เลวี 20
20
หฒุ ตี่ง ฒุ์ย เญย เล์ย
1 เฒี้ยว ก๊อง บั๋ว โมเซ, 2“อ๋อย หฒุ บั๋ว อิสะลาเอน เมี่ยน, ‘ตะฟ่าน อิสะลาเอน เมี่ยน, ไฟ เยียม อิสะลาเอน เต่ย-ปูง เญย กั้น ฝีง เมี่ยน, หาย เต้า เฒาะ กั้น เญย ฝุเจว๊ย ฝูง ปุน โมเล้ก เฒี่ยน, ฒู้ง อ๋อย หฒุ เฒาะ วั้ว เต้า ไต๋ ไต่. หฒวัง แปะ ฝีง อ๋อย หฒุ เฒาะ หละเปย๊ย ฒง ไต่ นิ่น. 3เยีย กั้น หย่า อ๋อย เบี๊ยน เฮมียน ปุน วั้ว เต้า หย่า ปุน นิ่น เยียม นิ่น เญย เมี่ยน บุด๋ง หฒุ ไพ กวั่ง, เหว่ย หฒุ นิ่น เฒาะ เต้า นิ่น เญย ฝุเจว๊ย ฝูง ปุน โมเล้ก เฒี่ยน, ฯฒฯ โหฒว ปุน เยีย เญย สีง ติ่น ม่าย หวุย หย่า ป่าย เยีย เญย ธีง-เหฑ่ง บั๋ว. 4วั้ว เต้า เมี่ยน เฒาะ เต้า นิ่น เญย ฝุเจว๊ย ฝูง ปุน โมเล้ก เฒี่ยน วั้ว หฒั่น, สี ก๊อง ป๊วน-เต่ย แปะ ฝีง ฮนั้ง ฌิบ เจี๊ยน มฒีง ไม้ ปวัด นอ, หย่า ไม้ ฒง ไต่ นิ่น, 5เยีย กั้น อ๋อย เบี๊ยน เฮมียน ปุน วั้ว เต้า เหธา นิ่น เญย ฮมวั้ง ต่อย หย่า ปุน นิ่น เยียม นิ่น เญย เมี่ยน บุด๋ง หฒุ ไพ กวั่ง, เลี่ยม เหธา นิ่น ม่าย เฮยี่ย เฮญี้ยว#20:5-6 เป๊ย หมั่ง ธ้วด อียิบ 34:15. กัน โมเล้ก เฒี่ยน วั้ว เต๋ย.
6“‘สี ก๊อง หาย เต้า มี่ง ล์อ เมี่ยน เถง ก๊าน เฮย ไฟ โบ๊ว กว๋า,#เลวี 19:31 เซ ฮนั้ง ม่าย เฮยี่ย เฮญี้ยว เญย เมี่ยน นอ. เยีย อ๋อย เบี๊ยน เฮมียน ปุน วั้ว เต้า, หย่า ปุน นิ่น เยียม นิ่น เญย เมี่ยน บุด๋ง หฒุ ไพ กวั่ง.
7“‘อ๋อย หฒุ สา กั้น ธีง-เหฑ่ง ต้าย, เหว่ย หฒุ เยีย เซ เฒี้ยว, เม่ย บัว เญย ทิน-ฮู่ง. 8อ๋อย หฒุ กัน หลง เยีย เญย หลี่ง, เอย เจี๊ยน โหฒว เหฑ่ง. เยีย เซ เฒี้ยว, ต้ง ปุน เม่ย บัว ธีง-เหฑ่ง วั้ว เต้า.#เลวี 11:44-45; 19:2; 20:26; 1 ปีเต 1:16
9“‘สี ก๊อง หาย เต้า เหฒียว นิ่น เญย เตีย ไฟ มา,#ธ้วด อียิบ 21:17; หฑั่ม เล์ย-หลัด 27:16; มัดทาย 15:4; มาโค 7:10-12 อ๋อย หฒุ เฒาะ วั้ว เต้า ไต๋ ไต่. นิ่น เหฒียว เตีย ไฟ มา, นิ่น กั้น อ๋อย หฒุ ดาม กั้น เญย ฒุ์ย.
10“‘สี ก๊อง เมี่ยน เหฮยียน กั้น เต้า เมี่ยน เญย เอ๊า,#20:10 ฮิบลู หว่า หฑั่ม เจี๊ยน ก๊อง “หาย เต้า เหฮยียน กั้น เต้า เมี่ยน เญย เอ๊า”. ฒู้ง อ๋อย หฒุ ปุน นิ่น บัว อี เต้า หฒุ ไต่.#ธ้วด อียิบ 20:14; เลวี 18:20; หฑั่ม เล์ย-หลัด 5:18
11“‘สี ก๊อง เมี่ยน เปว๋ย กั้น เญย เตีย เญย เอ๊า ฯฒฯ ป่าย นิ่น เญย เตีย.#เลวี 18:7-8; หฑั่ม เล์ย-หลัด 22:30; 27:20 ฒู้ง อ๋อย หฒุ เฒาะ นิ่น บัว อี เต้า ไต๋ ไต่. นิ่น บัว กั้น อ๋อย หฒุ ดาม กั้น เญย ฒุ์ย.
