สีง ฑูง 29
29
สีง ฑูง 29
ไฮ์ เฒี้ยว เญย เฉีย เยียม ต้ม บยู่ง หฑยาว
ดาวิด โหฒ่ เญย สีง ฑูง.
1เยียม ลู่ง เญย หฒวัง ฟิน-เมี่ยน#29:1 ฮิบลู หว่า ก๊อง เฒี่ยน เญย ตอน. อ้า!
อ๋อย หฒุ เธง เฒี้ยว.
อ๋อย หฒุ เธง เฒี้ยว เญย ฌัง-หล่าง เหธา ชะ.#สีง ฑูง 96:7-9
2อ๋อย หฒุ เธง เฒี้ยว ผุย นิ่น ฌัง-หล่าง เญย บั๋ว.
อ๋อย หฒุ หฒั่ง เฒี้ยว เหว่ย นิ่น ธีง-เหฑ่ง เญย บั๋ว ฌัง-หล่าง ไห่.#29:2 ไฟ “อ๋อย หฒุ ฒุ ธีง-เหฑ่ง เญย เซียว-เซ้ด ป๋าย เฒี้ยว. ”
3 เฒี้ยว เญย ซีง-เฉีย เยียม วั้ว ค้อย กู้ หงว่าย.
ฌัง-หล่าง เญย ทิน-ฮู่ง เญย เฉีย บุย ฮนั้ง บะอง บุย นอ,
เฒี้ยว เญย ซีง-เฉีย แอ๊ง ปวั๊ง ค้อย.
4 เฒี้ยว เญย ซีง-เฉีย ม่าย ต้ม ชะ,
เฒี้ยว เญย ซีง-เฉีย ม่าย ฮ่าง ต้าว โฮล ไห่.
5 เฒี้ยว เญย เฉีย ว้วด เน้า สีดา ฒ่ง เดี๋ยง.
เฒี้ยว ว้วด เน้า เลบานอน เญย สีดา ฒ่ง เดี๋ยง.
6นิ่น ปุน เลบานอน เก้ ต์ง ฮนั้ง ง่ง ตอน ดิ้ว ลู่ง,
หย่า ปุน ซีลีโอน บง#29:6 ซีลีโอน บง เซ เฮโมน บง เญย กั้น นอม บั๋ว. ต์ง ฮนั้ง เฮยี่ย ง่ง โก๊ว ธาน ปิว นอ.
7 เฒี้ยว เญย ซีง-เฉีย หฌบ ธ้วด เป๋น โต์ว-เบียด.
8 เฒี้ยว เญย ซีง-เฉีย ดั่น ต์ง เต่ย-ปูง-ฮวาง.
เฒี้ยว ฆั้ม ต์ง คาเดด เญย เต่ย-ปูง-ฮวาง.
9 เฒี้ยว เญย เฉีย ดั่น ต้ม บะอง เฒวย เดี๋ยง,#29:9 ต้ม บะอง เฒวย เดี๋ยง ม่าย เต๋ย โล์-ฮนอย โซว ก๊อง ไฌ่. นิ่น บัว ฯฒฯ ฟาน ต้าย ก๊อง “ปุน ไฌ่ เญ์ย เญย ตอน บาง”.
หย่า ปุน หล่ม เญย เดี๋ยง-น่อม โปย้ เหฑ่ง.
เยียม นิ่น เญย สีง ติ่น เญย เหยียด ฒู้ง เมี่ยน หย่า เห่ว เจี๊ยน, “ฌัง-หล่าง!”
10 เฒี้ยว เฒว์ย เจี๊ยน เหว่ย กุ๊น บยู่ง-ซุ้ย-อิ๋ม.
เฒี้ยว เฒว์ย เจี๊ยน เหว่ย, เหยียด ลิ์ว โหฒว ฮู่ง.
11โท้ เฒี้ยว เหธย ชะ ปุน นิ่น เญย แปะ ฝีง.
โท้ เฒี้ยว เหธย ฟุ ปุน นิ่น เญย เมี่ยน ตุ๊ แป้ง ออน.
Currently Selected:
สีง ฑูง 29: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
