สีง ฑูง 24
24
สีง ฑูง 24
ฌัง-หล่าง เญย ฮู่ง เตี๋ย
ดาวิด โหฒ่ เญย สีง ฑูง.
1เดา- เป้ย เหธา เยียม เดา-เป้ย เญย หม่าน หมวด เป๋น เฒี้ยว เญย.
ลู่ง เดี๊ย เหธา ลู่ง เดี๊ย เญย หม่าน เมี่ยน หย่า นิ่น เญย.#1 โคลินโท 10:26
2นิ่น เหธย ป้าม เกน เจี์ย ต้าย เยียม ค้อย กู้ หงว่าย,
เซ เหลียบ เจี๊ยน เยียม ววม กู้ หงว่าย.
3หาย เต้า ม่าย เล์ย ฝาว เฒี้ยว เญย บง?
หาย เต้า ไฮ่ โซ้ว เจี๊ยน เยียม นิ่น เญย ธีง-เหฑ่ง ต๋อง?
4เซ ต้ง โหฒว เญย สี่ เหธา ฮนั้ม เญย เจ๊า ธีง-เหฑ่ง เญย เมี่ยน,#24:4 ฟาน หฒะ ฮิบลู หว่า ก๊อง “ปั์ว เหฑ่ง, เฮญี้ยว ธีง-เหฑ่ง เญย เมี่ยน”.
ต้ง ไม้ เจี์ย เฮญี้ยว โหฒว จ๊า เญย สี่,#24:4 ไฟ ป๋าย หมิ่ว-ฝัง.
หย่า ไม้ หละไกว้ โฮ้ว จ๊า หว่า.#มัดทาย 5:8
5นิ่น อ๋อย ตุ๊ เฒี้ยว เหธย ฟุ.
เหฌียว นิ่น วั้ว เต้า ทิน-ฮู่ง หย่า อ๋อย ปุน ธีง นิ่น โหฒว ตุ๊ หอบ.
6เซ ต้ง น้าย หญู่ง เมี่ยน ต้าย ล์อ นิ่น,
ต้าย เยียม ยาโค้บ เญย ทิน-ฮู่ง เญย หฑะเฮมียน. เซลา
7คอย ฆอย หลาด แก้ง ม่าะ!
คอย ฆอย โล์-ฮนอย เญย แก้ง.
ม่าย ฌัง-หล่าง เญย ฮู่ง อ๋อย เปียะ ต้าย.
8น้าย เต้า ฌัง-หล่าง เญย ฮู่ง ต้ง หาย เต้า?
เซ ต้ง ม่าย ชะ เฮ้น ไห่ เญย เฒี้ยว,
ต้ง เบ๊าะ จ๋า เฮ้น เญย เฒี้ยว.
9คอย ฆอย หลาด แก้ง ม่าะ!
คอย ฆอย โล์-ฮนอย เญย แก้ง.
ม่าย ฌัง-หล่าง เญย ฮู่ง อ๋อย เปียะ ต้าย.
10น้าย เต้า ฌัง-หล่าง เญย ฮู่ง ต้ง หาย เต้า?
เซ เน่น เจี๋ย เญย เฒี้ยว.
ต้ง น้าย เต้า โหฒว ฌัง-หล่าง เญย ฮู่ง. เซลา
Currently Selected:
สีง ฑูง 24: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
