ธง-เม่ง หว่า 3
3
ขวิน เมี่ยน หลุน เมี่ยน เญย หว่า
1เยีย เญย ตอน อ้า! ไม้ ตู๋ง หละคุ เยีย หฌาว เญย หว่า.
เม่ย เญย เฮญี้ยว อ๋อย หฒุ กัน หลง เยีย เญย เล์ย-หลัด.
2เม่ย เยียม เสย หฒั่ง เญย ฮนอย-เหญียะ เหธา หฮญัง-โสว ฯฒฯ ไฮ่ เฒี่ยง ตุ๊ ด๊าว,
เม่ย หย่า ไฮ่ ตุ๊ หลง.
3ไม้ ตู๋ง กวั่ง ฮนั้ม เญย, เหฒียบ ฒัวะ เญย เจ๊า.
อ๋อย หฒุ เฒาะ ต้าย ขวัง เจี๊ยน เม่ย เญย จาง,
แอ๋ง เฟี้ย เจี๊ยน เม่ย เญย เฮญี้ยว กะญั์ว.
4ฮนั้ง หน่าย หฒิว ทิน-ฮู่ง เหธา ป้าม เมี่ยน หมั่ง,
เม่ย โหฒว ตุ๊ หอบ หย่า ม่าย เม่ง เต้า หลง.#ลูกา 2:52
5อ๋อย หฒุ หล่ง เหฑ่ง เฮญี้ยว เขา เฒี้ยว,
ไม้ ตู๋ง เขา กั้น ไฮ่ เม่ง แปะ.#3:5 ไฟ ไกว เญย หฒะเอ๋ย.
6เยียม เม่ย โหฒว เญย ติ้วๆ เจ๊า อ๋อย หฒุ เหญี่ยม นิ่น,
นิ่น ฯฒฯ ต้อ เม่ย ยั่ง หอบ เญย เจ๊า-โหล่ว.#3:6 ฟาน หฒะ ก๊อง “นิ่น ฯฒฯ ปุน เม่ย ยั่ง เญย เจ๊า-โหล่ว ย่วน”.
7ไม้ ตู๋ง ฮนั้ม กั้น ม่าย ธง-เม่ง,
อ๋อย หฒุ ท่าย เฒี้ยว หย่า เล่ย ฆอย เอ๊าะ เญย สี่.#โลมา 12:16
8ฮนั้ง หน่าย ฯฒฯ ฮนั้ง หลง ไห่ เญย เดีย หฒ่อ เม่ย#3:8 ฮิบลู หว่า ก๊อง กะเซีย-นุด. หวั่ง เสียง,
ซิน#3:8 ฮิบลู หว่า ก๊อง บู๊ง. หย่า คู่ เยียม.
9อ๋อย หฒุ หล่ง เม่ย เญย ฒิ่น ฒ่อย
เหธา เม่ย เญย เหยียด ฒู้ง แกง-หฒวัง เญย ต้าว ถอง เปี๊ยว ท่าย เฒี้ยว.
10ฮนั้ง หน่าย เม่ย เญย ลั์ม ฯฒฯ ปวั๊ง เหฑ่ง,
เม่ย เญย ติ๊ว-อ๋ง ม่าย อะหงุ่น ติ๊ว ปวั๊ง เมี์ยน ธ้วด.
11เยีย เญย ตอน อ้า! ไม้ ตู๋ง หมั่ง เผีย เฒี้ยว เบ๊าะ หฌาว เญย หว่า,
หย่า ไม้ ตู๋ง โหยว นิ่น ก๊อง-หฌาว,#โย้บ 5:17; ฮิบลู 12:5-6
12เหว่ย หฒุ เฒี้ยว ฮนั้ม วั้ว เต้า นิ่น ก๊อง-หฌาว วั้ว เต้า,
ฮนั้ง เตีย ก๊อง-หฌาว นิ่น อะเฮน้ย เญย ตอน.#หล่าว ย่าง 3:19
ธง-เม่ง เซ จ๋าย ไห่
13ตุ๊ ธง-เม่ง หย่า ตุ๊ เปียะ เฮญี้ยว เญย เมี่ยน,
หฒะเก้ง ม่าย ออน-เหลาะ,
14เหว่ย หฒุ ตุ๊ ธง-เม่ง เญย ด๊าว-ต้าว เซ เก้า หลง เจี๋ย ญ่าน,
นิ่น ตุ๊ เญย เหล่ย เก้า หลง เจี๋ย เจียม.
15ธง-เม่ง เก้า จ๋าย เจี๋ย หละเปย๊ย-จ๋าย.
เม่ย อ๋อย ตุ๊ เญย เหยียด ฒู้ง กะน้าย,
ไม้ ม่าย เหยียด หญู่ง ไฮ่ เป๊ย ตุ๊ นิ่น.#3:15 นิ่น วั้ว โจ๋ว หว่า ก๊อง หฒุ ธง-เม่ง หย่า ก๊อง ธง-เม่ง ฮนั้ง เป๋น เต้า มเซียะ ตอน.
16เยียม นิ่น เญย บย่าว เจี๊ยะ ปั์ว ม่าย เสี่ยว ญ่วน ด๊าว,
เยียม นิ่น เญย หฒาย เจี๊ยะ ปั์ว ม่าย ฒิ่น ฒ่อย เหธา ฌัง-หล่าง.
