ธง-เม่ง หว่า 30
30
อากู ก๊อง เญย หว่า
1น้าย เซ ยาเค เญย ตอน, อากู, โต่ว เญย หว่า.#30:1 โต่ว เญย หว่า ม่าย เต๋ย โซว ก๊อง มัดสา มู้ง. ฮิบลู หว่า เญย เอ๋ย เล์ย เซ โต่ว เญย หว่า.
น้าย ล่าน เมี่ยน ก๊อง บั๋ว อิทีเอน,
เซ บั๋ว อิทีเอน เหธา อูคาน,#30:1 น้าย เหยี่ยม เญย ฮิบลู หว่า เซ ไม้ เม่ง. ม่าย เต๋ย ฟาน ต้าย ก๊อง “ทิน-ฮู่ง อ่า, เยีย โค้ว อ๊ะ. ทิน-ฮู่ง อ่า, เยีย โค้ว ไห่, ไม้ ลั่ม เขา ต๋อง”.
2“เป๊ย หฒวัง เมี่ยน เยีย เก้า หฮงง, ฒู้ง ไม้ ฝุน เป๋น ป้าม เมี่ยน.
เยีย หย่า ไม้ เปียะ เฮญี้ยว ฮนั้ง ป้าม เมี่ยน เปียะ เฮญี้ยว.
3เยีย ไม้ โหะ เจี๋ย ธง-เม่ง เญย เจ๊า.
เยีย หย่า ไม้ ม่าย ว่วน ฒาง ฮิ้ว ตุ๊ ธีง-เหฑ่ง วั้ว เต้า.
4หาย เต้า ฝาว ลู่ง แอ๋ง เหฌี่ย ต้าย?
หาย เต้า เฒาะ หฑยาว กั๊บ ฒุ้น เยียม นิ่น เญย ปั์ว-ฒ้าง-ออ?
หาย เต้า หล่ง ลุย เปว ววม?
หาย เต้า เหลียบ เดา-เป้ย จ่ม เญย ต๋อง?
วั้ว เต้า เญย บั๋ว เห่ว หาย หญู่ง?
นิ่น เญย ตอน เญย บั๋ว เห่ว หาย หญู่ง?
เม่ย ฒู้ง ฮิ้ว เญย ซ่าะ?
5“ทิน-ฮู่ง เญย โจ๋วๆ หว่า ปุน ธีง เฒียน เญย.
นิ่น โหฒว ท้อง-ป้าย เปว ด้าว เขา นิ่น เญย เมี่ยน.
6ไม้ ตู๋ง จา ทิบ หาย หญู่ง เปียะ นิ่น เญย หว่า.
เหฑีย นิ่น อ๋อย ก๊อง-เหม เม่ย
หย่า ปวัด เม่ย เป๋น ก๊อง-แปะ เญย เมี่ยน.
7“ทิน-ฮู่ง อ่า, เยีย อ๋อย โท้ อี หญู่ง เม่ย.
เยีย ไม้ แก้ง ไต่, น้าย เต๋ย อี หญู่ง โท้ ไม้ ตู๋ง แหง่ง, ไม้ ปุน เยีย.
8โท้ ปุน ก๊อง-แปะ เหธา จ๊า เญย หว่า เล่ย โก เยีย.
โท้ ไม้ ตู๋ง ปุน เยีย ปะหละ จ่ม ไฟ ปุ๊ด ฒ่อย.
โท้ ปุน เยีย เก๋า หญั่น เก๋า ฮบ ฮนั้ง.
9เหฑีย เยีย ตุ๊ หญั่น เป๊ว หย่า ไม้ เหญี่ยม เฒี้ยว ฯฒฯ ก๊อง,
‘เฒี้ยว เซ หาย เต้า?’
ไฟ เหฑีย เยีย จ่ม ต้าย ฯฒฯ หนิ่ม กะน้าย,
ปุน เยีย เญย ทิน-ฮู่ง เญย เม่ง ม่าย หวุย.
10“ไม้ ตู๋ง ต้าน โปว ปุน นิ่น เญย เฒี้ยว หมวัง,
เหฑีย นิ่น เหฒียว เม่ย, ฝุน เม่ย ต่อง ฒุ์ย อ๊ะ.
11“ม่าย เต๋ย เมี่ยน เหฒียว นิ่น บัว เญย เตีย
หย่า ไม้ ปวัง หว่า ปุน มา.
12ม่าย เต๋ย เมี่ยน หฒิว กั้น เญย มฒีง หมั่ง, ฝุน กั้น ธีง-เหฑ่ง,
มป่า กั้น ไล่ ฮลบ หย่า ไม้ หฑาว เหฑ่ง.
13ม่าย เต๋ย เมี่ยน โหฒว เหมา, มฒีง ฮลัง,
นิ่น บัว มฒีง-จ๋า หฒะเก้ง ฮลัง ไห่.
14ม่าย เต๋ย เมี่ยน ม่าย ญ่า ฮนั้ง หฑุ ด๊าว,
ม่าย ญ่า ฮนั้ง หฑุ,
ฯฒฯ นะ เหฑ่ง เดา-เป้ย เญย เมี่ยน จ่ม เมี่ยน,
เซ เยียม หฒวัง เมี่ยน บุด๋ง เญย ตั๋ง-ต๋น เมี่ยน.
15“ววม-ปยม ม่าย อี เต้า เซียะ,
นิ่น บัว หฒั่นๆ เห่ว เจี๊ยน ก๊อง, ‘ปุน อ๊ะ! ปุน อ๊ะ!’
“เหยียด ลิ์ว ไม้ ไฮ่ เก๋า ม่าย ปัว หญู่ง,
เหยียด ลิ์ว ไม้ ก๊อง, ‘เก๋า อ๊ะ,’ ม่าย เปยย หญู่ง.
