เลวี 18
18
ไม้ ม่าย เล์ย เปว๋ย เญย เมี่ยน
1 เฒี้ยว ก๊อง บั๋ว โมเซ, 2“อ๋อย หฒุ บั๋ว อิสะลาเอน เมี่ยน, ‘เยีย เซ เฒี้ยว, เม่ย บัว เญย ทิน-ฮู่ง. 3เม่ย บัว ไม้ ตู๋ง โหฒว ฮนั้ง นิ่น บัว เยียม อียิบ เต่ย-ปูง โหฒว วั้ว นอ, ต้ง ฒิ่น ด่าง เม่ย บัว เยียม วั้ว นอม เต่ย-ปูง. หย่า ไม้ ตู๋ง โหฒว ฮนั้ง นิ่น บัว เยียม คานาอัน เต่ย-ปูง โหฒว เญย, ต้ง เยีย อี้ หฒั่น ต้อ เจี๊ยน เม่ย บัว เถา เญย เต่ย-ปูง. วั้ว เต๋ย เมี่ยน โหฒว เญย, เม่ย บัว ไม้ ตู๋ง หฒวด เจี๊ยน โหฒว. 4เม่ย บัว อ๋อย หฒุ กัน เยีย เญย เล์ย, หมวัง หลง เยีย เญย หลี่ง หย่า เอย เจี๊ยน โหฒว. เยีย เซ เฒี้ยว, เม่ย บัว เญย ทิน-ฮู่ง. 5เหว่ย น้าย เม่ย บัว อ๋อย หฒุ หมวัง หลง เยีย เญย หลี่ง, กัน หลง เยีย เญย เล์ย. เมี่ยน เอย เจี๊ยน โหฒว ฯฒฯ ตุ๊ เฒี่ยง เจี๊ยน.#เนหะมี 9:29; เอเสเคน 18:9; 20:11-13,21; ลูกา 10:28; โลมา 10:5; กาลาเทีย 3:12 เยีย เซ เฒี้ยว.
6“‘หาย เต้า ไม้ ตู๋ง มี่ง เหธา จวั่ง ฑย้าม-เฟย เญย เธียน-เธะ นิด ต่อย.#18:6 ฟาน หฒะ ก๊อง “ปุน นิ่น เญย แล่ง แก๊ง เญย ซิน ธ้วด.” เยียม 7-19 เหยี่ยม ฟี่ ฮนั้ง เญย. เยีย เซ เฒี้ยว.
7“‘ไม้ ตู๋ง เปว๋ย กั้น เญย มา. นิ่น โหฒว เม่ย เญย มา, ไม้ ตู๋ง เปว๋ย. ฮนั้ง น้าย ป่าย หฒุ เม่ย เญย เตีย.
8“‘ไม้ ตู๋ง เปว๋ย เม่ย เญย เตีย เญย เอ๊า.#เลวี 20:11; หฑั่ม เล์ย-หลัด 22:30; 27:20 ฮนั้ง น้าย ฯฒฯ ป่าย หฒุ เตีย.
9“‘ไม้ ตู๋ง เปว๋ย กั้น เญย ต่อ ไฟ หมั่ว,#เลวี 20:17; หฑั่ม เล์ย-หลัด 27:22 ไม้ กุ๊น เตีย เญย เซียะ ไฟ มา เญย เซียะ, จวั่ง เปย๊า ธ้วด เสย ไฟ เยียม กั้น นอม ต๋อง ธ้วด เสย เญย.
10“‘ไม้ ตู๋ง เปว๋ย เม่ย เญย ฟุน, ไม้ กุ๊น ตอน เญย เซียะ ไฟ เซียะ เญย เซียะ. น้าย เซ ป่าย หฒุ เม่ย กั้น.
11“‘ไม้ ตู๋ง เปว๋ย เตีย เญย เอ๊า เญย เซียะ, เซ จวั่ง เตีย ไม้ จวั่ง มา เญย เซียะ. นิ่น โหฒว เม่ย เญย ต่อ ไฟ หมั่ว.
12“‘ไม้ ตู๋ง เปว๋ย เม่ย เญย โกว-หม่า ไฟ หมั่ว-หม่า.#เลวี 20:19-20 นิ่น เซ เหธา เม่ย เญย เตีย จวั่ง ฑย้าม-เฟย เญย เธียน-เธะ.
13“‘ไม้ ตู๋ง เปว๋ย เม่ย เญย ต่อ เต้ย ไฟ เฑี์ย-หม่า. นิ่น เซ เหธา เม่ย เญย มา จวั่ง ฑย้าม-เฟย เญย เธียน-เธะ.
14“‘ไม้ ตู๋ง เปว๋ย เม่ย แป๊ะ-เตี๋ย เญย เอ๊า ไฟ โย์ว-เตี๋ย เญย เอ๊า เหว่ย หฒุ นิ่น บัว โหฒว เม่ย เญย จั้ว เหธา เม่ย เญย เฑี์ย-หม่า.
15“‘ไม้ ตู๋ง เปว๋ย กั้น เญย บวั์ง.#เลวี 20:12 นิ่น โหฒว เม่ย เญย ตอน เญย เอ๊า. ไม้ ตู๋ง เปว๋ย นิ่น.
16“‘ไม้ ตู๋ง เปว๋ย กั้น เญย มั์ว-ต่อย เญย เอ๊า.#เลวี 20:21 ฮนั้ง น้าย โหฒว ป่าย หฒุ เม่ย เญย ก๋อ ไฟ โย์ว.
