เลวี 19
19
ธีง-เหฑ่ง เหธา แป้ง ฟิม เญย เล์ย
1 เฒี้ยว ก๊อง บั๋ว โมเซ, 2“อ๋อย หฒุ บั๋ว อิสะลาเอน เญย หฒวัง เมี่ยน, ‘เม่ย บัว อ๋อย หฒุ ธีง-เหฑ่ง เหว่ย หฒุ เยีย, เฒี้ยว, เม่ย บัว เญย ทิน-ฮู่ง, เซ ธีง-เหฑ่ง.#เลวี 11:44-45; 1 ปีเต 1:16
3“‘เม่ย บัว เก๊าะ-เมี่ยน อ๋อย หฒุ ถง หนิ่ม กั้น เญย เตี๋ย หม่า.#ธ้วด อียิบ 20:12; หฑั่ม เล์ย-หลัด 5:16 หย่า อ๋อย หฒุ กัน หลง เยีย เญย นอมๆ ตี้ง กง ฮนอย.#ธ้วด อียิบ 20:8; หฑั่ม เล์ย-หลัด 5:12 เยีย เซ เฒี้ยว, เม่ย บัว เญย ทิน-ฮู่ง.
4“‘ไม้ ตู๋ง กวั่ง เยีย แอ๋ง หฒั่ง หมิ่ว-ฝัง.#เลวี 26:1 หย่า ไม้ ตู๋ง โต๋ หมิ่ว-ฝัง ต้าย เหว่ย กั้น ป๋าย.#ธ้วด อียิบ 20:23; 34:17 เยีย เซ เฒี้ยว, เม่ย บัว เญย ทิน-ฮู่ง.
5“‘เม่ย บัว ฝ่ง ห่อ เหฒี่ย เหว่ย จิว ทง เญย กะน้าย ปุน เฒี้ยว เญย เฒี่ยง โห่, อ๋อย หฒุ โหฒว หอบ เหว่ย ปุน เฒี้ยว อะเฮน้ย ฒิบ. 6เหฒี่ย เญย กะน้าย อ๋อย หฒุ เยียม เหฒี่ย วั้ว ฮนอย หญั่น, ไฟ ตะเหญ่ย ฮนอย. เถา ตะฟาม ฮนอย ม่าย เหฒ่ง เญย นอ, อ๋อย หฒุ ปั๊ว กวั่ง. 7เถา ตะฟาม ฮนอย หธ่อ แอ๋ง หญั่น, น้าย เต๋ย กะน้าย ม่าย หวุย#19:7 ไฟ เซ กั้ม เฑี้ย เญย. อ๊ะ. เฒี้ยว หย่า ไม้ ฒิบ น้าย เต๋ย ฝ่ง ห่อ เญย กะน้าย. 8หาย เต้า หญั่น น้าย เต๋ย เหฒี่ย เญย กะน้าย ฒู้ง อ๋อย หฒุ ดาม นิ่น กั้น เญย ฒุ์ย, เหว่ย หฒุ นิ่น โหฒว ปุน เฒี้ยว เญย ธีง-เหฑ่ง กะน้าย ม่าย หวุย. วั้ว เต้า เยียม นิ่น เญย เมี่ยน บุด๋ง อ๋อย หฒุ ไพ กวั่ง.
9“‘เม่ย บัว ก๊าด เบย้า, ไม้ ตู๋ง ก๊าด เถา จ่ม เด่ย-เฮลน, หย่า ไม้ ตู๋ง เฑ์า เบย้า ด๊อด.#เลวี 23:22; หฑั่ม เล์ย-หลัด 24:19-22 10ไม้ ตู๋ง แก๊ะ เหฑ่ง เยียม อะหงุ่น หฮวีง เญย เปี๊ยว. หย่า ไม้ ตู๋ง เฑ์า อะหงุ่น เปี๊ยว-ด๊อด. อ๋อย หฒุ เลี่ยว ปุน เมี่ยน จ่ม เมี่ยน แอ๋ง เหธา เม่ย บัว เยียม เญย กั้น ฝีง เมี่ยน. เยีย เซ เฒี้ยว, เม่ย บัว เญย ทิน-ฮู่ง.