17นิ่น เญย เจ๊า เซ ปุน เมี่ยน ม่าย ออน-เหลาะ,
นิ่น เญย เหยียด ฒู้ง เจ๊า-โหล่ว ปุน เมี่ยน ตุ๊ แป้ง ออน.
18ธง-เม่ง เป๊ย ติ้ว เฒี่ยง แหม่ง เญย เดี๋ยง.
หาย เต้า นั้น เจี๊ยน นิ่น, วั้ว เต้า ฯฒฯ ตุ๊ เมี่ยน เห่ว ออน-เหลาะ.
19 เฒี้ยว หล่ง ธง-เม่ง เหลียบ เดา,
หล่ง นิ่น เญย ว่วน ฒาง#3:19 ฮิบลู หว่า ก๊อง “นิ่น ฮิ้ว ตุ๊ เญย เจ๊า”. เหลียบ ลู่ง.
20นิ่น เญย ว่วน ฒาง ปุน เดา-เดี๊ย เญย ววม เบ๋ว ธ้วด,
ปุน ลู่ง#3:20 ฮิบลู หว่า ก๊อง บ๋วน. ม่าย บยู่ง-ซุ้ย เดี๊ยบ เหฌี่ย.
21เยีย เญย ตอน อ้า! เม่ย อ๋อย หฒุ โก๋ว เจี๊ยน ธง-เม่ง เหธา ไฮ่ สัม ตุ๊ ธ้วด เญย เจ๊า.
ไม้ ตู๋ง ปุน น้าย เต๋ย อี หญู่ง เล่ย ฆอย เม่ย เญย มฒีง-ด่าง.
22อี หญู่ง ฯฒฯ ปุน เม่ย เฒี่ยง ตุ๊ แหม่ง ด๊าว,
หย่า เป๊ย ตั้ง จาง เหฑว่ย เญย กะน้าย.
23เม่ย ฯฒฯ แป้ง ออน เญย กัน เม่ย เญย เจ๊า ยั่ง,
เม่ย เญย เหฒา หย่า ไม้ ดิ๊ หฒุ ดอบ.
24เม่ย เปว๋ย เหฌี่ย เญย เฒี่ยง โห่ ไม้ ตู๋ง กั้ม เหฑีย,
เม่ย เปว๋ย เหฌี่ย, เม่ย ฯฒฯ มฌ่อม ตุ๊ คู้.
25เลี่ยม เฒ่ย หฒุ เฮ้ย สี่ ไม้ ตู๋ง กั้ม เหฑีย,
เอ๊าะ เมี่ยน หฒุ ป่าย หว่าย, ไม้ ตู๋ง กั้ม เหฑีย.
26เหว่ย หฒุ เฒี้ยว โหฒว เม่ย เขา เญย ต๋อง,
นิ่น อ๋อย โก๋ว เจี๊ยน ไม้ ปุน เม่ย เญย เหฒา ธ้าย หฒุ ฮลาง ฮลบ.
27เม่ย ม่าย ปั้น เหฒ่ย เถง เมี่ยน เญย เฒี่ยง โห่,
ไม้ ตู๋ง แหง่ง โหฒว หลง เญย สี่ ปุน เฉียม หฒุ เถง เญย เมี่ยน.
28สี ก๊อง เม่ย อี้ หฒั่น ม่าย เจี๊ยน เก๋า เถง เมี่ยน เญย,
ไม้ ตู๋ง ก๊อง บั๋ว จวั่ง ล์าง เมี่ยน,
“มี่ง อ๊ะ, แอ๋ง ต้าย หฑุ่น. ฌัง ฮนอย เยีย มต้าย ปุน เม่ย.”
29ไม้ ตู๋ง ต๊า หฒะเอ๋ย ห่อย จวั่ง ล์าง เมี่ยน,
นิ่น เยียม เม่ย กะเฮลน ปู๋ง เฮญี้ยว เม่ย.
30สี ก๊อง เมี่ยน ไม้ โหฒว หาย หญู่ง ปุน เม่ย
หย่า ไม้ ม่าย หาย หญู่ง กอน-แป๋ง, ไม้ ตู๋ง เหธา นิ่น แฑง.
31ไม้ ตู๋ง เหมว่ย เจี๊ยะ เมี่ยน โตะ เมี่ยน,
ไม้ ตู๋ง กิ๊น นิ่น เญย หาย ติ้ว เจ๊า.
32 เฒี้ยว โหยว ไห่ ปู๊ ล่ง ปู๊ ตั๊ง เญย เมี่ยน,
มป่า นิ่น เหธา เฮญี้ยว หฒีง เญย เมี่ยน หฒัวะ ไห่.
33 เฒี้ยว เหฒียว เอ๊าะ เมี่ยน เญย จา-ตี้ง,#3:33 ไฟ เปย๊า.
มป่า เฒี้ยว เหธย ฟุ ปุน คู้ เมี่ยน เยียม เญย ต๋อง.
34นิ่น ฮว้วด โหฒว เหมา ฮว้วด เมี่ยน เญย เมี่ยน,
มป่า นิ่น เหธย เอน ปุน เหญี่ยม กั้น โหฒว ไฝ เญย เมี่ยน.#ยากอบ 4:6; 1 ปีเต 5:5
35ธง-เม่ง เมี่ยน ตุ๊#3:35 ฮิบลู หว่า ก๊อง หฑิบ. เมี่ยน ท่าย,
มป่า เมี่ยน หฮงง เมี่ยน ฒู้ง หฒุ เมี่ยน หมั่ง เผีย.
Currently Selected:
ธง-เม่ง หว่า 3: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
