สีง ฑูง 108
108
สีง ฑูง 108
เต๋า เก๋า โท้ ทิน-ฮู่ง ฮี่ง เจี๋ย วิน-วั้ง
(เป๊ย หมั่ง สีง ฑูง 57:7-11; 60:5-12)
เป๋น ติ้ว ฑูง. ดาวิด โหฒ่ เญย สีง ฑูง.
1โอ ทิน-ฮู่ง อ่า, เยีย เญย เฮญี้ยว เขา ว้วน,
เยีย เญย เฮญี้ยว เขา ว้วน.
เยีย อ๋อย ป๋าว ฑูง, อ๋อย ป๋าว ฑูง เธง เม่ย.
เยีย เญย เฮญี้ยว อ้า! เญีย ต้าย ม่าะ!
2ต้ม ต้าน ป้า, ฟิ้ว-ต้าน ป้า อ้า! เญีย ต้าย ม่าะ!
เยีย อ๋อย ปุน บะฮนอย#108:2 ไฟ ลู่ง ดอม เฑี้ยว. เญีย ต้าย.
3โอ เฒี้ยว อ่า, เยีย อ๋อย เยียม หม่าน ฝีง บุด๋ง ตอ-เหฒี่ย เม่ย.
เยีย อ๋อย เยียม หม่าน กั๊วะ บุด๋ง ป๋าว ฑูง เธง เม่ย.
4เม่ย เหฒียบ ฒัวะ เญย ฮนั้ม เมี่ยน เก้า ฮลัง เจี๋ย ลู่ง.
เม่ย เหฒียบ ฒัวะ เญย เฮญี้ยว หย่า แบ่ง บ๋วน ฮลัง.
5โอ ทิน-ฮู่ง อ่า, โท้ ปุน เมี่ยน ท่าย เม่ย เก้า ฮลัง เจี๋ย ลู่ง.
โท้ ปุน เม่ย เญย ฌัง-หล่าง เยียม ปวั๊ง ลู่ง เดี๊ย.
6โท้ เตา เยีย บัว, หล่ง เม่ย เญย บย่าว เจี๊ยะ ปั์ว เหฌียว เยีย บัว,
เหว่ย ปุน เม่ย ฮนั้ม เญย เมี่ยน ตุ๊ เหฌียว.
7ทิน-ฮู่ง เยียม นิ่น เญย สีง ติ่น ก๊อง,
“เยีย อ๋อย อะเฮน้ย เญย เฒาะ เซเคม ปุน ฆอย,
หย่า เดาะ สุกโค้ด ฮ์อง พ้าย ปุน ฆอย.
8กิเลอาด เซ เยีย เญย, มะนัดเส หย่า เยีย เญย.
เอฟาอิม เซ เยีย เบ๊าะ จ๋า เญย หมั่ว.
ยูดา เซ เยีย เญย ฮู่ง ปย๊า.
9โมอับ เซ เยีย เญย หฑาว ปั์ว-เหฒา ปุ้น.
เยีย หย่า ฒอย เยีย เญย เฮ่ เหฌี่ย เอโดม.
เยีย เห่ว เจี๊ยน ก๊อง, ‘ฟีลิสะเตีย อ้า! เยีย ฮี่ง เจี๋ย เม่ย อ๊ะ.’”
10หาย เต้า อ๋อย ต้อ เยีย มี่ง เถา วั้ว นอม เว่ย ว้วน เญย ฒี่ง?
หาย เต้า อ๋อย ต้อ เยีย มี่ง เถา เอโดม เต่ย-ปูง?
11โอ ทิน-ฮู่ง อ้า! เม่ย ไม้ เฒ์ย กวั่ง เยีย บัว ไฟ?
โอ ทิน-ฮู่ง อ้า! เม่ย ไม้ เหธา เยีย บัว เญย จุน-แปง ธ้วด มี่ง เบ๊าะ จ๋า ไฟ?
12โท้ เม่ย เถง เยีย บัว เบ๊าะ วิน-วั้ง,
เหว่ย หฒุ ป้าม เมี่ยน เถง เซ ไม้ ลั่ม หล่ง.
13เยีย บัว เขา ทิน-ฮู่ง เยีย บัว ฯฒฯ ตุ๊ ฮี่ง เจี๋ย.
เซ ต้ง นิ่น อ๋อย ธ้าย เยีย บัว เญย วิน-วั้ง เหฌี่ย.
Currently Selected:
สีง ฑูง 108: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