11“‘ไม้ ตู๋ง โหฒว หฒะ.#ธ้วด อียิบ 20:15; หฑั่ม เล์ย-หลัด 5:19
“‘ไม้ ตู๋ง ก๊อง-แปะ.#ธ้วด อียิบ 20:16; หฑั่ม เล์ย-หลัด 5:20
“‘ไม้ ตู๋ง ล่าน ดั๊ว ล่าน.
12“‘ไม้ ตู๋ง เฒี้ยง เจี๊ยน เยีย เญย บั๋ว แล์ง หว่า มป่า จ๊า เญย, ฯฒฯ ป่าย หฒุ เม่ย เญย ทิน-ฮู่ง เญย บั๋ว.#ธ้วด อียิบ 20:7; หฑั่ม เล์ย-หลัด 5:11; มัดทาย 5:33 เยีย เซ เฒี้ยว.
13“‘ไม้ ตู๋ง เควย เมี่ยน ไฟ ธ้าง เมี่ยน เญย กะน้าย.#หฑั่ม เล์ย-หลัด 24:14-15
“‘ไม้ ตู๋ง เลี่ยว ธี้ง ต้าย โหฒว กง เญย เมี่ยน เญย กง-ฒิ่น เจี๋ย ม์วน.
14“‘ไม้ ตู๋ง เหฒียว มน่อม ดูง เญย เมี่ยน. หย่า ไม้ ตู๋ง เฒาะ กะน้าย อัน เจ๊า ปุน มฒีง แม่ง เญย เมี่ยน ดิ๊ หฒุ ดอบ.#หฑั่ม เล์ย-หลัด 27:18 อ๋อย หฒุ กั้ม เหฑีย, ท่าย เม่ย เญย ทิน-ฮู่ง. เยีย เซ เฒี้ยว.
15“‘อ๋อย หฒุ แป้ง ฟิม เญย เซี้ยม ฒุ์ย เบ่น สี่. หย่า ไม้ ตู๋ง ขูง โป่ว เมี่ยน จ่ม เมี่ยน ไฟ ขูง เถง เมี่ยน ม่าย เมี่ยน. อ๋อย หฒุ แป้ง ฟิม เญย เซี้ยม เมี่ยน.#ธ้วด อียิบ 23:6-8; หฑั่ม เล์ย-หลัด 1:17; 16:19
16“‘ไม้ ตู๋ง เยียม เม่ย เญย เมี่ยน บุด๋ง เจี๋ย น้าย เจี๋ย วั้ว ก๊อง หว่า-ฮู้.
“‘หย่า ไม้ ตู๋ง โหฒว หาย หญู่ง ห่อย เมี่ยน เญย แหม่ง. เยีย เซ เฒี้ยว.
17“‘ไม้ ตู๋ง เยียม เฮญี้ยว ฑอง เม่ย เญย ก๋อ-โย์ว. ฒู้ง อ๋อย หฒุ มี่ง ขวิน นิ่น เหว่ย ปุน กั้น ไม้ หฒุ เหธา นิ่น ดาม ฒุ์ย.#มัดทาย 18:15
18“‘ไม้ ตู๋ง จ๊าว เซี่ยว ไฟ หนิบ วิน กั้น เญย ก๋อ-โย์ว, ฒู้ง อ๋อย หฒุ ฮนั้ม เมี่ยน ฮนั้ง ฮนั้ม กั้น นอ.#มัดทาย 5:43; 19:19; 22:39; มาโค 12:31; ลูกา 10:27; โลมา 13:9; กาลาเทีย 5:14; ยากอบ 2:8 เยีย เซ เฒี้ยว.
19“‘เม่ย บัว อ๋อย หฒุ เอย เหฑ่ง เยีย เญย หลี่ง.
“‘ไม้ ตู๋ง ปุน เม่ย เญย เหยียด หญู่ง แซง-คู้ หฒอบ ตะเหญ่ย หญู่ง เญย ป๊วน.#หฑั่ม เล์ย-หลัด 22:9-11
“‘ไม้ ตู๋ง หล่ง อี หญู่ง ญิม จวั่ง ฑง เด่ย หฒวัง.
“‘ไม้ ตู๋ง ฒุ หล่ง อี หญู่ง สุย หฒอบ เจี๊ยน โหฒว ต้าย เญย ลุย-โหว.
