สีง ฑูง 141
141
สีง ฑูง 141
เต๋า เก๋า โท้ เฒี้ยว ตั๊ง เจี๊ยน เอ๊าะ เญย เจ๊า
ดาวิด โหฒ่ เญย สีง ฑูง.
1โอ เฒี้ยว อ่า, เยีย เห่ว เจี๊ยน เม่ย. โท้ เซี้ยบๆ เญย ต้าย เถง เยีย.
เยีย เห่ว เม่ย เญย เฒี่ยง โห่, โท้ แปง มน่อม หมวัง เยีย เญย ซีง-เฉีย.
2โท้ ปุน เยีย เต๋า เก๋า เญย หว่า ฮนั้ง ฮูง เยียม เม่ย เญย หฑะเฮมียน.#หล่าว ย่าง 5:8
เยีย ซูง เจี๊ยน เญย ปั์ว ฮนั้ง ลู่ง ม์าน-หฮมวัง เหฒี่ย เญย กะน้าย.
3โอ เฒี้ยว อ่า, โท้ กุ๊น เยีย เญย ฑุ่ย ฮนั้ง ฒั้ว แก้ง เมี่ยน ฒั้ว แก้ง นอ.
โท้ โก๋ว เจี๊ยน เยีย เญย ฑุ่ย เหมย เญย แก้ง.
4โท้ ปุน เยีย ไม้ ม่าย เฮญี้ยว โหฒว เอ๊าะ สี่,
ปุน เยีย ไม้ ตู๋ง เหธา โหฒว เอ๊าะ เญย เมี่ยน จวั่ง เจี๊ยน โหฒว หว่าย สี่,
หย่า ไม้ ตู๋ง ปุน เยีย หญั่น นิ่น บัว คู้ ไห่ เญย ไล-หฮนาง.
5โท้ ปุน คู้ เมี่ยน เบ๊าะ เยีย. น้าย เซ เว่ย โหฒว หลง.
โท้ ปุน นิ่น ก๊อง-เหม เยีย, เซ ฮนั้ง เฒาะ โย่ว โต๋ เยีย เญย มฆ้อง.
โท้ ปุน เยีย เญย มฆ้อง ไม้ เฆ่ม.
เหว่ย หฒุ เยีย เต๋า เก๋า เญย หว่า หฒั่นๆ แหง่ง เจี๊ยน เอ๊าะ เมี่ยน เญย เอ๊าะ สี่.#141:5-7 น้าย เต๋ย ปัว เหยี่ยม หฒิว ฮิบลู หว่า เซ อะ ตุ๊ เปียะ เฮญี้ยว เญย. อี้ จ๋า เมี่ยน อะ ตุ๊ เฒาะ เอ๋ย เล์ย.
6นิ่น บัว เญย เซี้ยม ฒุ์ย เจียน หฒุ ฒอย เหฌี่ย หละเปย๊ย-แบ๋ง วั้ว หฒั่น,
เมี่ยน ฯฒฯ โหะ ฮิ้ว เฒี้ยว เญย หว่า เซ เฒียน เญย.
7ฮนั้ง เมี่ยน ไล่ เดา เธ้น หม่วน เหฑ่ง,
นิ่น บัว เญย บู๊ง อ๋อย หฒุ หฑาน มี่ง เถา เยี่ยม เกน เญย ค้วด-ด่าง.
8โอ เฒี้ยว ทิน-ฮู่ง อ่า, เยีย เญย มฒีง หมั่ง เจี๊ยน เม่ย.
เยีย ด้าว เขา เม่ย.
ไม้ ตู๋ง กวั่ง เยีย, ปุน เยีย ไม้ ลั่ม เขา ต๋อง.
9โท้ เปว เจี๊ยน เยีย เปย๋า ดุ๊ด นิ่น บัว แฒง เหว่ย ฮลบ เยีย เญย โขว,
เหธา เอ๊าะ เมี่ยน แฒง เญย ฮลาง.
10โท้ ปุน เอ๊าะ เมี่ยน ด๊อด เหฌี่ย นิ่น บัว กั้น แฒง เญย มู์ง,
มป่า โท้ ปุน เยีย ตุ๊ เปย๋า ดุ๊ด มี่ง.
Currently Selected:
สีง ฑูง 141: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
