สีง ฑูง 107
107
ตะฮม์ ป๊วน
(สีง ฑูง 107—150)
สีง ฑูง 107
เฒี้ยว เหฌียว เมี่ยน เล่ย ดุ๊ด เหฒีย หญู่ง โค้ว หน่าน
1อ๋อย หฒุ ตอ-เหฒี่ย เฒี้ยว เหว่ย หฒุ นิ่น หลง ไห่,
นิ่น เหฒียบ ฒัวะ เญย ฮนั้ม เมี่ยน เถา เหยียด ลิ์ว.#1 ฒุ่น ต่อย โต้ว 16:34; 2 ฒุ่น ต่อย โต้ว 5:13; 7:3; เอสะลา 3:11; สีง ฑูง 100:5; 106:1; 118:1; 136:1; เยเลมี 33:11
2โท้ ปุน เฒี้ยว หฒัวะ หฑวน เญย เมี่ยน ฮนั้ง หน่าย นอ ก๊อง,
เซ ต้ง นิ่น เยียม วิน-วั้ง เญย ปั์ว-เดี๊ย หฒัวะ หฑวน เญย เมี่ยน,
3หย่า เยียม นอมๆ เต่ย-ปูง,
เซ เยียม ตง น่าม ไฟ ป๊ะ ปูง#107:3 ฮิบลู หว่า ก๊อง ป๊ะ ปูง เหธา ค้อย.
เซียว หฑวน ต้าย เญย เมี่ยน.
4นิ่น บัว เยียม เต่ย-ปูง-ฮวาง, เต่ย-ปูง ฮ์าน, โย่ว เจี๊ยน มี่ง,
ล์อ ไม้ ตุ๊ เจ๊า มี่ง หอบ นิ่น บัว เยียม เญย ฒี่ง.
5นิ่น บัว โหย่ว เฮญี้ยว เซีย โหย่ว จาง ฆ้าด,
นิ่น บัว เญย เฮญี้ยว เมา#107:5 ไฟ เฮญี้ยว ฮววน-ฮวา. เหฑ่ง หมี่ อ๊ะ.
6นิ่น บัว เยียม หน่าน ฒี่ง กะญั์ว เห่ว เจี๊ยน โท้ เฒี้ยว,
นิ่น ฯฒฯ เหฌียว นิ่น บัว เปย๋า ดุ๊ด นิ่น บัว เญย โค้ว หน่าน.
7นิ่น ต้อ นิ่น บัว ยั่ง ติ้ว เจ๊า-หฒะ,
เถา หอบ นิ่น บัว เยียม เญย ฒี่ง.
8นิ่น บัว หอบ หฒุ ตอ-เหฒี่ย เฒี้ยว เหว่ย นิ่น เหฒียบ ฒัวะ เญย ฮนั้ม เมี่ยน,
นิ่น หย่า เหว่ย ป้าม เมี่ยน โหฒว บัวะ ฮ่อง เญย สี่.
9นิ่น ปุน จาง ฆ้าด เญย เมี่ยน ไจ๊ ฆ้าด,
ปุน เฮญี้ยว เซีย เญย เมี่ยน ตุ๊ หลง เญย กะน้าย หญั่น เป๊ว.
10ม่าย เต๋ย เมี่ยน เยียม หฮมวัง ฒง, เยียมๆ เญย ต๋อง,
เซ หฒุ หววน โล่ เญย เหธา หฒุ หลิ่ม โด้ เญย เมี่ยน,
11เหว่ย หฒุ นิ่น บัว แหง่ง ทิน-ฮู่ง เญย หว่า,
หมั่ง เผีย เยียม ฮลัง เจี๋ย วั้ว เต้า หฌาว เญย หฒะเอ๋ย.
12นิ่น ปุน นิ่น บัว หฒุ โหฒว กง โค้ว เหว่ย ฒัด นิ่น บัว เญย เฮญี้ยว เหฌี่ย.
นิ่น บัว ดอบ, หย่า ไม้ ม่าย หาย เต้า เถง.
13นิ่น บัว เยียม หน่าน ฒี่ง กะญั์ว เห่ว เจี๊ยน โท้ เฒี้ยว.