12“‘สี ก๊อง เมี่ยน เปว๋ย กั้น เญย บวั์ง,#เลวี 18:15 ฒู้ง อ๋อย หฒุ เฒาะ นิ่น บัว อี เต้า ไต๋ ไต่. นิ่น บัว โหฒว ไม้ หลวน ห่อง เญย สี่. นิ่น บัว กั้น อ๋อย หฒุ ดาม กั้น เญย ฒุ์ย.
13“‘สี ก๊อง มจั่ง ตอน เปว๋ย มจั่ง ตอน ต๋อง มเซียะ ตอน, นิ่น บัว โหฒว เญย เซ กั้ม เฑี้ย เญย สี่. ฒู้ง อ๋อย หฒุ เฒาะ นิ่น บัว อี เต้า ไต๋ ไต่. นิ่น บัว กั้น อ๋อย หฒุ ดาม กั้น เญย ฒุ์ย. 14“‘สี ก๊อง เมี่ยน หล่ง อี เซียะ-หม่า โหฒว เอ๊า เซ หว่าย ไห่ เญย สี่.#เลวี 18:17 ฒู้ง อ๋อย หฒุ เฒาะ นิ่น บัว ปัว เต้า หล่ง โต์ว ปั๊ว ไต่ เหว่ย ไม้ ปุน หว่าย สี่ เยียม เม่ย บัว บุด๋ง.
15“‘สี ก๊อง หาย เต้า มจั่ง ตอน เหฮยียน แซง-คู้,#ธ้วด อียิบ 22:19; เลวี 18:23; หฑั่ม เล์ย-หลัด 27:21 อ๋อย หฒุ เฒาะ นิ่น ไต๋ ไต่. หย่า อ๋อย หฒุ เฒาะ วั้ว เต้า แซง-คู้ ไต๋.
16“‘สี ก๊อง หาย เต้า มเซียะ ตอน ต้อ กั้น ปุน แซง-คู้ แซง, อ๋อย หฒุ เลี่ยม มเซียะ ตอน, เลี่ยม แซง-คู้ ไต๋ ไต่. อี เต้า ฒู้ง อ๋อย หฒุ ไต๋ กวั่ง. นิ่น บัว กั้น อ๋อย หฒุ ดาม กั้น เญย ฒุ์ย.
17“‘สี ก๊อง หาย เต้า หล่ง กั้น เญย ต่อ ไฟ หมั่ว,#เลวี 18:9; หฑั่ม เล์ย-หลัด 27:22 ไม้ กุ๊น เซ เตีย เญย เซียะ ไฟ มา เญย เซียะ, ตอง จา, จวั่ง ต๋อง เปว๋ย, เซ ไญ้ ไห่ เญย สี่. นิ่น บัว อ๋อย หฒุ ตอง เจี๊ยน นิ่น บัว เญย เมี่ยน หฒุ ไพ กวั่ง. วั้ว เต้า มจั่ง ตอน ป่าย กั้น เญย ต่อ ไฟ หมั่ว ฯฒฯ อ๋อย หฒุ ดาม กั้น เญย ฒุ์ย.
18“‘สี ก๊อง หาย เต้า มจั่ง ตอน เปว๋ย มเซียะ ตอน ต๋อย ม่าย ซิน-เหยี่ยน เญย เฒี่ยง โห่,#เลวี 18:19 อ๋อย หฒุ ปุน นิ่น บัว อี เต้า เยียม กั้น เญย เมี่ยน บุด๋ง หฒุ ไพ กวั่ง, เหว่ย หฒุ นิ่น บัว ต่อง ธีง-เหฑ่ง เญย เล์ย ปุน กั้น ม่าย หวุย.#20:18 ฮิบลู หว่า ก๊อง “นิ่น คอย มเซียะ ตอน เญย ฑย้าม-ญ่วน. มเซียะ ตอน กั้น หย่า คอย”.
19“‘ไม้ ตู๋ง เปว๋ย เม่ย เญย โกว-หม่า ไฟ มั์ว-หม่า ไฟ ต่อ เต้ย ไฟ เฑี์ย-หม่า.#เลวี 18:12-13 ฮนั้ง น้าย โหฒว เซ ป่าย หฒุ จวั่ง ฑย้าม-เฟย เญย เธียน-เธะ. นิ่น บัว อี เต้า ฒู้ง อ๋อย หฒุ ดาม กั้น เญย ฒุ์ย.