16เซ เยี่ยม เกน เหธา ไม้ ไฮ่ ม่าย แซง-ยู์ง เญย มเซียะ ตอน,
เหธา เดา-เป้ย ฆาย, ไม้ ตุ๊ ววม เก๋า,
เหธา โต์ว เหยียด ลิ์ว ไม้ ก๊อง, ‘เก๋า อ๊ะ.’
17“เมี่ยน#30:17 ฮิบลู หว่า ก๊อง มฒีง. ฮว้วด นิ่น เญย เตีย,
หมั่ง เผีย, ไม้ หมวัง นิ่น เญย มา เญย หว่า,
ฯฒฯ หฒุ ฮ์อง เญย เหนาะ อา เญาะ นิ่น เญย มฒีง ธ้วด,
หย่า หฒุ ต้ม จ๊าง-ง่ง หญั่น นิ่น เญย เซย.
18“เยีย บัวะ ฮ่อง เจี๋ย ด่าง เญย ม่าย ปัว หญู่ง,
เยีย ไม้ เปียะ เฮญี้ยว เญย ม่าย เปยย หญู่ง,
19เซ ต้ม จ๊าง ฮนั้ง หาย นอ ได๋ วั้ว ลู่ง,
นาง ฮนั้ง หาย นอ ลุ่ย หละเปย๊ย กู้ หงว่าย,
ฑั้ง ฮนั้ง หาย นอ ยั่ง ต้ม ค้อย กะญั์ว,
ตอน ฮนั้ง หาย นอ เหธา เซียะ จิว ทง.
20“เหฮยียน โหฆ เญย มเซียะ ตอน ฮนั้ง น้าย นอ.
นิ่น หญั่น ลิ์ว, ซ้อด ฑุ่ย, ฯฒฯ ก๊อง,
‘เยีย ไม้ โหฒว ต่อง หาย หญู่ง.’
21“ปุน เดา ต์ง ม่าย ปัว หญู่ง,
เดา-เป้ย ดาม ไม้ ตุ๊ เญย ม่าย เปยย หญู่ง.
22ม่าย โน่ว เก๊า ตุ๊ โหฒว ฮู่ง,
ม่าย เมี่ยน หฮงง เมี่ยน ตุ๊ หญั่น เป๊ว,
23ม่าย ไม้ ม่าย เมี่ยน ฮนั้ม เญย เซียะ ตุ๊ โหฆ หล่ง,
หย่า ม่าย โน่ว เป์ย ตุ๊ โหฒว เฒี้ยว ตี๊ นิ่น เญย เปย๊า-เฒี้ยว หม่า.
24“เดา-เป้ย ม่าย เปยย หญู่ง กะน้าย ไฝ! เญย,
มป่า หฒะเก้ง! ธง-เม่ง ไห่.
25เฑี้ยว ชะ ไฝ,
มป่า ฆาย กอง นิ่น บัว หลิ่ว เล์ย หญั่น ฮบ.
26เยียม หละเปย๊ย เญย ต้ม น์าว หย่า ไม้ เฮ้น,
มป่า นิ่น บัว เยียม หละเปย๊ย-ฉัง โหฒว ฒุ่น.
27จ๊บ-เหญ่ย ไม้ ม่าย ฮู่ง,
มป่า นิ่น บัว ไฮ่ ไบ้ เจี๊ยน เฒี่ยง กวั้น เญย มี่ง.
28นาง-ตะ ตี๋ง, เมี่ยน หล่ง ปั์ว เฒาะ ตุ๊ เญย,
มป่า นิ่น ไฮ่ เยียม ฮู่ง ติ่น.
29“หลาม เหฒา เหฑว่ย ม่าย ปัว หญู่ง,
ยั่ง เจ๊า เฒาะ หล่าง ม่าย เปยย หญู่ง.
30ม่าย เซี่ยน, เป๊ย หฒวัง เฮยี่ย ฒ่อย นิ่น เฮ้น เจี๋ย,
ไม้ เหว่ย หาย หญู่ง ฮวิน ฆาง หฑวน.
31ไจ-ก๋อง#30:31 น้าย โจ๋ว ฮิบลู หว่า เซ ไม้ หนั่ง เม่ง. ยั่ง เจ๊า เฒาะ หล่าง,
หย่า ม่าย ยู่ง โก๊ว,
แอ๋ง ม่าย ฮู่ง เตี๋ย ม่าย นิ่น เญย แปง เว่ย ก๋อม.#30:31 น้าย เลี์ยว ฮิบลู หว่า เซ ไม้ หนั่ง เม่ง. ม่าย เต๋ย โซว ฟาน ต้าย ก๊อง “ฮู่ง เตี๋ย เยียม นิ่น เญย แปะ ฝีง เญย หฑะเฮมียน ยั่ง เจ๊า”.
32“สี ก๊อง เม่ย โหฒว สี่ หฮงง, เธง กั้น โหฒว โฮล,
ไฟ ต๊า เอ๊าะ เญย หฒะเอ๋ย,
อ๋อย หฒุ หล่ง ปั์ว ปวัง เจี๊ยน ฑุ่ย.
33เหว่ย หฒุ เมี่ยน โช้ว ง่ง หญอ ฯฒฯ ตุ๊ หญอ-เฮมย,
เบ๊าะ บะฒอง ฯฒฯ ธ้วด ฑย้าม,
ธัวะ เมี่ยน เฉีย เจี์ย ฯฒฯ ม่าย แฑง จ๋า เญย สี่.”
Currently Selected:
ธง-เม่ง หว่า 30: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
