สีง ฑูง 109
109
สีง ฑูง 109
โท้ ทิน-ฮู่ง จ๊าว วิน
จิว ปุน ต้อ ฑูง เญย เมี่ยน. ดาวิด โหฒ่ เญย สีง ฑูง.
1โอ เยีย เธง เญย ทิน-ฮู่ง อ่า,
โท้ เม่ย ไม้ ตู๋ง เซ้กๆ เญย เยียม,
2เหว่ย หฒุ เอ๊าะ เมี่ยน เหธา กู๊ ไกว๋ เญย เมี่ยน ก๊อง เยีย.
นิ่น บัว หล่ง ก๊อง-แปะ เญย หว่า ห่อย เยีย.
3นิ่น บัว เว่ย ก๋อม เยีย ก๊อง ฑอง เญย หว่า
หย่า เบ๊าะ เยีย มป่า ไม้ ม่าย กอน-แป๋ง.
4ไม้ กุ๊น เยีย ฮนั้ม นิ่น บัว
หย่า เหว่ย นิ่น บัว เต๋า เก๋า,
นิ่น บัว โก๋ เยีย.
5เยีย โหฒว หลง เญย นิ่น บัว วิ่น เอ๊าะ เญย ปุน เยีย,
เยีย ฮนั้ม เญย นิ่น บัว วิ่น ฑอง เญย.
6โท้ พ้าย เต้า เอ๊าะ เมี่ยน ต้าย เหธา นิ่น ต๋อย-เตก,
ปุน เต้า นิ่น กั้น เญย วิน-วั้ง โก๋ นิ่น.#109:6 โก๋ นิ่น ฮิบลู หว่า ก๊อง, “โซ้ว เจี๊ยน นิ่น เญย บย่าว เจี๊ยะ ปั์ว”.
7เซี้ยม เญย เฒี่ยง โห่, โท้ ปุน นิ่น หฒุ ตี่ง ฒุ์ย,
โท้ ปุน เลี่ยม นิ่น เต๋า เก๋า เญย หว่า ฝุน เป๋น ฒุ์ย.
8โท้ ปุน นิ่น เญย เสี่ยว ญ่วน นั้ง,
ปุน กั้น เต้า ตุ๊ นิ่น เญย เหว่ย.#109:8 ไฟ ธ้าง นิ่น เญย กะน้าย.#กง-โฒ่ 1:20
9โท้ ปุน นิ่น เญย ฝุเจว๊ย เป๋น กู้ ฮั่น ฝุเจว๊ย,
ปุน นิ่น เญย เอ๊า เป๋น เอ๊า-กว๊า.
10โท้ ปุน นิ่น เญย น่าม โญ์ว เป๋น โฌ่ว หฮวา เมี่ยน
โย่ว เจี๊ยน มี่ง โท้ หญั่น.
นิ่น บัว เยียม ป่าย หว่าย เญย ต๋อง,
โท้ ปุน นิ่น บัว หฒุ หฒุ่น ธ้วด มี่ง.
11โท้ ปุน แฒะ-เฒี้ยว ต้าย เฒาะ นิ่น ม่าย เญย เหยียด ฒู้ง,
โท้ ปุน ต้ง นิ่น ไม้ ฮิ้ว เญย เมี่ยน
ต้าย ธ้าง นิ่น ด๊อด ชะ ตุ๊ ต้าย เญย กะน้าย.
12โท้ ไม้ ตู๋ง ปุน หาย เต้า โหฒว หลง ปุน นิ่น,
หย่า ไม้ ตู๋ง ปุน หาย เต้า ค้อ-เลี่ยน นิ่น เญย กู้ ฮั่น ฝุเจว๊ย.
13โท้ ปุน นิ่น เญย โฮ์ ต่อย เฒ้ย-ฟุน หฒุด เหฑ่ง.
โท้ ปุน นิ่น เญย บั๋ว หฒุ ซ้อด กวั่ง, ไม้ ปุน ตะเหญ่ย ต่อย เมี่ยน จั๋ง นิ่น.
14โท้ เฒี้ยว จั๋ง เจี๊ยน นิ่น เญย อง-ถาย บัว โหฒว เญย ฒุ์ย.
หย่า ไม้ ตู๋ง ซ้อด นิ่น เญย มา เญย ฒุ์ย กวั่ง.
15โท้ ปุน น้าย เต๋ย ฒุ์ย หฒั่นๆ เยียม เฒี้ยว เญย หฑะเฮมียน,
มป่า ปุน เยียม น้าย ลู่ง เดี๊ย ไม้ ม่าย หาย เต้า
จั๋ง ตุ๊ นิ่น#109:15 ฮิบลู หว่า ก๊อง นิ่น บัว. เญย บั๋ว.