20“‘สี ก๊อง หาย เต้า มจั่ง ตอน เปว๋ย จั้ว หม่า ไฟ เฑี์ย-หม่า ไฟ ต้ม เมี่ยง หม่า ไฟ เมี่ยง หม่า#เลวี 18:4 ฯฒฯ ป่าย หฒุ นิ่น เญย แป๊ะ-เตี๋ย ไฟ โย์ว-เตี๋ย ไฟ ต้ม เน์า-เตี๋ย ไฟ เน์า-เตี๋ย. นิ่น บัว อี เต้า อ๋อย หฒุ ดาม กั้น เญย ฒุ์ย. เถา ไต่ นิ่น บัว หย่า ไม้ ไฮ่ ม่าย ฝุเจว๊ย.
21“‘สี ก๊อง หาย เต้า มจั่ง ตอน หล่ง มั์ว-ต่อย เญย เอ๊า,#เลวี 18:6 น้าย เซ โหฒว ไม้ ธีง-เหฑ่ง เญย สี่, ป่าย หฒุ นิ่น เญย มั์ว-ต่อย. นิ่น บัว ฯฒฯ ไม้ ไฮ่ ม่าย ฝุเจว๊ย.
22“‘อ๋อย หฒุ กัน หลง เยีย เญย เหยียด ฒู้ง หลี่ง เหธา ติ้วๆ เล์ย, หย่า เอย เจี๊ยน โหฒว, เหว่ย ปุน ต้ง เยีย อี้ หฒั่น ต้อ เม่ย บัว มี่ง เยียม วั้ว นอม เต่ย-ปูง ไม้ โล้ เม่ย บัว ธ้วด. 23หย่า ไม้ ตู๋ง กัน เยียม วั้ว นอม เต่ย-ปูง เญย เมี่ยน เญย เล์ย, ต้ง เยีย อ๋อย หฒุ่น ธ้วด เม่ย บัว วั้ว ด่าง แหมง เญย ฝีงๆ เมี่ยน เญย เล์ย. หลาย นิ่น บัว โหฒว น้าย เต๋ย เหยียด ฒู้ง สี่ เยีย โหยว! ไห่ นิ่น บัว. 24มป่า เยีย บั๋ว เจี๋ย เม่ย บัว, “เยีย อ๋อย เฒาะ น้าย นอม เต่ย-ปูง จิว ปุน เม่ย บัว, โหฒว เป๋น เม่ย บัว หฑิบ เญย เต่ย-ปูง, เซ เดา-โท้ว หลง เญย เต่ย-ปูง.”#20:24 เป๊ย หมั่ง ธ้วด อียิบ 3:8. เยีย เซ เฒี้ยว, เม่ย บัว เญย ทิน-ฮู่ง, เซ เยียม หม่าน ฝีง กิ๊น เม่ย บัว ธ้วด ต้าย วั้ว เต้า.
25“‘เหว่ย น้าย เม่ย บัว อ๋อย หฒุ เฒาะ ม่าย หวุย เหธา ไม้ ม่าย หวุย เญย แซง-คู้ ปุน ฆอย, ม่าย หวุย เหธา ไม้ ม่าย หวุย เญย เหนาะ. หย่า ไม้ ตู๋ง หลาย เยีย กิ๊น ธ้วด ม่าย หวุย เญย แซง-คู้ ไฟ เหนาะ ไฟ ญอง เดา เญย กะน้าย ปุน กั้น ม่าย หวุย. 26เม่ย บัว อ๋อย หฒุ เหว่ย เยีย ธีง-เหฑ่ง, เหว่ย หฒุ เยีย, เฒี้ยว, เซ ธีง-เหฑ่ง เญย,#เลวี 20:8 หย่า เยียม หม่าน ฝีง กิ๊น เม่ย บัว ธ้วด ต้าย เป๋น เยีย เญย แปะ ฝีง.
27“‘ไม้ กุ๊น มจั่ง มเซียะ, เม่ย บัว หาย เต้า เถง เมี่ยน ก๊าน เฮย ไฟ โบ๊ว กว๋า,#เลวี 19:31; 20:6 ฒู้ง อ๋อย หฒุ ปุน นิ่น บัว หฒุ ไต่. อ๋อย หฒุ หล่ง หละเปย๊ย ฒง ไต่. นิ่น บัว กั้น เญย ฒุ์ย นิ่น บัว กั้น อ๋อย หฒุ ดาม-ตอง.’”
Currently Selected:
เลวี 20: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
