สีง ฑูง 34
34
สีง ฑูง 34#34 น้าย ติ้ว ฑูง หล่ง ฮิบลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เหยี่ยม เหยียด เหยี่ยม เญย หฑั่ง-กอน.
เธง เฒี้ยว เหว่ย นิ่น โหฒว คู้ สี่
ดาวิด ตอง เจี๊ยน อาบีเมเล้ก โหฒว ฮนั้ง ปุ๊ด ดิน เมี่ยน ฯฒฯ หฒุ หฒุ่น เปย๋า วั้ว หฒั่น, โหฒ่ เญย สีง ฑูง.#34 เป๊ย หมั่ง 1 ซามูเอน 21:13-15.
1เยีย ไม้ ตี้ง เลี่ยว เญย อ๋อย เธง เฒี้ยว.
เธง นิ่น เญย หว่า หฒั่นๆ เยียม เยีย เญย ฑุ่ย.
2เยีย เญย เฮญี้ยว อ๋อย เหว่ย เฒี้ยว ปู๋ง หว่า-เหมา,
ปุน หฒุ เหฒย#34:2 ม่าย เต๋ย โซว ก๊อง ด๊อด หน่าน. เญย เมี่ยน หมวัง ไฮ์ ฯฒฯ อะเฮน้ย.
3โท้ เหธา เยีย เธง เฒี้ยว เว่ย โฮล.
โท้ ปุน บัว ล่ม ฑ่อย ท่าย นิ่น เญย เม่ง.
4เยีย เต๋า เก๋า โท้ เฒี้ยว, นิ่น ฯฒฯ เตา เยีย.
หย่า เหฌียว เยีย เปย๋า ดุ๊ด เหยียด ฒู้ง กั้ม เหฑีย เญย สี่.
5หฒุ เหฒย เญย เมี่ยน หมั่ง เจี๊ยน นิ่น, เฮมียน ฯฒฯ ฌัง-หล่าง อ๊ะ.
นิ่น บัว ไม้ หฒุ ปวัง เฮมียน เตี๊ย ไญ้.
6น้าย เต้า เมี่ยน จ่ม เมี่ยน เห่ว เจี๊ยน โท้,
เฒี้ยว หย่า ไฮ์ หมี่ อ๊ะ,
หย่า เหฌียว นิ่น เปย๋า ดุ๊ด นิ่น เญย เหยียด ฒู้ง โค้ว หน่าน.
7 เฒี้ยว เญย ฟิน-เมี่ยน เปว เจี๊ยน ท่าย เฒี้ยว เญย เมี่ยน
หย่า เหฌียว นิ่น บัว.
8กุ๊น เสย เหมวย ฯฒฯ ฮิ้ว ตุ๊ เฒี้ยว เซ หลง ไห่.
ด้าว เขา นิ่น เญย เมี่ยน ม่าย ออน-เหลาะ.#1 ปีเต 2:3
9 เฒี้ยว เญย ธีง-เหฑ่ง แปะ ฝีง อ้า! อ๋อย หฒุ ท่าย นิ่น,
เหว่ย หฒุ ท่าย นิ่น วั้ว เต๋ย ไม้ ธา หาย หญู่ง.
10เลี่ยม เซี่ยน หลุน ไฮ่ ตั๋ง ไฮ่ หง่อ หญั่น เญย กะน้าย,
มป่า ล์อ เฒี้ยว เญย เมี่ยน ไม้ ธา หาย หญู่ง หลง เญย กะน้าย.
11เยีย เญย น่าม โญ์ว อ่า, ต้าย หมวัง เยีย เญย หว่า ม่าะ!
เยีย อ๋อย หฌาว เม่ย บัว ท่าย เฒี้ยว.
12หาย เต้า ป้าม เมี่ยน อ๋อย เฒี่ยง เจี๊ยน,
อ๋อย ตุ๊ เสี่ยว ญ่วน ด๊าว หย่า ตุ๊ หลง?#1 ปีเต 3:10-12
13อ๋อย หฒุ ไฝ ฟิม, ไม้ ตู๋ง ปุน เบียด ก๊อง เอ๊าะ เญย หว่า.
ฑุ่ย เหมย หย่า ไม้ ตู๋ง ก๊อง-แปะ ดั๊ว เมี่ยน.
14เอ๊าะ เญย อ๋อย หฒุ ซิ้ม ฆอย, ขูง โหฒว หลง เญย เจ๊า.
อ๋อย หฒุ หล่ง เฮญี้ยว ฒิ่ม ล์อ แป้ง ออน เญย เจ๊า.
15 เฒี้ยว เญย มฒีง หมั่ง เจี๊ยน คู้ เมี่ยน.
นิ่น เญย มน่อม หย่า หมวัง นิ่น บัว เห่ว เจี๊ยน โท้ เญย หว่า.
16 เฒี้ยว แหง่ง เจี๊ยน โหฒว เอ๊าะ เญย เมี่ยน,
ปุน เยียม น้าย ลู่ง เดี๊ย ไม้ ม่าย หาย เต้า จั๋ง ตุ๊ นิ่น บัว.
17คู้ เมี่ยน เห่ว เจี๊ยน โท้, เฒี้ยว หมวัง ไฮ์ หมี่ อ๊ะ,
ปุน นิ่น บัว เปย๋า ดุ๊ด เหยียด ฒู้ง ขวน น่าน.
18 เฒี้ยว เยียม นิด ฟัด เฮญี้ยว มุน เญย เมี่ยน,
หย่า เหฌียว เฮญี้ยว มุน, บะฑิว หยุ เญย เมี่ยน.
19คู้ เมี่ยน ปวั้ง ขวน น่าน ธั้ม เญย,
มป่า เฒี้ยว เหฌียว นิ่น เปย๋า ดุ๊ด เหฑ่ง.
20นิ่น เปว เจี๊ยน คู้ เมี่ยน เญย ซิน,#34:20 ฟาน หฒะ ก๊อง “นิ่น เญย ติ้วๆ บู๊ง”.
ไม้ ปุน เหยียด ติ้ว บู๊ง เน้า.#โยฮัน 19:36
21เอ๊าะ เมี่ยน อ๋อย หฒุ เอ๊าะ เญย สี่ ไต่,
หั่น คู้ เมี่ยน เญย เมี่ยน อ๋อย หฒุ ตี่ง ฒุ์ย.
22 เฒี้ยว หย่า เหฌียว นิ่น เญย โปว เญย แหม่ง.
ด้าว เขา นิ่น วั้ว เต๋ย, ไม้ ม่าย หาย เต้า หฒุ ตี่ง ฒุ์ย.
Currently Selected:
สีง ฑูง 34: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
