ธง-เม่ง หว่า 29
29
1หาย เต้า หฒั่นๆ หฒุ ก๊อง-เหม หธ่อ เฮญี้ยว แหง่ง,
วั้ว เต้า ฯฒฯ เลี่ยม เฒ่ย หฒุ เหมียด,
ไม้ ม่าย หฒะเอ๋ย ก๊อย ตุ๊ หฑวน.
2คู้ เมี่ยน ม่าย หัด ม์า ธั้ม เจี๊ยน ฝาว, แปะ ฝีง เฌียน-โย่ว,
มป่า เอ๊าะ เมี่ยน โหฒว โฮล กุ๊น เมี่ยน, แปะ ฝีง ฌุ่น เจี๊ยน เยียม.
3หาย เต้า ฮนั้ม ธง-เม่ง, วั้ว เต้า ปุน นิ่น เญย เตีย อะเฮน้ย,
มป่า หาย เต้า เหธา หม่าย ซิน เญย มเซียะ ตอน จิว ทง,
วั้ว เต้า หฒาว เหฑ่ง นิ่น ม่าย เญย เหยียด ฒู้ง กะน้าย.
4ฮู่ง เตี๋ย หล่ง แป้ง ฟิม เญย เจ๊า,
กั๊วะ ฯฒฯ เหลียบ ตุ๊ ว้วน,
มป่า ฮู่ง เตี๋ย อ๊าบ แปะ ฝีง ธ้วด ญ่าน หฮมวัง
ฯฒฯ ปุน กั๊วะ หฒุ ป่าย.
5เมี่ยน หละไกว้ เธง นิ่น เญย จวั่ง ล์าง เมี่ยน
เซ ฮนั้ง แฒง มู์ง เหฑ่น นิ่น กั้น เญย เหฒา.
6เอ๊าะ เมี่ยน ป์าม ฒุ์ย เซ ฮนั้ง หฒุ กั้น เญย ฒุ์ย โหฒว โขว ฮลบ เจี๊ยน,
มป่า คู้ เมี่ยน เฌียน-โย่ว, ป๋าว ฑูง.#29:6 ฮิบลู หว่า ก๊อง “เฌียน-โย่ว เญย เห่ว บุย”.
7คู้ เมี่ยน ฮิ้ว ตุ๊ เมี่ยน จ่ม เมี่ยน หอบ หฒุ ตุ๊ เญย เล์ย,
มป่า เอ๊าะ เมี่ยน ไม้ เปียะ เฮญี้ยว น้าย หญู่ง เจ๊า.
8โหฒว ฮว้วด เมี่ยน เญย เมี่ยน โธะ ปุน ฒี่ง เญย เมี่ยน หลุ่น เหฑ่ง,#29:8 น้าย เลี์ยว ฮิบลู หว่า เป๊ย เถา ปย๊ม โต์ว หฌบ หฮยาง.
มป่า ธง-เม่ง เมี่ยน ไฮ่ ต๊น ตุ๊ เฉีย เจี์ย เญย เจ๊า.
9สี ก๊อง ธง-เม่ง เมี่ยน เหธา เมี่ยน หฮงง เมี่ยน แฑง,
เมี่ยน หฮงง เมี่ยน โหย่ว เฉีย เจี์ย โหย่ว จั๊ด, ฒู้ง ไม้ ไฮ่ เซ้ก.
10อ๋อย ไต๋ เมี่ยน เญย เมี่ยน หั่น ไห่ ไม้ ม่าย ต๋อง เฆ่ม เญย เมี่ยน.
เอ๊าะ เมี่ยน ล์อ เฮญี้ยว หฒีง เญย เมี่ยน เญย แหม่ง.#29:10 น้าย เหยี่ยม โซว ม่าย เหฒีย หญู่ง หฒะเอ๋ย ฟาน. เอ๊าะ เมี่ยน ฮิบลู หว่า ก๊อง คู้ เมี่ยน. ม่าย เต๋ย โซว ฟาน ต้าย ก๊อง “คู้ เมี่ยน อ๋อย เปว นิ่น เญย แหม่ง”.
11เมี่ยน หฮงง เมี่ยน ปุน นิ่น เญย กะเฉีย แป๊ด ธ้วด เหฑ่ง,
มป่า ธง-เม่ง เมี่ยน หล่ง หน่อย เญี์ยน เจี๊ยน.
12สี ก๊อง โหฒว โฮล เญย เมี่ยน หมวัง ก๊อง-แปะ เญย หว่า,
นิ่น เญย เหยียด ฒู้ง เจียน ฯฒฯ หว่าย เหฑ่ง.
13เมี่ยน จ่ม เมี่ยน เหธา เหฒย เมี่ยน เญย เมี่ยน ม่าย เหยียด ติ่ว ฟี่ ฮนั้ง,
เซ เฒี้ยว ปุน นิ่น บัว อี เต้า เญย มฒีง ฌัง.
