สีง ฑูง 32
32
สีง ฑูง 32
ตุ๊ ทิน-ฮู่ง กวั่ง ฒุ์ย เญย เมี่ยน ตุ๊ ออน-เหลาะ
ดาวิด โหฒ่ เญย สีง ฑูง. เป๋น ติ้ว มัดคิน ฑูง.
1หาย เต้า โหฒว ต่อง ฒุ์ย มป่า ตุ๊ ทิน-ฮู่ง กวั่ง ฆอย,,
เซ ตุ๊ นิ่น เญย ฒุ์ย ซ้อด กวั่ง,
วั้ว เต้า ม่าย ออน-เหลาะ.#โลมา 4:7-8
2 เฒี้ยว ฝุน ไม้ ม่าย ฒุ์ย เญย เมี่ยน,
เซ กั้น เญย เฮญี้ยว ไม้ ม่าย หาย หญู่ง ดั๊ว เมี่ยน,
วั้ว เต้า ม่าย ออน-เหลาะ.
3เยีย เญี์ยน เจี๊ยน ไม้ เหญี่ยม เยีย เญย ฒุ์ย วั้ว หฒั่น,
เยีย เญย ซิน เฮย เจี๊ยน เหฌี่ย,
เหว่ย หฒุ เยีย เฒี่ยง ฮนอย ฌุ่น เจี๊ยน เยียม.
4เม่ย เญย ปั์ว เฒี่ยง ฮนอย เฒี่ยง ม์วน งัด เจี๊ยน เยีย,
เยีย เญย ชะ ฯฒฯ หฒิด เหฑ่ง,
ฮนั้ง ฆาย กอง ยัวะ เญย เฒี่ยง โห่ นอ. เซลา
5เยีย ฯฒฯ เหญี่ยม เยีย เญย ฒุ์ย ปุน เม่ย อ๊ะ.
เยีย ไม้ ปี๋ง เยีย โหฒว ต่อง เญย สี่.
เยีย ก๊อง, “เยีย อ๋อย ตอง เจี๊ยน เฒี้ยว เหญี่ยม เยีย โหฒว ต่อง เญย สี่.”
เม่ย ฯฒฯ กวั่ง ฆอย เยีย โหฒว ต่อง เญย ฒุ์ย. เซลา
6โท้ ปุน กัน หลง เม่ย วั้ว เต๋ย เมี่ยน
ตอง เจี๊ยน เม่ย เต๋า เก๋า.
ต๋อย หฒุ ปวั้ง ขวน น่าน เญย เฒี่ยง โห่,
ฮนั้ง ววม เหยียม วั้ว หฒั่น
ฯฒฯ เหยียม ไม้ เถา นิ่น วั้ว.
7เม่ย โหฒว เยีย ปี๋ง เญย ต๋อง.
เม่ย เปว เจี๊ยน เยีย เล่ย ดุ๊ด โค้ว หน่าน,
เม่ย ปุน เว่ย ก๋อม เยีย เญย เมี่ยน ป๋าว เหฌียว เอน เญย ฑูง. เซลา
8เยีย อ๋อย หฌาว เม่ย, ปุน เม่ย ฮิ้ว ตุ๊ หอบ หฒุ ยั่ง เญย เจ๊า.
เยีย อ๋อย ปู๋ง มฒีง หมั่ง เจี๊ยน เถง เม่ย ธ่าง ล่าง.
9ไม้ ตู๋ง โหฒว ฮนั้ง ไม้ ฮิ้ว หาย หญู่ง เญย ล่อ ม์า.
อ๋อย หฒุ หล่ง เฮลียะ ฟับ เจี๊ยน ฑุ่ย, โด้ เจี๊ยน ฮลาง,
นิ่น หธีง ต้าย บัวะ เม่ย กุ๊น.
10เอ๊าะ เมี่ยน หฒุ เสี่ยว โค้ว ธั้ม,
มป่า เขา เฒี้ยว เญย เมี่ยน
ฒู้ง อ๋อย ตุ๊ เฒี้ยว เหฒียบ ฒัวะ เญย ฮนั้ม, โก๋ว เจี๊ยน นิ่น.
11เม่ย บัว คู้ เมี่ยน อ้า! อ๋อย หฒุ เขา เฒี้ยว เฌียน-โย่ว ออน-เหลาะ.
เม่ย บัว เฮญี้ยว หฒีง เญย หฒวัง เมี่ยน อ้า! อ๋อย หฒุ เฌียน-โย่ว เญย เห่ว บุย.
Currently Selected:
สีง ฑูง 32: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