16เหว่ย หฒุ นิ่น เหยียด ลิ์ว ไม้ ฮนั้ม เถา โหฒว หลง ปุน เมี่ยน,
ฒู้ง โหฒว โตะ ห่อย#109:16 ไฟ หฒุ่น. เมี่ยน จ่ม เมี่ยน, ด๊อด หน่าน เมี่ยน,
เหธา เฮญี้ยว มุน เญย เมี่ยน, ปุน นิ่น บัว หฒุ ไต่.
17นิ่น อ๋อย เหฒียว, โท้ ปุน นิ่น เหฒียว เญย หว่า
ด๊อด หฒุ นิ่น กั้น.
นิ่น ไม้ อ๋อย ปวัง หว่า ปุน เมี่ยน,
โท้ ปุน ฟุ เล่ย นิ่น โก.
18นิ่น เฒาะ เหฒียว เญย หว่า ต๋อง ลุย ฒุ,
โท้ ปุน น้าย เต๋ย หว่า สาม เปียะ นิ่น เญย ซิน ฮนั้ง ววม,
หย่า ฮนั้ง เฮมย สาม เปียะ นิ่น เญย บู๊ง.
19โท้ ปุน เหฒียว เญย หว่า ฮนั้ง ต้ม ลุย ปวัง เจี๊ยน นิ่น,
หย่า ฮนั้ง โหว-ฮลาง หฒั่นๆ ไซ เจี๊ยน นิ่น เญย จ๊าย.
20โท้ เฒี้ยว ปุน โก๋ เยีย เหธา ก๊อง โตะ ห่อย เยีย เญย แหม่ง วั้ว เต๋ย,
ฮนั้ง น้าย นอ หฒุ ต้าย เหว่ย เป๋น นิ่น บัว เญย ฒี่ง เหญ่ย.
21มป่า เยีย เญย เฒี้ยว ทิน-ฮู่ง อ่า,
โท้ เหว่ย เม่ย เญย เม่ง โหฒว หลง ปุน เยีย.
เหว่ย หฒุ เม่ย เหฒียบ ฒัวะ เญย ฮนั้ม เมี่ยน เซ หลง ไห่, โท้ เหฌียว เยีย.
22เหว่ย หฒุ เยีย จ่ม, กะน่าน ไห่,
เยีย เญย เฮญี้ยว กะญั์ว หฒะเก้ง มุน ไห่ อ๊ะ.
23เยีย เญย แหม่ง เจี๋ย เจี๊ยน มี่ง ฮนั้ง ลู่ง ม์าน-หฮมวัง เญย ต้ง ลิ่น นอ,
เยีย ฮนั้ง นอม จ๊บ-เหญ่ย หฒุ หฑยาว ป่วน มี่ง.
24เยีย เฒย ไม้ หญั่น หาย หญู่ง ธี่ง เบาะ ฯฒฯ เมา.
เยีย เญย ซิน หฒั่ง ไจ่ เจี๊ยน เหฌี่ย.
25โก๋ เยีย วั้ว เต๋ย ขูง ฮว้วด เยีย ฮนั้ง.
นิ่น บัว ปวัด เยีย, นิ่น บัว หฮวัง มฆ้อง.#มัดทาย 27:39; มาโค 15:29
26โอ เฒี้ยว, เยีย เญย ทิน-ฮู่ง อ้า! โท้ เถง เยีย.
หฒิว เม่ย เหฒียบ ฒัวะ เญย ฮนั้ม เมี่ยน, โท้ เหฌียว เยีย.
27โท้ ปุน นิ่น บัว ฮิ้ว ตุ๊ น้าย เซ เม่ย เญย ปั์ว โหฒว เญย.
โอ เฒี้ยว อ่า, น้าย เซ เม่ย โหฒว เญย สี่.
28เซว่ย นิ่น บัว เหฒียว, มป่า โท้ เม่ย เหธย ฟุ.
โท้ ปุน เจี์ย ต้าย อ๋อย เบ๊าะ เยีย วั้ว เต๋ย หฒุ ไญ้,
หย่า โท้ ปุน เยีย, เม่ย เญย โปว, อะเฮน้ย.
29โท้ ปุน โก๋ เยีย วั้ว เต๋ย หฒุ ปวัง เฮมียน เตี๊ย ไญ้,
ปุน นิ่น บัว ป่าย เฮมียน เป๊ย ฮนั้ง ปุ๋ย ต้ม ลุย-ด๊าว นอ.
30เยีย อ๋อย หล่ง เยีย เญย ฑุ่ย ธั้มๆ เญย ตอ-เหฒี่ย เฒี้ยว.
เยีย อ๋อย เยียม หฒวัง เมี่ยน ธั้ม เญย บุด๋ง เธง นิ่น,
31เหว่ย หฒุ นิ่น โซ้ว เจี๊ยน เมี่ยน จ่ม เมี่ยน เญย บย่าว แหมง,
เหว่ย เหฌียว นิ่น บัว เปย๋า ดุ๊ด ตี่ง ปุน นิ่น บัว หฒุ ไต๋ ไต่ วั้ว เต๋ย.
Currently Selected:
สีง ฑูง 109: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
