Popular Bible Verses from สีง ฑูง 51

Share

ทิน-ฮู่ง อ้า! โท้ เยียม เยีย กะญั์ว เหฒย ธีง-เหฑ่ง เญย เฮญี้ยว, หย่า ปุน เยีย ม่าย เหฒียบ ฒัวะ เญย เซียง-เฮญี้ยว.

โท้ ปุน เยีย ตุ๊ เม่ย เญย เหฌียว เอน เญย เฌียน-โย่ว ฮนั้ง โล์ นอ. หย่า ปุน เยีย ม่าย เฮญี้ยว อ๋อย กัน หลง เม่ย.

ไม้ ตู๋ง หฒุ่น เยีย เปย๋า, เล่ย ฆอย เม่ย เญย หฑะเฮมียน, หย่า ไม้ ตู๋ง เฒาะ เยียม เยีย เญย สีง ลี่ง ธ้วด.

ทิน-ฮู่ง อ๋อย เญย กะน้าย-เหฒี่ย เซ เมี่ยน เฮญี้ยว มุน, ฮิ้ว ตุ๊ กั้น โหฒว ต่อง. โอ ทิน-ฮู่ง อ่า, เฮญี้ยว มุน, ฮิ้ว ตุ๊ กั้น โหฒว ต่อง เญย เมี่ยน, เม่ย ไม้ หมั่ง เผีย.

ทิน-ฮู่ง อ้า! โท้ เม่ย ค้อ-เลี่ยน เยีย, หฒิว เม่ย เหฒียบ ฒัวะ เญย ฮนั้ม เมี่ยน. หฒิว เม่ย ด่ง หน่าย ค้อ-เลี่ยน เมี่ยน, โท้ ซ้อด กวั่ง เยีย โหฒว ต่อง เญย ฒุ์ย. โท้ เม่ย หฑาว เหฑ่ง เยีย เญย ฒุ์ย-หนิบ, โท้ สา เหฑ่ง ฒุ์ย ปุน เยีย ธีง-เหฑ่ง ต้าย.

โท้ หล่ง หุ​โสบ เมี้ย สา เยีย, เยีย ฯฒฯ ธีง-เหฑ่ง ต้าย. โท้ หฑาว เยีย, เยีย ฯฒฯ เก้า แปะ เจี๋ย ซอง.

เยีย ป์าม ฒุ์ย ต่อง เม่ย, ขูง ต่อง เม่ย ฮนั้ง, หย่า หฒิว เม่ย ปวัด, เยีย โหฒว เอ๊าะ สี่. เหว่ย น้าย เม่ย ตี่ง เยีย เญย ฒุ์ย เซ แป้ง ฟิม เญย, เม่ย ตุ๋น เยีย เญย สี่ หย่า ตุ๋น ตุ๊ หอบ.