สีง ฑูง 140
140
สีง ฑูง 140
เต๋า เก๋า โท้ เฒี้ยว เปว เจี๊ยน ไม้ ปุน หฒุ เมี่ยน ห่อย
จิว ปุน ต้อ ฑูง เญย เมี่ยน. ดาวิด โหฒ่ เญย สีง ฑูง.
1โอ เฒี้ยว อ่า, โท้ เหฌียว เยีย เปย๋า ดุ๊ด เอ๊าะ เมี่ยน.
โท้ เปว เจี๊ยน เยีย, ไม้ ปุน เมี่ยน โตะ เมี่ยน ห่อย.
2นิ่น บัว เยียม เฮญี้ยว ต๊า ธ้วด หว่าย เญย หฒะเอ๋ย,
หย่า หฒั่นๆ โธะ-ฮู้ เบ๊าะ จ๋า.
3นิ่น บัว ปุน นิ่น บัว เญย เบียด ไหล่ ฮนั้ง นาง เญย เบียด ไหล่ นอ.
นิ่น บัว เญย ฑุ่ย เหมย ม่าย นาง-เจี๊ยะ เญย เดีย-โตะ.#โลมา 3:13 เซลา
4โอ เฒี้ยว อ่า, โท้ เหฌียว เยีย เปย๋า ดุ๊ด เอ๊าะ เมี่ยน เญย ปั์ว-เดี๊ย,
เปว เยีย ไม้ หฒุ โตะ เญย เมี่ยน ห่อย,
นิ่น บัว ต๊า หฒะเอ๋ย ปุน เยีย เญย เหฒา ดิ๊ หฒุ ดอบ.
5โหฒว เหมา เญย เมี่ยน ปี๋ง เจี๊ยน แฒง โขว เฒาะ เยีย,
นิ่น บัว หล่ง ฮลาง ธอง มู์ง,
เยียม เจ๊า-เฮลน แฒง โขว ฮลบ เยีย. เซลา
6เยีย ก๊อง บั๋ว เฒี้ยว, “เม่ย โหฒว เยีย เญย ทิน-ฮู่ง.
โอ เฒี้ยว อ่า, โท้ แปง มน่อม หมวัง เยีย โจ้ว เญย ซีง-เฉีย.
7โอ เฒี้ยว, เยีย เญย เฒี้ยว, ต้ง ม่าย ชะ เฮ้น เหฌียว เยีย วั้ว เต้า อ่า,
เบ๊าะ ต้ม จ๋า เญย ฮนอย-เหญียะ เม่ย ท้อง เจี๊ยน เยีย เญย มฆ้อง.
8โอ เฒี้ยว อ่า, โท้ ไม้ ตู๋ง เอย เจี๊ยน เอ๊าะ เมี่ยน เญย เอ๋ย โหฒว,
ไม้ ตู๋ง ปุน นิ่น บัว เอ๊าะ เญย หฒะเอ๋ย ธ้วด,
เหฑีย นิ่น บัว ไฮ่ เธง-โฮล. เซลา
9โท้ ไม้ ตู๋ง ปุน เว่ย เจี๊ยน เยีย วั้ว เต๋ย เมี่ยน ฮี่ง เจี๋ย.#140:9 ฮิบลู หว่า เซ ไม้ หนั่ง เม่ง.
โท้ ปุน นิ่น บัว เญย ฑุ่ย ก๊อง เญย หว่า หฑวน ต้าย ห่อย นิ่น บัว กั้น.
10โท้ ปุน เหฒียะ เจี๊ยน โต์ว เญย ถาน ด๊อด เหฌี่ย นิ่น บัว.
โท้ ปุน นิ่น บัว หฒุ ฒอย เหฌี่ย โด เญย ค้วด,
เหยียด ลิ์ว ไม้ ไฮ่ ธ้วด.
11โท้ ไม้ ตู๋ง ปุน ก๊อง หว่า-ฮู้ เญย เมี่ยน เหลียบ งว์า-กอน เยียม เต่ย-ปูง.
โท้ ปุน เอ๊าะ เญย สี่ เซี้ยบๆ เฒาะ เจี๊ยน โหฒว โตะ เญย เมี่ยน.
12เยีย ฮิ้ว ตุ๊ เฒี้ยว ป๊า เจี๊ยน ด๊อด หน่าน เญย เมี่ยน,
หย่า แป้ง ฟิม เญย ตุ๋น เหว่ย เมี่ยน จ่ม เมี่ยน.
13คู้ เมี่ยน ฒู้ง อ๋อย เธง#140:13 เธง ไฟ ตอ-เหฒี่ย. เม่ย เญย เม่ง,
เฮญี้ยว หฒีง เญย เมี่ยน หย่า อ๋อย เยียม เม่ย เญย หฑะเฮมียน.
Currently Selected:
สีง ฑูง 140: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