20“‘สี ก๊อง ม่าย เต้า มจั่ง ตอน เปว๋ย เต้า โน่ว เป์ย, วั้ว เต้า โน่ว เป์ย หย่า ม่าย เมี่ยน ก๊อง เฒี่ยง นิ่น หมี่ อ๊ะ, มป่า ไม้ แก้ง ตุ๊ หฒัวะ, ไม้ แก้ง ตุ๊ ปู๋ง ฆอย, อ๋อย หฒุ ฒ่า หมั่ง นิ่น บัว เญย สี่.#19:20 ไฟ “อ๋อย หฒุ ตี่ง นิ่น บัว เญย ฒุ์ย”. หย่า ไม้ ตู๋ง ไต๋ นิ่น บัว, เหว่ย หฒุ วั้ว เต้า โน่ว เป์ย ไม้ แก้ง ตุ๊ ปู๋ง ฆอย. 21มป่า วั้ว เต้า มจั่ง ตอน อ๋อย หฒุ ต้อ เต้า ปะกี ยู่ง โก๊ว เถา หวุ่ย ปวั้ง ด๊บ-ลิ่ว เญย แก้ง ด่าง เหว่ย โหฒว ต่อง เญย ฒุ์ย เหฒี่ย ปุน เฒี้ยว. 22ไซ เมี่ยน ฯฒฯ หล่ง วั้ว เต้า ปะกี ยู่ง โก๊ว เยียม เฒี้ยว เญย หฑะเฮมียน เหฒี่ย เถง นิ่น ฟิ นิ่น โหฒว ต่อง เญย ฒุ์ย. นิ่น เญย ฒุ์ย ฯฒฯ ตุ๊ กวั่ง ลิ์ว อ๊ะ.
23“‘เม่ย บัว เปียะ คานาอัน เต่ย-ปูง หฒวัง หาย หญู่ง เปี๊ยว, อ๋อย หฒุ เก่#19:23 ฟาน หฒะ ฮิบลู หว่า ก๊อง ไม้ เจี๋ย ก๊าด เญย เล์ย. เอ๋ย เล์ย เซ อ๋อย หฒุ ฝุน ม่าย หวุย, ไม้ ม่าย เล์ย หญั่น. ปัว หฮญัง, ไม้ ตู๋ง หญั่น. 24ตะเฝย หฮญัง เฒี่ยง เญย เปี๊ยว เหยียด ฒู้ง เซ ธีง-เหฑ่ง เญย, อ๋อย หฒุ ฝ่ง ห่อ เหว่ย เธง เฒี้ยว. 25มป่า ตะฮม์ หฮญัง เม่ย บัว หญั่น น้าย เต๋ย เดี๋ยง เญย เปี๊ยว ตุ๊ อ๊ะ. ฮนั้ง น้าย โหฒว, เดี๋ยง ฯฒฯ เฒี่ยง เปี๊ยว ธั้ม เจี๊ยน ฝาว. เยีย เซ เฒี้ยว, เม่ย บัว เญย ทิน-ฮู่ง.
26“‘ไม้ ตู๋ง หญั่น หธ่อ ม่าย ฑย้าม เยียม เจี๊ยน เญย อ๊อ.#ทิน เต่ย โต้ว 9:4; เลวี 3:17; 7:26-27; 17:10-14; หฑั่ม เล์ย-หลัด 12:16,23; 15:23
“‘ไม้ ตู๋ง โบ๊ว กว๋า ไฟ โหฒว หาย หญู่ง เมี้ยน.#หฑั่ม เล์ย-หลัด 18:10
27“‘ไม้ ตู๋ง จั๊บ เม่ย บัว เญย บะเปยย แป้ง เญย ฮวีง ก๋อม มฆ้อง.#เลวี 21:5; หฑั่ม เล์ย-หลัด 14:1 28เมี่ยน ไต่ หย่า ไม้ ตู๋ง เหว่ย นิ่น บัว ก๊าด กั้น เญย ซิน ไฟ เฑี้ยบ เปี้ยง. เยีย เซ เฒี้ยว.
