเฮน้ย เมี่ยน เหฒี่ย ตุ๊ หอบ เญย กะน้าย,
เหธา ปั๊ว เหฒี่ย เหธา เฒี่ยง เต้า ปั๊ว เหฒี่ย เญย กะน้าย.
เมี่ยน หย่า อ๋อย เฒาะ ง่ง โก๊ว อัน เม่ย เญย เหฒี่ย-ต้อง กู้ หงว่าย ปั๊ว.
Currently Selected:
สีง ฑูง 51: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