14สี ก๊อง ฮู่ง เตี๋ย แป้ง ฟิม เญย เซี้ยม เมี่ยน จ่ม เมี่ยน,
นิ่น เญย ฮู่ง เหว่ย เหยียด ลิ์ว เหลียบ ว้วน.
15หล่ง ปย๊า เบ๊าะ หฌาว หย่า ก๊อง-หฌาว, ฝุเจว๊ย ฯฒฯ จา ธง-เม่ง,
มป่า สี ก๊อง เซว่ย ฝุเจว๊ย เอย กั้น เญย เฮญี้ยว โหฒว, ฯฒฯ ปุน มา หฒุ ไญ้.
16เอ๊าะ เมี่ยน ตุ๊ หลี่ง กุ๊น, ฒุ์ย เญย เจ๊า จา ธั้ม,
มป่า คู้ เมี่ยน ตุ๊ ปวัด นิ่น บัว หฒุ ป่าย หว่าย เหฑ่ง.
17อ๋อย หฒุ เบ๊าะ หฌาว เม่ย เญย ตอน,
นิ่น ฯฒฯ ปุน เม่ย ตุ๊ ฮิด ขวน,
นิ่น หย่า อ๋อย ปุน เม่ย เญย เฮญี้ยว อะเฮน้ย.
18หาย นอม ต๋อง ไม้ ม่าย หล่าว ย่าง เญย เจ๊า,#29:18 ม่าย เต๋ย โซว ฟาน ต้าย ก๊อง ไม้ ม่าย หลี่ง กุ๊น. ม่าย เต๋ย ก๊อง “ไม้ ม่าย ทิน-ฮู่ง ต้อ”.
แปะ ฝีง ฯฒฯ ไม้ หมวัง เล์ย กุ๊น,
มป่า กัน หลง เล์ย-หลัด เญย เมี่ยน ตุ๊ ออน-เหลาะ.
19ขูง หล่ง หว่า ก๊อง-หฌาว โปว ฮนั้ง เซ ไม้ เก๋า.
ไม้ กุ๊น นิ่น เม่ง แปะ นิ่น ไม้ เอย เจี๊ยน โหฒว.
20เม่ย ปวัด ฑุ่ย เซี้ยบ เญย เมี่ยน ไฟ?
เมี่ยน หฮงง เมี่ยน ฒู้ง ม่าย ลั่ม ฮนั้ม เก้า ธั้ม นิ่น.
21โปว ไฝ เญย เฒี่ยง โห่ เม่ย เอย นิ่น เญย เฮญี้ยว ปุน กะน้าย นิ่น,
เซ้ด เมว์ย นิ่น เฒาะ#29:21 น้าย โจ๋ว หว่า ม่าย เต๋ย โซว ฟาน ต้าย ก๊อง หฑิบ. ฮิบลู หว่า เซ ไม้ หนั่ง เม่ง. เหฑ่ง เม่ย ม่าย เญย เหยียด ฒู้ง กะน้าย.
22กะเฉีย เป๊ะ เญย เมี่ยน โธะ ธ้วด แฑง จ๋า เญย สี่.
ฮู่ง เห่ เฉีย เจี์ย เญย เมี่ยน ป์าม ฒุ์ย ธั้ม.
23เมี่ยน โหฒว เหมา นิ่น ฯฒฯ ด๊อด เหฌี่ย ไอ๊,
มป่า เมี่ยน เหญี่ยม กั้น โหฒว ไฝ ฯฒฯ ตุ๊ เมี่ยน ท่าย.
24หาย เต้า เหธา จั๋น-หฒะ ม่าย ป่วน ฯฒฯ หั่น กั้น เญย แหม่ง.
นิ่น ไฮ์ เมี่ยน โฮ้ว เญย หว่า หย่า ไม้ ก๊อง หาย หญู่ง.#29:24 เป๊ย หมั่ง เลวี 5:1-6.
25เมี่ยน กั้ม เหฑีย เมี่ยน เซ เป๋น โขว ฮลบ,
มป่า หาย เต้า เขา เฒี้ยว ตุ๊ เยียม หลง.
26เมี่ยน ธั้ม เญย ล์อ โหฒว โฮล เญย เมี่ยน ค้อ-เลี่ยน,
มป่า เซ เฒี้ยว ปุน เมี่ยน ตุ๊ แป้ง ฟิม.
27เฮญี้ยว ไม้ หฒีง เญย เมี่ยน หฒุ คู้ เมี่ยน โหยว,
เฮญี้ยว หฒีง เญย เมี่ยน หฒุ เอ๊าะ เมี่ยน โหยว.
Currently Selected:
ธง-เม่ง หว่า 29: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
