สีง ฑูง 139
139
สีง ฑูง 139
เฒี้ยว ฮิ้ว ตุ๊ หญู่งๆ หย่า เยียม นอมๆ ต๋อง
จิว ปุน ต้อ ฑูง เญย เมี่ยน. ดาวิด โหฒ่ เญย สีง ฑูง.
1โอ เฒี้ยว อ่า, เม่ย ฒ่า หมั่ง เยีย,
หย่า ฮิ้ว เยีย.
2เยีย เฒว์ย เหฌี่ย ไฟ เจี์ย ซิน เม่ย ฮิ้ว เญย.
เม่ย เยียม โก เญย ต๋อง ฮิ้ว ตุ๊ เยีย เญย เฮญี้ยว ฮนั้ม เญย เจ๊า.
3เยีย เปียะ ธ้วด ไฟ เปว๋ย เหฌี่ย เม่ย หมั่ง หม่วน เญย,
หย่า ฮิ้ว โถว เยีย โหฒว เญย เหยียด ฒู้ง เจ๊า.
4โอ เฒี้ยว อ่า, เยีย เลี่ยม ไม้ แก้ง ก๊อง ธ้วด เหยียด โจ๋ว หว่า
เม่ย ฒู้ง ฮิ้ว เหฑ่ง หมี่ อ๊ะ.
5เม่ย เยียม เยีย เญย หฑะเฮมียน แหมง เหธา เยีย เญย ฆะฮ้า ฆาง,
หย่า หล่ง เม่ย เญย ปั์ว มาน เจี๊ยน เยีย.
6เม่ย ด่ง น้าย ฮิ้ว เยีย, เยีย เก้ง! บัวะ ฮ่อง ไห่,
เซ เก้า ฮลัง เยีย ไฮ่ เปียะ เฮญี้ยว เญย.
7เยีย ไฮ่ มี่ง หาย หธีง ไฮ่ เปย๋า ดุ๊ด เม่ย เญย สีง ลี่ง?
ไฟ เยีย ไฮ่ เปย๋า มี่ง หาย หธีง เล่ย ดุ๊ด เม่ย เญย เฮมียน?
8สี ก๊อง เยีย ฝาว ลู่ง, เม่ย เยียม วั้ว.
สี ก๊อง เยีย เหฌี่ย#139:8 เหฌี่ย ไฟ เปว๋ย. เยี่ยม เกน, เม่ย หย่า เยียม วั้ว.
9สี ก๊อง เยีย ได๋ มี่ง บะฮนอย ธ้วด เญย ต๋อง,
ไฟ เยียม วั้ว ปูง หฒิ ค้อย,
10เม่ย ฒู้ง เยียม วั้ว ต้อ เยีย,
หย่า เยียม วั้ว เถง เยีย.
11สี ก๊อง เยีย ก๊อง, “โท้ ปุน หฮมวัง ท้อง เจี๊ยน เยีย,
ปุน เว่ย ก๋อม เยีย เญย ฌัง ทิ้ว เป๋น ลู่ง ม์วน หฒั่น.”
12เหว่ย เม่ย นอ, เลี่ยม หฮมวัง หย่า ไม้ เฒ์ย หฮมวัง,
ลู่ง ม์วน หฒั่น หย่า ด่ง ลู่ง ฮนอย หฒั่น ฌัง,
เหว่ย เม่ย แอ๊ะ, หฮมวัง เซ ฮนั้ง ฌัง.
13เม่ย เหฒย เยียม เยีย กะญั์ว เญย หญู่งๆ.
เยียม มา เญย กะเซีย เม่ย กั๊บ เยีย ต้าย.
14เยีย เธง เม่ย เหว่ย หฒุ เม่ย เหฒย เยีย ธ้วด ต้าย เผย ฝู่ ไห่, บัวะ ฮ่อง ไห่.
เม่ย โหฒว เญย หญู่งๆ หฒะเก้ง เผย ฝู่ ไห่.
เยีย เญย เฮญี้ยว เฒียนๆ ฮิ้ว ตุ๊.#139:14 ไฟ “เม่ย ฮิ้ว ตุ๊ เยีย โถว”.
15เยีย เยียม มา เญย กะเซีย#139:15 ฮิบลู หว่า ก๊อง “เดา-เดี๊ย โด เญย ต๋อง”. เหฒย ธ้วด,
เซ เยียม เกม เจี๊ยน เญย ต๋อง กั๊บ เยีย เญย บู๊ง-ชอง เญย เฒี่ยง โห่,
ฒู้ง ปี๋ง เม่ย ไม้ เบว์ย.
16เยีย เญย ซิน ไม้ แก้ง เป๋น ฝัง เฒ้ย,
เม่ย เญย มฒีง ฒู้ง ปวัด เยีย หมี่ อ๊ะ.
เยีย เลี่ยม ไม้ แก้ง ม่าย เหยียด นอม ฮนอย วั้ว หฒั่น,#139:16 ไฟ ไม้ แก้ง ธ้วด เสย.
เม่ย เหว่ย เยีย ตี่ง ต้าย เญย ฮนอย-เหญียะ เหยียด ฒู้ง เฟี้ย เจี๊ยน เม่ย เญย โซว-ตาน.
17โอ ทิน-ฮู่ง อ่า, เม่ย ฮนั้ม เญย สี่ เหว่ย เยีย นอ หฒะเก้ง จ๋าย ไห่.
กั๊บ ต้าย เญย โสว โหม่ว ด่ง หาย ธั้ม อ๊ะ.
18สี ก๊อง เยีย ซ้าว นอ,
ม่าย เก้า ธั้ม ซา-เฒียว.
เยีย เญีย ต้าย เญย เฒี่ยง โห่,
เยีย หธ่อ เหธา เม่ย เยียม.
19โอ ทิน-ฮู่ง อ่า, เฝย ตุ๊ เม่ย ไต๋ เหฑ่ง เอ๊าะ เมี่ยน,
เฝย ตุ๊ ไต๋ เมี่ยน เญย เมี่ยน เล่ย ฆอย เยีย.
20นิ่น บัว ก๊อง เอ๊าะ เญย หว่า ต้าน เม่ย,
หย่า ก๊อง โตะ เม่ย เญย เม่ง.
21โอ เฒี้ยว อ่า, เยีย ฑอง ไห่ ต้ง ฑอง เม่ย วั้ว เต๋ย เมี่ยน.
เยีย หย่า โหยว ต้ง แหง่ง เจี๊ยน เม่ย วั้ว เต๋ย.
22เยีย ฑอง นิ่น บัว เถา บู๊ง-ฟิม,
หย่า ฝุน นิ่น บัว เป๋น เยีย เญย วิน-วั้ง.
23โอ ทิน-ฮู่ง อ่า, โท้ ฒ่า หมั่ง เยีย,
เสย เยีย หย่า ฮิ้ว ตุ๊ เยีย เฮญี้ยว ฮนั้ม เญย เจ๊า.
24หมั่ง ก๋า เยียม เยีย ม่าย หาย หญู่ง เอ๊าะ เญย สี่,
หย่า โท้ ต้อ เยีย ยั่ง เหยียด ลิ์ว เญย เจ๊า.#139:24 ไฟ อง-ถาย เญย เจ๊า. เป๊ย หมั่ง เยเลมี 6:16.
Currently Selected:
สีง ฑูง 139: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
