สีง ฑูง 25
25
สีง ฑูง 25
เต๋า เก๋า โท้ เฒี้ยว ต้อ หย่า เปว เจี๊ยน#25 น้าย ติ้ว ฑูง หล่ง ฮิบลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เหยี่ยม เหยียด เหยี่ยม เญย หฑั่ง-กอน.
ดาวิด โหฒ่ เญย สีง ฑูง.
1โอ เฒี้ยว อ่า, เยีย ปู๋ง ตี่ง เฮญี้ยว เขา เม่ย.
2โอ เยีย เญย ทิน-ฮู่ง อ่า, เยีย เขา เม่ย.
โท้ ไม้ ตู๋ง ปุน เยีย หฒุ ไญ้,
หย่า ไม้ ตู๋ง ปุน เยีย เญย วิน-วั้ง ฮี่ง เจี๋ย เยีย.
3ตะฟ่าน ฒั้ว เจี๊ยน เม่ย เญย เมี่ยน
เหยียด ลิ์ว ไม้ หฒุ ไญ้.
มป่า แหง่ง เจี๊ยน เม่ย หย่า ไม้ ม่าย กอน-แป๋ง วั้ว เต๋ย
ฒู้ง อ๋อย หฒุ ไญ้ อ๊ะ.
4โอ เฒี้ยว อ่า, โท้ ปุน เยีย ฮิ้ว ตุ๊ เม่ย เญย หฒะเอ๋ย
หย่า หฌาว เยีย ฮิ้ว ตุ๊ เม่ย เญย เจ๊า.
5โท้ เม่ย ต้อ เยีย กัน เม่ย เญย เฒียน เล์ย หย่า หฌาว เยีย,
เหว่ย หฒุ เม่ย โหฒว เหฌียว เยีย วั้ว เต้า ทิน-ฮู่ง.
เยีย เฒี่ยง ฮนอย เฒี่ยง ม์วน ฒั้ว เม่ย.#25:5 ไฟ เขา เม่ย.
6โอ เฒี้ยว อ่า, โท้ เม่ย จั๋ง เจี๊ยน เม่ย ค้อ-เลี่ยน เมี่ยน หย่า เหฒียบ ฒัวะ เญย ฮนั้ม เมี่ยน,
เหว่ย หฒุ โล์-ฮนอย มต้าย ฮนั้ง หน่าย.
7ไม้ ตู๋ง จั๋ง เยีย หลุน เญย เฒี่ยง โห่ โหฒว ต่อง, ป์าม เญย ฒุ์ย.
โอ เฒี้ยว อ่า, หฒิว เม่ย เหฒียบ ฒัวะ เญย ฮนั้ม เมี่ยน โท้ เม่ย จั๋ง เยีย,
เหว่ย หฒุ เม่ย เซ หลง ไห่.
8 เฒี้ยว เซ หลง เญย, แป้ง ฟิม เญย,
นิ่น ฯฒฯ หฌาว ฒุ์ย-เมี่ยน ยั่ง หอบ เญย เจ๊า.
9นิ่น ต้อ เหญี่ยม กั้น โหฒว ไฝ เญย เมี่ยน โหฒว หอบ เญย สี่,
หย่า หฌาว นิ่น บัว ฮิ้ว ตุ๊ นิ่น เญย เจ๊า.
10ตะฟ่าน เอย เจี๊ยน เฒี้ยว เญย แหง่ง หว่า เหธา นิ่น ก๊อง เญย หว่า เญย เมี่ยน
นิ่น ฮนั้ม หย่า เหฒียบ ฒัวะ เญย ต้อ.
11โอ เฒี้ยว อ้า! เหว่ย เม่ย กั้น เญย เม่ง
โท้ กวั่ง เยีย เญย ฒุ์ย, เหว่ย หฒุ เยีย เญย ฒุ์ย โฮล ไห่.
12หาย เต้า ท่าย เฒี้ยว,
นิ่น อ๋อย หฌาว วั้ว เต้า กิ๊น ยั่ง หอบ เญย เจ๊า.
13เยียม นิ่น เญย เสย เฒ้ย นิ่น ตุ๊ เสี่ยว ฟุ-โหละ,
นิ่น เญย โฮ์ ต่อย หย่า ตุ๊ หฑิบ น้าย นอม เต่ย-ปูง.
14 เฒี้ยว เหธา ท่าย นิ่น วั้ว เต๋ย โหฒว ต่อย.
นิ่น ปุน นิ่น บัว ฮิ้ว ตุ๊ นิ่น แล์ง เญย แหง่ง หว่า.
15เยีย เญย มฒีง หฒั่นๆ หมั่ง เฒี้ยว,
เหว่ย หฒุ ขูง นิ่น กั้น ไฮ่ เถง เยีย เญย เหฒา เล่ย ดุ๊ด, ไม้ หฒุ มู์ง เหฑ่น.
16โท้ เม่ย ฮวิน หฑวน ต้าย หมั่ง เยีย, ค้อ-เลี่ยน เยีย,
เหว่ย หฒุ เยีย โดะ หย่า ขวน น่าน.
17เยีย เญย เฮญี้ยว เฑ่า ตุ๊ โค้ว ไห่.
โท้ เถง เยีย เปย๋า ดุ๊ด เยีย เญย โค้ว หน่าน.
18โท้ เม่ย เถง ธ่อง เยีย เญย โค้ว หน่าน เหธา หน่าน ฒี่ง,
แอ๋ง กวั่ง เยีย เญย เหยียด ฒู้ง ฒุ์ย.
19โท้ เม่ย ฮนั้ม หมั่ง ก๋า, เยีย เญย วิน-วั้ง ด่ง หาย ธั้ม,
หย่า หมั่ง ก๋า นิ่น บัว ฑอง ตุ๊ เยีย โตะ ไห่.
20โท้ เม่ย เปว เจี๊ยน เยีย เญย แหม่ง แอ๋ง เหฌียว เยีย,
ปุน เยีย ไม้ หฒุ ไญ้,
เหว่ย หฒุ เยีย ด้าว เขา เม่ย.
21เม่ย เฮญี้ยว หฒะ เฮญี้ยว หฒีง เญย ฯฒฯ โท้ เม่ย เปว เจี๊ยน เยีย,
เหว่ย หฒุ เยีย ฒั้ว เจี๊ยน เม่ย.
22โอ ทิน-ฮู่ง อ้า! โท้ เม่ย เหฌียว อิสะลาเอน เมี่ยน
เปย๋า ดุ๊ด นิ่น บัว เญย เหยียด ฒู้ง โค้ว หน่าน.
Currently Selected:
สีง ฑูง 25: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
