ธง-เม่ง หว่า 4
4
ธง-เม่ง ม่าย ลั่ม หล่ง ไห่
1หฒวัง ฝุเจว๊ย อ่า, อ๋อย หฒุ หมวัง เตีย หฌาว เญย หว่า,
อ๋อย หฒุ หล่ง เฮญี้ยว หมวัง ฯฒฯ ไฮ่ เม่ง แปะ.
2เยีย หฌาว เม่ย บัว เซ หลง ไห่ เญย เล์ย,
ไม้ ตู๋ง กวั่ง เยีย หฌาว เญย หว่า.
3เยีย โหฒว ฝุเจว๊ย-ไฝ เหธา เยีย เญย เตีย เยียม วั้ว หฒั่น,
เยีย เซ เยีย เญย มา ฮนั้ม เญย โดะ ตอน.
4เยีย เญย เตีย หฌาว เยีย หย่า ก๊อง บั๋ว เยีย,
“อ๋อย หฒุ หล่ง เฮญี้ยว หมวัง หลง เตีย หฌาว เญย หว่า,
เอย เจี๊ยน เยีย หัด เญย หว่า ฯฒฯ ตุ๊ แหม่ง เฒี่ยง.
5อ๋อย หฒุ ตุ๊ ธง-เม่ง, อ๋อย หฒุ เม่ง แปะ,
ไม้ ตู๋ง หละคุ หย่า ไม้ ตู๋ง เล่ย กวั่ง เยีย เญย ฑุ่ย ก๊อง เญย หว่า.
6ไม้ ตู๋ง กวั่ง ธง-เม่ง, ธง-เม่ง ฯฒฯ ไฮ่ เปว เจี๊ยน เม่ย.
อ๋อย หฒุ ฮนั้ม นิ่น,#4:6 เป๊ย หมั่ง ธง-เม่ง หว่า 3:15. นิ่น ฯฒฯ โก๋ว เจี๊ยน เม่ย.
7ธง-เม่ง เญย กอน เซ ฮนั้ง น้าย. อ๋อย หฒุ ตุ๊ ธง-เม่ง,
หย่า ไม้ กุ๊น เม่ย แอ๋ง ตุ๊ หาย หญู่ง,#4:7 ไฟ “ไม้ กุ๊น หล่ง เหฑ่ง เม่ย ม่าย เญย...” อ๋อย หฒุ ตุ๊ ไฮ่ เม่ง แปะ เญย เจ๊า.
8อ๋อย หฒุ ท่าย ธง-เม่ง เว่ย จ๋าย, นิ่น ฯฒฯ เธง เม่ย.
สี ก๊อง เม่ย ชัม เจี๊ยน นิ่น, นิ่น ฯฒฯ ท่าย เม่ย.
9นิ่น อ๋อย เฒาะ นอม เหฑว่ย เญย นี้ง ปุน เม่ย ด๋ง,
เฒาะ ฌัง-หล่าง เญย นี้ง จิว ปุน เม่ย.”
10เยีย เญย ตอน อ่า, เม่ย อ๋อย หฒุ หมวัง หย่า ฒิบ เยีย เญย หว่า,
เหว่ย ปุน เม่ย เฒี่ยง เญย ฮนอย-เหญียะ ด๊าว.
11เยีย หฌาว ธง-เม่ง เญย เจ๊า ปุน เม่ย.
เยีย ต้อ เม่ย ยั่ง โหฒว หอบ เญย เจ๊า.
12เม่ย ยั่ง เญย เฒี่ยง โห่ ฯฒฯ ไม้ ม่าย หาย หญู่ง ท้อง เม่ย เญย เหฒา-เบี่ย.
สี ก๊อง เม่ย ถิว เม่ย หย่า ไม้ ดอบ.
13อ๋อย หฒุ หฒั่นๆ จั๋ง เจี๊ยน เม่ย โหะ ฮิ้ว เญย เจ๊า, ไม้ ตู๋ง ปู๋ง ด๊อด.
อ๋อย หฒุ โก๋ว หลง เหว่ย หฒุ เม่ย โหะ ฮิ้ว เญย เจ๊า ปุน เม่ย ตุ๊ แหม่ง เฒี่ยง.