29“‘ไม้ ตู๋ง ป่าย เม่ย บัว เญย เซียะ, อ๊าบ โหฒว หม่าย ป๊วน-ซิน เญย เมี่ยน.#หฑั่ม เล์ย-หลัด 23:17 เหฑีย เฒี่ยง นอม เต่ย-ปูง เญย เมี่ยน ไฮ่ เป๋น หม่าย ป๊วน-ซิน เญย เจ๊า. เต่ย-ปูง ฯฒฯ ม่าย หว่าย สี่ ปวั๊ง เหฑ่ง.
30“‘อ๋อย หฒุ กัน หลง เยีย เญย นอมๆ ตี้ง กง ฮนอย.#ธ้วด อียิบ 20:8-11; 23:12; 34:21; 35:2-3; เลวี 19:3; หฑั่ม เล์ย-หลัด 5:12-15 หย่า อ๋อย หฒุ ท่าย เยีย เญย สีง ติ่น.#เลวี 26:2 เยีย เซ เฒี้ยว.
31“‘ไม้ ตู๋ง มี่ง ล์อ เมี่ยน เถง ก๊าน เฮย ไฟ โบ๊ว กว๋า.#เลวี 20:6,27; หฑั่ม เล์ย-หลัด 18:11; 1 ซามูเอน 28:3; อิสะยา 8:19 ฮนั้ง น้าย โหฒว เม่ย บัว ฯฒฯ หลาย นิ่น บัว ม่าย หวุย. เยีย เซ เฒี้ยว, เม่ย บัว เญย ทิน-ฮู่ง.
32“‘เยียม เมี่ยน โก๋ เมี่ยน เญย หฑะเฮมียน อ๋อย หฒุ โซ้ว เจี์ย ซิน. อ๋อย หฒุ ท่าย หฮญัง-เจ๊ย ฮลัง เญย เมี่ยน, หย่า อ๋อย หฒุ กั้ม เหฑีย เม่ย บัว เญย ทิน-ฮู่ง. เยีย เซ เฒี้ยว.
33“‘สี ก๊อง ม่าย กั้น ฝีง เมี่ยน เหธา เม่ย บัว เยียม เม่ย บัว เญย เต่ย-ปูง, ไม้ ตู๋ง โหฒว โตะ นิ่น.#ธ้วด อียิบ 22:21; หฑั่ม เล์ย-หลัด 24:17-18; 27:19 34อ๋อย หฒุ ฝุน เยียม เม่ย บัว บุด๋ง เญย กั้น ฝีง เมี่ยน เหธา ป๊วน-เต่ย เมี่ยน ฟี่ ฮนั้ง, หย่า อ๋อย หฒุ ฮนั้ม นิ่น ฮนั้ง ฮนั้ม กั้น นอ, เหว่ย หฒุ ฒิ่น ด่าง เม่ย บัว เยียม อียิบ เต่ย-ปูง โหฒว กั้น ฝีง เมี่ยน. เยีย เซ เฒี้ยว, เม่ย บัว เญย ทิน-ฮู่ง.
35“‘เม่ย บัว เดาะ ไฟ เฑียง ไฟ ฮลาว หาย หญู่ง, ไม้ ตู๋ง เควย หาย เต้า.#หฑั่ม เล์ย-หลัด 25:13-16; ธง-เม่ง หว่า 20:10; เอเสเคน 45:10 36เหฑียง อ๋อย หฒุ หอบ, เหฑียง-ต้อ อ๋อย หฒุ หอบ, ฮลาว เญย กะน้าย#19:36 ฮิบลู หว่า ก๊อง เอฟา เหธา ฮิน. เอฟา หล่ง ฮลาว เบย้า วั้ว ปั๊วะ. ฮิน หล่ง ฮลาว กะลั้น โย่ว, อะหงุ่น ติ๊ว โล หาย. หย่า อ๋อย หฒุ หอบ. เยีย เซ เฒี้ยว, เม่ย บัว เญย ทิน-ฮู่ง, ต้ง ต้อ เม่ย บัว เยียม อียิบ เต่ย-ปูง ธ้วด ต้าย วั้ว เต้า.
37“‘อ๋อย หฒุ กัน หลง เยีย เญย เหยียด ฒู้ง หลี่ง เหธา ติ้วๆ เล์ย. อ๋อย หฒุ เอย เจี๊ยน โหฒว เหฑ่ง. เยีย เซ เฒี้ยว. ’”
Currently Selected:
เลวี 19: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