นิ่น ฯฒฯ เหฌียว นิ่น บัว เปย๋า ดุ๊ด นิ่น บัว เญย โค้ว หน่าน.
14นิ่น ต้อ นิ่น บัว เยียม หฮมวัง เหธา หฒุ ไต่ เญย ต้ง ลิ่น กะญั์ว ธ้วด ต้าย,
หย่า ธุด นิ่น บัว หฒุ โด้ เญย หลิ่ม ตั๋ง.
15นิ่น บัว หอบ หฒุ ตอ-เหฒี่ย เฒี้ยว เหว่ย นิ่น เหฒียบ ฒัวะ เญย ฮนั้ม เมี่ยน,
นิ่น หย่า เหว่ย ป้าม เมี่ยน โหฒว บัวะ ฮ่อง เญย สี่.
16นิ่น เบ๊าะ ฮู้ ต้ง ซิ แก้ง,
หย่า ฮงะ ดุ๊ด เฮลียะ-แก้ง ซอน.
17ม่าย เต๋ย ปุ๊ด แป่ง หลาย นิ่น บัว โหฒว เญย ฒุ์ย,
หย่า หลาย นิ่น บัว โหฒว หว่าย สี่ หฒุ เสี่ยว โค้ว.
18นิ่น บัว โหยว ไห่ หญู่งๆ หญั่น เญย กะน้าย,
หย่า เถา ฟัด หฒุ ไต่ เญย แก้ง.
19นิ่น บัว เยียม หน่าน ฒี่ง กะญั์ว เห่ว เจี๊ยน โท้ เฒี้ยว,
นิ่น ฯฒฯ เหฌียว นิ่น บัว เปย๋า ดุ๊ด นิ่น บัว เญย โค้ว หน่าน.
20นิ่น ก๊อง ธ้วด หว่า หฒ่อ นิ่น บัว หลง,
หย่า เหฌียว นิ่น บัว เปย๋า ดุ๊ด หฒุ ไต่ เญย ค้วด.
21นิ่น บัว หอบ หฒุ ตอ-เหฒี่ย เฒี้ยว เหว่ย นิ่น เหฒียบ ฒัวะ เญย ฮนั้ม เมี่ยน,
นิ่น หย่า เหว่ย ป้าม เมี่ยน โหฒว บัวะ ฮ่อง เญย สี่.
22อ๋อย หฒุ ปุน นิ่น บัว ฝ่ง ห่อ เหฒี่ย เหว่ย ตอ-เหฒี่ย,
หย่า เฌียน-โย่ว เญย ป๋าว ฑูง ก๊อง นิ่น โหฒว เญย สี่.
23ม่าย เต๋ย เปียะ ฑั้ง,
เยียม ต้ม ววม ปั่ง ฑั้ง ล์อ หญั่น.
24นิ่น บัว ปวัด เฒี้ยว โหฒว เญย กง,
เซ นิ่น เยียม ววม โด เญย ต๋อง โหฒว บัวะ ฮ่อง เญย สี่.
25นิ่น เยี้ยด หัด, ต้ม หฑยาว ป่วน ต้าย
ปุน ค้อย เจี์ย หล่าง.
26นิ่น บัว เญย ฑั้ง ฝาว เถา ด๊าม-ลู่ง,
แอ๋ง ด๊อด เหฌี่ย ววม-หล่าง เถา โด เญย ต๋อง.
นิ่น บัว เฮญี้ยว หว่าย เหฑ่ง,
หลาย นิ่น บัว หฒุ กั้ม เหฑีย เญย สี่.
27นิ่น บัว ไล่ มี่ง ไล่ ต้าย ฮนั้ง ติ๊ว ฆวิน เญย เมี่ยน นอ,
นิ่น บัว จ่ม หฒะเอ๋ย อ๊ะ.
28นิ่น บัว เยียม หน่าน ฒี่ง กะญั์ว เห่ว เจี๊ยน โท้ เฒี้ยว.
นิ่น ฯฒฯ เถง นิ่น บัว เปย๋า ดุ๊ด นิ่น บัว เญย โค้ว หน่าน.