17“‘ไม้ ตู๋ง เปว๋ย หาย เต้า มเซียะ ตอน แอ๋ง เลี่ยม นิ่น เญย เซียะ เปว๋ย.#เลวี 20:14 หย่า ไม้ ตู๋ง เปว๋ย นิ่น เญย ตอน เญย เซียะ ไฟ เซียะ เญย เซียะ. นิ่น บัว เซ เหธา วั้ว เต้า มเซียะ ตอน จวั่ง ฑย้าม-เฟย เญย เธียน-เธะ. ฮนั้ง น้าย โหฒว เซ โหฒว หว่าย สี่.
18“‘เม่ย เญย เอ๊า หธ่อ เฒี่ยง เจี๊ยน เญย เฒี่ยง โห่, ไม้ ตู๋ง แอ๋ง หล่ง นิ่น เญย ต่อ ไฟ เฑี์ย โหฒว เอ๊า-แฑง-ปวัง หย่า เหธา นิ่น เปว๋ย.
19“‘มเซียะ ตอน ซิน-เหยี่ยน, ม่าย หวุย เญย เฒี่ยง โห่, ไม้ ตู๋ง เปว๋ย.#เลวี 20:18
20“‘ไม้ ตู๋ง เปว๋ย เมี่ยน เญย เอ๊า.#เลวี 20:10 ฮนั้ง น้าย ฯฒฯ กั๊วะ หฒุ กั้น ม่าย หวุย.
21“‘ไม้ ตู๋ง เฒาะ เม่ย บัว เญย หาย เต้า ฝุเจว๊ย หล่ง โต์ว ปั๊ว เหฒี่ย ฝ่ง ห่อ#18:21 ไฟ “ปุน น่าม โญ์ว เจี๋ย โต์ว”. ปุน โมเล้ก เฒี่ยน. น้าย เซ หมั่ง เผีย, ป่าย หฒุ เม่ย บัว เญย ทิน-ฮู่ง เญย บั๋ว. เยีย เซ เฒี้ยว.
22“‘ไม้ ตู๋ง เปว๋ย มจั่ง ตอน ต๋อง มเซียะ ตอน.#เลวี 20:13 เซ กั้ม เฑี้ย ไห่ เญย สี่.
23“‘ไม้ ตู๋ง เหฮยียน แซง-คู้, ปุน กั้น ม่าย หวุย. มเซียะ ตอน หย่า ไม้ ตู๋ง ต้อ กั้น ปุน แซง-คู้ แซง. น้าย เซ โหฒว ไม้ หลวน ห่อง เญย สี่.#ธ้วด อียิบ 22:19; เลวี 20:15-16; หฑั่ม เล์ย-หลัด 27:21
24“‘เม่ย บัว ไม้ ตู๋ง โหฒว น้าย เต๋ย เหยียด ฒู้ง สี่ ปุน กั้น ม่าย หวุย, เหว่ย หฒุ เยีย อ๋อย หฒุ่น ธ้วด เม่ย บัว เญย วั้ว ด่าง แหมง วั้ว เต๋ย ฝีงๆ เมี่ยน โหฒว น้าย เต๋ย สี่ ปุน กั้น ม่าย หวุย. 25เลี่ยม เต่ย-ปูง หย่า ม่าย หวุย. เยีย ฯฒฯ ตี่ง เต่ย-ปูง เญย ฒุ์ย. เต่ย-ปูง ฯฒฯ โล้ ธ้วด เยียม เจี๊ยน เญย แปะ ฝีง. 26มป่า เม่ย บัว อ๋อย หฒุ เอย เหฑ่ง เยีย เญย หลี่ง เหธา เยีย เญย เล์ย. ไม้ กุ๊น ป๊วน-ฝีง เมี่ยน ไฟ เยียม เม่ย บัว กะญั์ว เญย กั้น ฝีง เมี่ยน, ไม้ ตู๋ง โหฒว น้าย เต๋ย หาย หญู่ง กั้ม เฑี้ย เญย สี่. 27เยียม วั้ว นอม เต่ย-ปูง ด่าง เม่ย บัว วั้ว เต๋ย เมี่ยน โหฒว น้าย เต๋ย สี่, เต่ย-ปูง ฯฒฯ ม่าย หวุย. 28สี ก๊อง เม่ย บัว ปุน เต่ย-ปูง ม่าย หวุย, เต่ย-ปูง ฯฒฯ โล้ เม่ย บัว ธ้วด ฮนั้ง โล้ เยียม ด่าง เม่ย บัว วั้ว เต๋ย ฝีงๆ เมี่ยน นอ.
29“‘หาย เต้า โหฒว น้าย เต๋ย หาย หญู่ง กั้ม เฑี้ย เญย สี่, วั้ว เต้า เยียม นิ่น เญย เมี่ยน บุด๋ง ฒู้ง หฒุ ไพ กวั่ง. 30อ๋อย หฒุ เอย เจี๊ยน เยีย พ้าย เญย หว่า โหฒว หย่า ไม้ ตู๋ง หฒวด เยียม ด่าง เม่ย บัว วั้ว เต๋ย กั้ม เฑี้ย ไห่ เญย เล์ย. หย่า ไม้ ตู๋ง ปุน กั้น หลาย น้าย เต๋ย สี่ ม่าย หวุย. เยีย เซ เฒี้ยว, เม่ย บัว เญย ทิน-ฮู่ง.’”
Currently Selected:
เลวี 18: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
