สีง ฑูง 142
142
สีง ฑูง 142
หฒุ โค้ว เญย เฒี่ยง โห่ เต๋า เก๋า โท้ เฒี้ยว เถง
ดาวิด เยียม แบ๋ง-ค้วด#142 เป๊ย หมั่ง 1 ซามูเอน 22:1; 24:3. โหฒ่ เญย มัดคิน ฑูง. เป๋น เต๋า เก๋า เญย หว่า.
1เยีย ธ้วด เฉีย เห่ว เฒี้ยว,
เยีย หล่ง เยีย เญย ซีง-เฉีย โจ้ว เฒี้ยว.
2เยีย เยียม นิ่น เญย หฑะเฮมียน ชะ ก๊อง เยีย เญย โค้ว-ฒี่ง โค้ว-หลัด,
เฒาะ เยีย เญย ขวน น่าน บั๋ว นิ่น.
3เยีย เฮญี้ยว เมา เจี๊ยน เหฌี่ย เญย เฒี่ยง โห่,
เม่ย ฮิ้ว ตุ๊ เยีย เญย เจ๊า-โหล่ว.
เยียม เยีย ยั่ง เญย เจ๊า
วิน-วั้ง แฒง ฮลาง อ๋อย ฮลบ เยีย.
4โท้ เม่ย ฮวิน บย่าว ปูง หมั่ง,
ไม้ ม่าย หาย เต้า เธี้ยบ เยีย.
เยีย ไม้ ม่าย ต๋อง เขา,
ไม้ ม่าย หาย เต้า ม่าย เฮญี้ยว เถง เยีย.
5โอ เฒี้ยว อ่า, เยีย เห่ว เจี๊ยน เม่ย.
เยีย ก๊อง, “เม่ย โหฒว เยีย ด้าว เขา เญย ต๋อง,
เยียม ย่าง เสย เม่ย โหฒว เยีย เญย ฟุ-ป่วน.”
6โท้ หมวัง เยีย เห่ว เจี๊ยน โจ้ว เญย หว่า,
เหว่ย หฒุ เยีย โค้ว เถา เดี๊ย.
โท้ เหฌียว เยีย เปย๋า ดุ๊ด เหฒย เยีย วั้ว เต๋ย,
เหว่ย หฒุ นิ่น บัว เก้า เฮ้น เยีย.
7โท้ ต้อ เยีย ธ้วด โล่,
เหว่ย ปุน เยีย ไฮ่ ตอ-เหฒี่ย เม่ย เญย เม่ง.
คู้ เมี่ยน อ๋อย เว่ย ก๋อม เยีย,
เหว่ย หฒุ เม่ย หฒะเก้ง โหฒว หลง ปุน เยีย.
Currently Selected:
สีง ฑูง 142: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
