ธง-เม่ง หว่า 22
22
1กิ๊น เม่ง เต้า หลง เซ เก้า หลง กิ๊น ฒิ่น ฒ่อย ธั้ม,
ตุ๊ เมี่ยน ท่าย เซ เก้า หลง เจียม ญ่าน.
2เมี่ยน ม่าย เมี่ยน เหธา เมี่ยน จ่ม เมี่ยน ม่าย เหยียด ติ่ว ฟี่ ฮนั้ง,
เซ เฒี้ยว เหฒย นิ่น บัว เหยียด ฒู้ง ต้าย.
3เมี่ยน ไกว เมี่ยน ปวัด ไฮ่ ม่าย สี่ ธ้วด ฯฒฯ ซิ้ม ฆอย,
มป่า ไม้ ฮิ้ว หาย หญู่ง เญย เมี่ยน หูง เจี๊ยน มี่ง ฯฒฯ หฒุ โค้ว อ๊ะ.
4เหญี่ยม กั้น โหฒว ไฝ หย่า ท่าย เฒี้ยว
ปุน เมี่ยน ตุ๊ ฒิ่น ฒ่อย, ตุ๊ เมี่ยน ท่าย หย่า ตุ๊ แหม่ง เฒี่ยง.
5ปู๊ ล่ง ปู๊ ตั๊ง เมี่ยน เญย เจ๊า ม่าย ฌิ้ม เหธา โขว,
หาย เต้า โก๋ว ตุ๊ กั้น ฒู้ง เล่ย ฆอย น้าย เต๋ย กะน้าย โก.
6หฌาว ฝุเจว๊ย กัน นิ่น หอบ หฒุ ยั่ง เญย เจ๊า,
โก๋ ต้าย นิ่น ฯฒฯ ไม้ เล่ย ฆอย.
7ปุ๊ด-ฒ่อย เมี่ยน กุ๊น เมี่ยน จ่ม เมี่ยน,
ก๊า แฒะ เญย เมี่ยน เป๋น แฒะ-เฒี้ยว เญย โน่ว.
8เมี่ยน หฒวัง เอ๊าะ เญย เจ๊า#22:8 ไฟ “ไม้ แป้ง ฟิม เญย สี่”. ฯฒฯ เซียว เหฒะ หน่าน,
ทิน-ฮู่ง โน์ว เมี่ยน เญย ปย๊า หย่า อ๋อย ปุน นิ่น หฒุ เหมียด.#22:8 ม่าย เต๋ย โซว ก๊อง “นิ่น โน์ว เมี่ยน เญย ปย๊า หย่า อ๋อย หฒุ เหมียด”.
9หาย เต้า หมั่ง ไม้ เจี๋ย เหมว่ย, โหฒว เฮญี้ยว จั๊ง, ฯฒฯ ตุ๊ ฟุ,
เหว่ย หฒุ นิ่น เฒาะ ป่วน กั้น เญย หญั่น ฮบ ปุน เมี่ยน จ่ม เมี่ยน.
10อ๋อย หฒุ หฒุ่น ธ้วด ฮว้วด เมี่ยน เญย เมี่ยน, แฑง จ๋า เญย เจ๊า ฯฒฯ ป่า หมี่ อ๊ะ.
แฑง จ๋า, ก๊อง โตะ เญย เจ๊า หย่า เซ้ก เหฑ่ง.
11หาย เต้า อะเฮน้ย ม่าย ธีง-เหฑ่ง เฮญี้ยว, นิ่น เญย หว่า หย่า ม่าย เอน-ฒี่ง,
วั้ว เต้า ฯฒฯ ตุ๊ ฮู่ง เตี๋ย โหฒว นิ่น เญย ต่อย.
12 เฒี้ยว เญย มฒีง โก๋ว เจี๊ยน ว่วน ฒาง,
มป่า นิ่น เบี๊ยน ไม้ เหฒียบ ฒัวะ เญย เมี่ยน เญย หว่า.
13เมี่ยน เหลว่ย เมี่ยน ก๊อง, “กะเหญี่ย แหมง ม่าย เต้า เซี่ยน.
เหฑีย เยียม วั้ว จาย-ห่อง เยีย ไฮ่ หฒุ นิ่น หงาด ไต่.”
14เหฮยียน โหฆ เญย มเซียะ ตอน#22:14 ไฟ “ปวั้ง เลี่ยว เญย มเซียะ ตอน”. เญย ฑุ่ย ฮนั้ง โด ไห่ เญย ค้วด,
เฒี้ยว เฉีย เจี์ย เญย เมี่ยน ฒู้ง หฒุ ด๊อด เปียะ กะญั์ว.
