สีง ฑูง 143
143
สีง ฑูง 143
เต๋า เก๋า โท้ เฒี้ยว เหฌียว หย่า ต้อ เจ๊า
ดาวิด โหฒ่ เญย สีง ฑูง.
1โอ เฒี้ยว อ่า, โท้ หมวัง เยีย เต๋า เก๋า,
โท้ แปง มน่อม หมวัง เยีย โจ้ว เญย หว่า.
เหว่ย หฒุ เม่ย เหฒียบ ฒัวะ เญย, แป้ง ฟิม เญย, โท้ เตา เยีย.
2โท้ ไม้ ตู๋ง เซี้ยม เยีย, เม่ย เญย โปว,
เหว่ย หฒุ หฒิว เม่ย หมั่ง,
ไม้ ม่าย เหยียด เต้า เฒี่ยง เจี๊ยน เญย เมี่ยน โหฒว ตุ๊ หอบ เหฑ่ง.#โลมา 3:20; กาลาเทีย 2:16
3เยีย เญย วิน-วั้ง หฒุ่น เยีย,
ธ้าย เยีย เหฌี่ย เถา เดา.
นิ่น ปุน เยีย เยียม หฮมวัง เญย ต๋อง,
ฮนั้ง ไต่ มี่ง เล่า ไห่ เญย เมี่ยน นอ.
4เหว่ย น้าย เยีย เญย เฮญี้ยว เมา เจี๊ยน เหฌี่ย,
เยีย เญย เฮญี้ยว เก้ง โค้ว เถา เดี๊ย.
5เยีย จั๋ง เถา โล์-ฮนอย,
เยีย เฟย-ฟั้ง เม่ย โหฒว เญย เหยียด ฒู้ง สี่,
หย่า ฮนั้ม เถา เม่ย เญย ปั์ว โหฒว เญย กง.
6เยีย หูง เจี๊ยน เม่ย ซูง ปั์ว.
เยีย หง่อ เม่ย ด่ง เดา-ฆาย หง่อ บยู่ง. เซลา
7โอ เฒี้ยว อ่า, โท้ เซี้ยบๆ เญย เตา เยีย.
เยีย เญย เฮญี้ยว ไม้ ลั่ม ฮนั้ม ต๋อง.
โท้ เม่ย ไม้ ตู๋ง ปี๋ง เม่ย เญย เฮมียน, ไม้ หมั่ง เยีย,
เหฑีย เยีย ไฮ่ ฮนั้ง มี่ง เยียม เยี่ยม เกน วั้ว เต๋ย เมี่ยน.
8โท้ ปุน เยีย ลู่ง ดอม เฑี้ยว ตุ๊ ไฮ์ เม่ย เหฒียบ ฒัวะ ฮนั้ม เยีย
เหว่ย หฒุ เยีย เขา เม่ย.
โท้ เม่ย ปุน เยีย ฮิ้ว ตุ๊ หอบ ยั่ง เญย เจ๊า,
เหว่ย หฒุ เยีย เต๋า เก๋า เญย หว่า ฝาว เถา เม่ย.#143:8 เต๋า เก๋า เญย หว่า ฮิบลู หว่า ก๊อง เฮญี้ยว.
9โอ เฒี้ยว อ่า, โท้ เม่ย เหฌียว เยีย เปย๋า ดุ๊ด เยีย เญย วิน-วั้ง.
เยีย ปี๋ง เจี๊ยน เม่ย เหว่ย โหฒว เยีย ด้าว เขา เญย ต๋อง.
10โท้ เม่ย หฌาว เยีย เอย เม่ย เญย เอ๋ย,
เหว่ย หฒุ เม่ย เซ เยีย เญย ทิน-ฮู่ง.
โท้ ปุน เม่ย หลง ไห่ เญย สีง ลี่ง
ต้อ เยีย ยั่ง แป้ง เญย เจ๊า.
11โอ เฒี้ยว อ่า, โท้ เหว่ย เม่ย เญย เม่ง เปว เยีย เญย แหม่ง.
โท้ หล่ง เม่ย แป้ง ฟิม เญย หฒะเอ๋ย
ต้อ เยีย เยียม ขวน น่าน ธ้วด ต้าย.
12เหว่ย หฒุ เม่ย เหฒียบ ฒัวะ เญย ฮนั้ม เยีย,
โท้ เม่ย จั๊ม กวั่ง เยีย เญย วิน-วั้ง,
หย่า เหมียด เหฑ่ง เยีย เญย เหยียด ฒู้ง วิน-จา,
เหว่ย หฒุ เยีย โหฒว เม่ย เญย โปว.
Currently Selected:
สีง ฑูง 143: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