14ไม้ ตู๋ง ยั่ง#4:14 ฮิบลู หว่า ก๊อง เปียะ. เอ๊าะ เมี่ยน ยั่ง เญย เจ๊า,
ไม้ ตู๋ง กัน เมี่ยน หว่าย เมี่ยน เญย เจ๊า-โหล่ว.
15อ๋อย หฒุ ซิ้ม ฆอย, ไม้ ตู๋ง กัน หน่าย มี่ง,
อ๋อย หฒุ หวี่ง ยั่ง กั้น ปูง เจี๋ย.
16เหว่ย หฒุ เอ๊าะ เมี่ยน ไม้ ตุ๊ โหฒว เอ๊าะ สี่, นิ่น บัว เปว๋ย ไม้ ฌ่อม.
ไม้ ตุ๊ ห่อย เมี่ยน ดิ๊ หฒุ ดอบ, นิ่น บัว เปว๋ย ไม้ ออน.
17นิ่น บัว โหฒว เอ๊าะ สี่ เหว่ย เป๋น นิ่น บัว เญย หฮนาง-ต๋น,
โหฒว โตะ เญย สี่ เป๋น นิ่น บัว เญย อะหงุ่น ติ๊ว.
18มป่า คู้ เมี่ยน เญย เจ๊า เซ ฮนั้ง ลู่ง ดอม เฑี้ยว เญย ฌัง,
กุ๊น โหฒว กุ๊น ฌัง เถา ลู่ง เหฒียง อ๋าน.
19เอ๊าะ เมี่ยน เญย เจ๊า มับ แม่ง มับ หฮมวัง เญย,
นิ่น บัว ไม้ ฮิ้ว ตุ๊ นิ่น บัว ดิ๊ หฒุ หาย หญู่ง ดอบ.
20เยีย เญย ตอน อ้า! หมวัง หลง เยีย เญย หว่า,
ปู๋ง มน่อม หมวัง เยีย ก๊อง เญย ญิ่น โญ์ว.
21ไม้ ตู๋ง ปุน นิ่น บัว เล่ย ฆอย เม่ย เญย มฒีง-ด่าง.
อ๋อย หฒุ ปุน เยียม เม่ย เญย เฮญี้ยว จั๋ง เจี๊ยน.
22เหว่ย หฒุ หาย เต้า ล์อ ปวัด น้าย เต๋ย หว่า ฯฒฯ ตุ๊ แหม่ง เฒี่ยง,
หย่า ปุน นิ่น เญย ซิน หฒั่ง เหยียด ฒู้ง หวั่ง เสียง.
23อ๋อย หฒุ ไฝ ฟิม, โก๋ว หลง กั้น เญย เฮญี้ยว,
เหว่ย หฒุ เฒี่ยง แหม่ง เญย กอน เยียม เฮญี้ยว ธ้วด ต้าย.
24เม่ย อ๋อย หฒุ กวั่ง เหฑ่ง ก๊อง-แปะ ดั๊ว เมี่ยน เญย หว่า,
ปุน จ๊า เญย หว่า เล่ย ฆอย เม่ย เญย ฑุ่ย.
25อ๋อย หฒุ ปุน เม่ย เญย มฒีง หมั่ง หฒะ วั้ว ด่าง.
อ๋อย หฒุ ปู๋ง มฒีง หมั่ง เหฒียง วั้ว ด่าง มี่ง.
26อ๋อย หฒุ ปุน เม่ย เญย เหฒา ยั่ง เญย เจ๊า ย่วน,#4:26 ไฟ “หลงๆ เญย ฮนั้ม เถา เม่ย ยั่ง เญย เจ๊า”.
เม่ย มี่ง เญย ติ้วๆ เจ๊า ฯฒฯ ว้วน.#ฮิบลู 12:13
27ไม้ ตู๋ง เพียน มี่ง หฒาย ไฟ บย่าว,
อ๋อย หฒุ ปุน เม่ย เญย เหฒา เล่ย ฆอย เอ๊าะ เญย เจ๊า.
Currently Selected:
ธง-เม่ง หว่า 4: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