15หฮงง เญย เจ๊า มต้าย เยียม ฝุเจว๊ย เญย เฮญี้ยว,
มป่า หล่ง ปย๊า เบ๊าะ หฌาว ไฮ่ หฒุ่น ธ้วด เล่ย นิ่น โก.
16หาย เต้า เหฒย เมี่ยน จ่ม เมี่ยน เหว่ย โต้ว กั้น ปุ๊ด ฒ่อย,
ไฟ ฝูง ฒี่ง เหญ่ย ปุน ปุ๊ด-ฒ่อย เมี่ยน,
เซ้ด เมว์ย นิ่น กั้น จ่ม หมี่ อ๊ะ.#22:16 ไฟ “เซ้ด เมว์ย อี เต้า ฒู้ง จ่ม หมี่ อ๊ะ.” น้าย เหยี่ยม เญย ฮิบลู หว่า เซ ไม้ หนั่ง เม่ง ฯฒฯ ม่าย เหฒีย หญู่ง หฒะเอ๋ย ฟาน.
ฟ่า เหฒียบ กิ่น ธง-เม่ง หว่า
17เม่ย อ๋อย หฒุ แปง มน่อม หมวัง ธง-เม่ง เมี่ยน เญย หว่า.
เยีย หฌาว เญย หว่า อ๋อย หฒุ หล่ง เฮญี้ยว หมวัง.
18สี ก๊อง เม่ย ฒ่าง เจี๊ยน น้าย เต๋ย หว่า เยียม เฮญี้ยว,
หย่า หลิ่ว เล์ย เหฒียง หฒั่นๆ ไฮ่ ก๊อง,
ฯฒฯ เถง เม่ย หอบ เฮญี้ยว อ๊ะ.
19เยีย อี้ ฮนอย หฌาว เญย เซ ต้ง เม่ย, เม่ย ฯฒฯ ไฮ่ ฮิ้ว ตุ๊ น้าย เต๋ย หว่า
เหว่ย ปุน เม่ย เขา เฒี้ยว.
20เยีย เหว่ย เม่ย เฟี้ย ฟ่า เหฒียบ กิ่น ขวิน เญย หว่า
เหธา ว่วน ฒาง เญย หว่า ไม้ เฒ์ย?
21เยีย อ๋อย ปุน เม่ย ฮิ้ว ตุ๊ หาย หญู่ง หอบ, หาย หญู่ง เฒียน,
เหว่ย ปุน เม่ย ไฮ่ หล่ง เฒียน หว่า เตา พ้าย เม่ย มี่ง เญย เมี่ยน.
22ไม้ ตู๋ง ธ้าง เมี่ยน จ่ม เมี่ยน เญย กะน้าย เหว่ย หฒุ นิ่น จ่ม,
หย่า ไม้ ตู๋ง เยียม ฒี่ง แก้ง เหฒย โต้ หน่าน เมี่ยน,
23เหว่ย หฒุ เฒี้ยว อ๋อย เถง นิ่น บัว แหธง สี่.
หาย เต้า ห่อย นิ่น บัว, เฒี้ยว อ๋อย ห่อย วั้ว เต้า เญย แหม่ง.
24ไม้ ตู๋ง เหธา ฮู่ง เห่ เฉีย เจี์ย เซี้ยบ เญย เมี่ยน ต๊า โล์-แกง,
หย่า ไม้ ตู๋ง เหธา กะเฉีย เป๊ะ เญย เมี่ยน มี่ง.
25เหฑีย เม่ย ไฮ่ หฒวด นิ่น เญย หญู่ง โหฒว,
หย่า หฒุ โขว ฮลบ หฒุ กั้น.
26ไม้ ตู๋ง ฮนั้ง เมี่ยน แล์ง ฑุ่ย เปว เมี่ยน เญย แฒะ,
หย่า ไม้ ตู๋ง แล์ง โหฒว ดาม-ต้าว.
27สี ก๊อง เม่ย ไม้ ม่าย หาย หญู่ง จ๊าว ซูง,
เลี่ยม เม่ย เปว๋ย เจี๊ยน เญย โหธว นิ่น บัว ฯฒฯ เฒาะ มี่ง.
28เม่ย เญย อง-ถาย เหลียบ เญย เต่ย-จ๋าย,
เม่ย ไม้ ตู๋ง ซุ้ย.
29เม่ย ปวัด ม่าย ปั้น เหฒ่ย โหฒว กง หลง เญย เมี่ยน,
นิ่น ตุ๊ โซ้ว เจี๊ยน ฮู่ง เตี๋ย เญย หฑะเฮมียน,
ไม้ เฒ์ย โซ้ว ไม้ ม่าย เม่ง เต้า เญย เมี่ยน เญย หฑะเฮมียน.
Currently Selected:
ธง-เม่ง หว่า 22: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
