สีง ฑูง 33
33
สีง ฑูง 33
เธง เฒี้ยว, ต้ง เหฒย หม่าน หมวด, โก๋ว หม่าน หมวด วั้ว เต้า
1คู้ เมี่ยน อ้า! อ๋อย หฒุ เขา เฒี้ยว ออน-เหลาะ.
เฮญี้ยว หฒีง เญย เมี่ยน หอบ หฒุ เธง นิ่น.
2อ๋อย หฒุ พัด ต้าน ป้า เธง เฒี้ยว,
หล่ง ม่าย เหฒียบ ติ้ว ฝิน เญย ต้าน ป้า พัด ฑูง เธง นิ่น.
3ตอง เจี๊ยน นิ่น ป๋าว ติ้ว เซียง-ฑูง,
พัด ต้าน ป้า เหลี่ยว เญย, หย่า เห่ว บุย เญย.
4เหว่ย หฒุ เฒี้ยว เญย หว่า เซ เฒียน เญย,
นิ่น โหฒว เญย เหยียด ฒู้ง กง นิ่น เหฒียบ ฒัวะ เญย โหฒว.
5หาย หญู่ง หอบ เญย, แป้ง ฟิม เญย, นิ่น ฮนั้ม.
เฒี้ยว เหฒียบ ฒัวะ เญย ฮนั้ม ก๋อม ลู่ง เดี๊ย เดา-เป้ย.
6 เฒี้ยว หล่ง นิ่น เญย หว่า เหฒย ธ้วด ลู่ง,
หย่า หล่ง นิ่น เญย ฑุ่ย เญย เฉีย เหฒย ธ้วด บะฮนอย เหธา หฮลา เหธา เหฮลย.
7นิ่น เฒาะ ค้อย เญย ววม เซียว ฒุ้น ฮนั้ง ตั๊บ กี๋ง-แป้ง,
เฒาะ โด ไห่ เญย ค้อย ฒ่าง เจี๊ยน เยียม เซียว กะน้าย เญย ต๋อง.
8โท้ ปุน ก๋อม ลู่ง เดี๊ย ท่าย เฒี้ยว.
โท้ ปุน ลู่ง เดี๊ย เมี่ยน กั้ม เหฑีย นิ่น.
9เหว่ย หฒุ นิ่น เยี้ยด ก๊อง, ป้าม เกน ฯฒฯ ม่าย ต้าย อ๊ะ.
นิ่น เยี้ยด หัด, หม่าน หมวด ฯฒฯ ธ้วด ต้าย.
10 เฒี้ยว ปุน หฒวัง ฝีง ธ่าง ล่าง เญย เจ๊า ไม้ ลั่ม หล่ง,
นิ่น ปุน หม่าน ฝีง เญย หฒะเอ๋ย โหฒว ไม้ ธ้วด หาย หญู่ง.
11 เฒี้ยว ธ่าง ล่าง เญย หว่า เหยียด ลิ์ว เยียม,
นิ่น เยียม เฮญี้ยว ฮนั้ม ธ้วด เญย หฒะเอ๋ย เยียม เถา หม่าน โก๊ว หม่าน ต่อย.
12ม่าย เฒี้ยว โหฒว นิ่น บัว เญย ทิน-ฮู่ง วั้ว นอม กั๊วะ เญย เมี่ยน ม่าย ออน-เหลาะ.
เซ นิ่น กิ๊น ต้าย โหฒว นิ่น กั้น หฑิบ เญย วั้ว เต๋ย แปะ ฝีง ม่าย ออน-เหลาะ.
13 เฒี้ยว เยียม กู้ หงว่าย ลู่ง หมั่ง เหฌี่ย,
นิ่น ปวัด เหฑ่ง เหยียด ฒู้ง ป้าม เมี่ยน.
14นิ่น เยียม นิ่น เฒว์ย เญย เหว่ย
หมั่ง เหฌี่ย ลู่ง เดี๊ย หม่าน เมี่ยน เหยียด ฒู้ง.
15นิ่น เซ เหฒย เหฒียง นิ่น บัว หฒวัง เมี่ยน เญย เฮญี้ยว,
นิ่น เม่ง แปะ นิ่น บัว โหฒว เญย เหยียด ฒู้ง สี่.
16ฮู่ง เตี๋ย ไม้ เฒ์ย เหว่ย เขา แปง ธั้ม ตุ๊ ฮี่ง.
เบ๊าะ จ๋า เฮ้น เญย แปง ไม้ เฒ์ย เหว่ย ชะ โฮล ตุ๊ เหฌียว.
17เขา เบ๊าะ จ๋า เญย ม์า เหว่ย ฮี่ง เจี๋ย เซ ไม้ ลั่ม ฮนั้ม อ๊ะ.
ไม้ กุ๊น ม์า เญย ชะ โฮล, ไม้ ไฮ่ เหฌียว เมี่ยน.
18มป่า เฒี้ยว เญย มฒีง หมั่ง เจี๊ยน กั้ม เหฑีย นิ่น, ท่าย นิ่น วั้ว เต๋ย,
ต้ง เขา นิ่น เหฒียบ ฒัวะ ฮนั้ม เมี่ยน เญย เฮญี้ยว วั้ว เต๋ย.
19นิ่น อ๋อย เหฌียว นิ่น บัว, ปุน นิ่น บัว ไม้ หฒุ ไต่,
หง่อ หฮนาง เญย เฒี่ยง โห่ หย่า ปุน นิ่น บัว ม่าย แหม่ง เฒี่ยง เจี๊ยน.
20เยีย บัว เญย เฮญี้ยว ม่าย ลั่ม ฮนั้ม ฒั้ว เจี๊ยน เฒี้ยว.
นิ่น เถง บัว หย่า โหฒว บัว เญย ท้อง-ป้าย.
21เยีย บัว เญย เฮญี้ยว ฒู้ง เขา นิ่น เฌียน-โย่ว,
เหว่ย หฒุ เยีย บัว เขา นิ่น เญย ธีง-เหฑ่ง บั๋ว.
22 เฒี้ยว อ่า, โท้ เม่ย เหฒียบ ฒัวะ เญย ฮนั้ม เยีย บัว,
เหว่ย หฒุ เยีย บัว เขา เม่ย ม่าย ลั่ม ฮนั้ม ต๋อง.
Currently Selected:
สีง ฑูง 33: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
