สีง ฑูง 144
144
สีง ฑูง 144
เต๋า เก๋า โท้ เถง ฮี่ง เจี๋ย หย่า ตุ๊ ปู๋ง-หฒัวะ
ดาวิด โหฒ่ เญย สีง ฑูง.
1เธง เฒี้ยว, เยีย เญย หละเปย๊ย.
นิ่น เถง เยีย#144:1 ฮิบลู หว่า ก๊อง เยีย เญย ปั์ว. โหะ หลิ่น เบ๊าะ จ๋า,
หฌาว เยีย#144:1 ฮิบลู หว่า ก๊อง เยีย เญย ปั์ว-โด๊ะ. ไฮ่ เบ๊าะ ต้ม จ๋า.
2นิ่น เซ เหฒียบ ฒัวะ เญย ฮนั้ม เยีย วั้ว เต้า เฒี้ยว,#144:2 ม่าย เต๋ย โซว ฟาน ต้าย ก๊อง เยีย เญย หละเปย๊ย.
โหฒว เปว เยีย เญย ต๋อง, ต้ง เยีย เขา ว้วน เญย ต๋อง,
เหธา เหฌียว เยีย วั้ว เต้า.
นิ่น โหฒว เยีย เญย ท้อง-ป้าย, โหฒว เยีย ด้าว เขา เญย ต๋อง.
นิ่น ปุน กั้น ฝีง หฒุ เยียม เยีย เญย ปั์ว-เดี๊ย.
3โอ เฒี้ยว อ่า, ป้าม เมี่ยน เป๋น หาย หญู่ง เม่ย หธีง จั๋ง เถา นิ่น?
เสย หฒั่ง เมี่ยน#144:3 เสย หฒั่ง เมี่ยน ฮิบลู หว่า ก๊อง ป้าม เมี่ยน เญย ตอน. เป๋น หาย หญู่ง เม่ย หธีง ฮนั้ม เถา นิ่น?#โย้บ 7:17-18; สีง ฑูง 8:4
4เมี่ยน เซ ฮนั้ง เท้า หฑุ่น เฉีย.
นิ่น เญย ฮนอย-เหญียะ เจี๋ย ฮนั้ง ต้ง ลิ่น เซี้ยบๆ เญย เจี๋ย มี่ง นอ.
5โอ เฒี้ยว อ่า, คอย ฆอย ลู่ง เหฌี่ย ต้าย,
ฮลัว บง ปุน บง ธ้วด เสียว.
6โท้ ป์อง บะหลี่ง ธ้วด ปุน วิน-วั้ง หฑาน เหฑ่ง.
ป๊วน เม่ย เญย ฟอง-ธัง ปุน นิ่น บัว ฟ้าด หฑาน เญย เปย๋า.
7โท้ เม่ย เยียม ฮลัง เญย ต๋อง ซูง ปั์ว ธ้วด ต้าย,
เหฌียว เยีย, แปง เยีย ธ้วด ววม โด เญย ต๋อง,
แอ๋ง เหฌียว เยีย เปย๋า ดุ๊ด กั้น ฝีง เญย ปั์ว-เดี๊ย.
8นิ่น บัว เญย ฑุ่ย ขูง ก๊อง-แปะ ฮนั้ง,
เลี่ยม ซูง บย่าว เจี๊ยะ ปั์ว แล์ง หว่า หย่า จ๊า เญย.
9โอ ทิน-ฮู่ง อ่า, เยีย อ๋อย ป๋าว ติ้ว เซียง-ฑูง ปุน เม่ย,
อ๋อย หล่ง เหฒียบ ติ้ว ฝิน เญย ต้าน ป้า พัด ปุน เม่ย.
10เม่ย ปุน ฮู่ง เตี๋ย ตุ๊ ฮี่ง,
หย่า เหฌียว เม่ย เญย โปว, ดาวิด,
เปย๋า ดุ๊ด ห่อย แหม่ง เญย หฑุ ด๊าว.
11โท้ เม่ย เหฌียว เยีย, เถง เยีย
เปย๋า ดุ๊ด กั้น ฝีง เมี่ยน เญย ปั์ว-เดี๊ย.
นิ่น บัว เญย ฑุ่ย ขูง ก๊อง-แปะ ฮนั้ง.
เลี่ยม ซูง บย่าว เจี๊ยะ ปั์ว แล์ง หว่า หย่า จ๊า เญย.
12โท้ ปุน เยีย บัว เญย ตอน เยียม หฮญัง-เจ๊ย หลุน เญย เฒี่ยง โห่
ฮนั้ง เดี๋ยง โฮล ตี่ง นอ.
โท้ ปุน เยีย บัว เญย เซียะ
ฮนั้ง หฒุ ต้าย โหฒว ฮู่ง ติ่น เปย๊า-เก๊าะ เญย เดี้ยว.
13โท้ ปุน เยีย บัว เญย ลั์ม ตั๊บ ปวั๊ง หญู่งๆ ล่าง หฒิ.
โท้ ปุน เยีย บัว เญย ปะกี ยู่ง
เยียม เยีย บัว เญย เธี้ยง เหฌี่ย ตอน ธินๆ หว่านๆ.
14โท้ ปุน เยีย บัว เญย ง่ง เหฌี่ย ตอน ธั้ม,
ไม้ หว่าย, ไม้ ตี๋ง ล่าย.
หย่า โท้ ปุน เยีย บัว เญย จาย-ห่อง
ไม้ ม่าย หฒุ โค้ว, เญี้ยม เญย ซีง-เฉีย.
15ตุ๊ น้าย หญู่ง ฟุ เญย แปะ ฝีง ม่าย ออน-เหลาะ.
ม่าย เฒี้ยว โหฒว นิ่น บัว เญย ทิน-ฮู่ง วั้ว เต๋ย แปะ ฝีง ม่าย ออน-เหลาะ.
Currently Selected:
สีง ฑูง 144: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
