Popular Bible Verses from ธง-เม่ง หว่า 22

Share

หฌาว ฝุเจว๊ย กัน นิ่น หอบ หฒุ ยั่ง เญย เจ๊า, โก๋ ต้าย นิ่น ฯฒฯ ไม้ เล่ย ฆอย.

เหญี่ยม กั้น โหฒว ไฝ หย่า ท่าย เฒี้ยว ปุน เมี่ยน ตุ๊ ฒิ่น ฒ่อย, ตุ๊ เมี่ยน ท่าย หย่า ตุ๊ แหม่ง เฒี่ยง.

กิ๊น เม่ง เต้า หลง เซ เก้า หลง กิ๊น ฒิ่น ฒ่อย ธั้ม, ตุ๊ เมี่ยน ท่าย เซ เก้า หลง เจียม ญ่าน.

ไม้ ตู๋ง เหธา ฮู่ง เห่ เฉีย เจี์ย เซี้ยบ เญย เมี่ยน ต๊า โล์-แกง, หย่า ไม้ ตู๋ง เหธา กะเฉีย เป๊ะ เญย เมี่ยน มี่ง.

หาย เต้า หมั่ง ไม้ เจี๋ย เหมว่ย, โหฒว เฮญี้ยว จั๊ง, ฯฒฯ ตุ๊ ฟุ, เหว่ย หฒุ นิ่น เฒาะ ป่วน กั้น เญย หญั่น ฮบ ปุน เมี่ยน จ่ม เมี่ยน.

เมี่ยน ไกว เมี่ยน ปวัด ไฮ่ ม่าย สี่ ธ้วด ฯฒฯ ซิ้ม ฆอย, มป่า ไม้ ฮิ้ว หาย หญู่ง เญย เมี่ยน หูง เจี๊ยน มี่ง ฯฒฯ หฒุ โค้ว อ๊ะ.

ปุ๊ด-ฒ่อย เมี่ยน กุ๊น เมี่ยน จ่ม เมี่ยน, ก๊า แฒะ เญย เมี่ยน เป๋น แฒะ-เฒี้ยว เญย โน่ว.

เมี่ยน ม่าย เมี่ยน เหธา เมี่ยน จ่ม เมี่ยน ม่าย เหยียด ติ่ว ฟี่ ฮนั้ง, เซ เฒี้ยว เหฒย นิ่น บัว เหยียด ฒู้ง ต้าย.

ไม้ ตู๋ง ธ้าง เมี่ยน จ่ม เมี่ยน เญย กะน้าย เหว่ย หฒุ นิ่น จ่ม, หย่า ไม้ ตู๋ง เยียม ฒี่ง แก้ง เหฒย โต้ หน่าน เมี่ยน, เหว่ย หฒุ เฒี้ยว อ๋อย เถง นิ่น บัว แหธง สี่. หาย เต้า ห่อย นิ่น บัว, เฒี้ยว อ๋อย ห่อย วั้ว เต้า เญย แหม่ง.