29นิ่น ปุน ต้ม หฑยาว ตี้ง,
ปุน ค้อย เญย ววม-หล่าง เซ้ก เหฑ่ง.
30นิ่น บัว ฯฒฯ อะเฮน้ย เหว่ย หฒุ เซ้ก เหฑียะ เญย.
นิ่น หย่า ต้อ นิ่น บัว มี่ง เถา นิ่น บัว อ๋อย มี่ง เญย ฑั้ง-โป่ว.
31นิ่น บัว หอบ หฒุ ตอ-เหฒี่ย เฒี้ยว เหว่ย หฒุ นิ่น เหฒียบ ฒัวะ เญย ฮนั้ม เมี่ยน.
นิ่น หย่า เหว่ย ป้าม เมี่ยน โหฒว บัวะ ฮ่อง เญย สี่.
32นิ่น บัว อ๋อย หฒุ เยียม แปะ ฝีง กั๊บ ฒุ้น เญย ต๋อง ฒุ่น ก๊อง นิ่น โหฒว โฮล,
หย่า เยียม หฒวัง เมี่ยน โก๋ บุด๋ง เธง นิ่น.
33นิ่น ปุน ด้าย ทิ้ว เป๋น เต่ย-ปูง-ฮวาง,
ปุน ววม-ฒี้ง ทิ้ว เป๋น บ๋อง ฆาย เญย เดา,
34ปุน เดา-จุ่น ทิ้ว เป๋น เดา-ฑ่าย เดา-ฮวาง,
หลาย เยียม วั้ว เญย เมี่ยน หว่าย ไห่.
35นิ่น ปุน เต่ย-ปูง-ฮวาง เป๋น ววม-ต้ม,
ปุน เดา-ฆาย เป๋น ววม-ฒี้ง.
36นิ่น ปุน หง่อ เญย เมี่ยน เยียม วั้ว,
นิ่น บัว หย่า เหธย นอม ฒี่ง เยียม.
37นิ่น บัว โหฒว เด่ย หฒวัง กะน้าย, หฒวัง อะหงุ่น เปี๊ยว,
หย่า ตุ๊ ปู๋ง-หฒัวะ เญย เซียว.
38นิ่น เหธย ฟุ ปุน นิ่น เญย แปะ ฝีง หฮยาง ธั้ม,
หย่า ไม้ ปุน นิ่น บัว เญย แซง-คู้ โหฒะ เหฌี่ย.
39แปะ ฝีง หฒุ เหฒย, หฒุ โค้ว, หฒุ เฑ่า,
นิ่น บัว ฯฒฯ โหฒะ หย่า ด๊อด เหฌี่ย ไอ๊ เญย เฒี่ยง โห่,
40นิ่น ปุน เหฒย นิ่น เญย แปะ ฝีง วั้ว เต๋ย โหฒว โฮล เญย เมี่ยน#107:40 ไฟ ฮู่ง เตี๋ย. หฒุ หมั่ง เผีย,
หย่า ปุน นิ่น บัว โย่ว เจี๊ยน มี่ง ไม้ ม่าย เจ๊า เญย เต่ย-ปูง-ฮวาง.
41มป่า นิ่น โป้ว เมี่ยน จ่ม เมี่ยน ฝาว ฮลาง,
ปุน นิ่น บัว เล่ย ดุ๊ด โค้ว หน่าน,
ปุน นิ่น บัว เญย ฮมวั้ง ต่อย หฮยาง,
ฮนั้ง ยู่ง กวั้น นอ ธั้ม.
42เฮญี้ยว หฒีง เญย เมี่ยน ปวัด นิ่น บัว ฯฒฯ อะเฮน้ย.
โหฒว เอ๊าะ เญย เมี่ยน หฆับ เจี๊ยน ฑุ่ย, ไม้ ม่าย หว่า ก๊อง อ๊ะ.
43หาย เต้า ม่าย ธง-เม่ง อ๋อย หฒุ หล่ง เฮญี้ยว หมวัง น้าย เต๋ย สี่,
หย่า อ๋อย หฒุ สัม หมั่ง เฒี้ยว เหฒียบ ฒัวะ ฮนั้ม เมี่ยน เญย เจ๊า.
Currently Selected:
สีง ฑูง 107: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
