หน่าน ฒี่ง ฑูง 2
2
ทิน-ฮู่ง ตี่ง เยลูซาเลม เญย ฒุ์ย#2 ตะเหญ่ย ฒาง หล่ง ฮิบลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เหยี่ยม เหยียด เหยี่ยม เญย หฑั่ง-กอน.
1เฒี้ยว เฉีย เจี์ย ไห่,
ฯฒฯ ปุน บ๋วน-เจี๊ยะ อม เจี๊ยน สิโอน ฒี่ง.
นิ่น เฒาะ อิสะลาเอน เญย ฌัง-หล่าง
เยียม กู้ หงว่าย ลู่ง ฒอย เหฌี่ย เถา เดา.
นิ่น เฉีย เจี์ย เญย ฮนอย,
เลี่ยม นิ่น กั้น เญย สีง ติ่น นิ่น หย่า กวั่ง หมี่ อ๊ะ. #2:1 ฮิบลู หว่า ก๊อง “นิ่น ไม้ จั๋ง นิ่น หลอง เหฒา เญย ต๋อง”.
2เฒี้ยว เหมียด เหฑ่ง ยาโค้บ เยียม เญย นอมๆ ต๋อง หย่า ไม้ ค้อ-เลี่ยน.
นิ่น เฉีย เจี์ย เจี๊ยน แธะ เหฑ่ง
ยูดา เมี่ยน#2:2 ฟาน หฒะ ก๊อง ยูดา เญย เซียะ. เว่ย ว้วน เญย ต๋อง.
เฒี้ยว ปุน วั้ว นอม กั๊วะ เหธา นิ่น บัว เญย เปย๊ย เฒ้ย
หฒุ ด๊อด เหฌี่ย เถา เดา, หฒุ ไญ้.
3นิ่น กะเฉีย แป๊ด ธ้วด,
เฒาะ อิสะลาเอน เญย เหยียด ฒู้ง ชะ เหมียด เหฑ่ง.
นิ่น ตอง เจี๊ยน วิน-วั้ง
ฮล้วด บย่าว เจี๊ยะ ปั์ว, #2:3 เอ๋ย เล์ย เซ นิ่น ไม้ เถง นิ่น บัว. ไม้ เถง.
นิ่น ฮนั้ง โต์ว นอ ปั๊ว ยาโค้บ,
ฒู้ง ปั๊ว ชุย เว่ย ก๋อม เญย ต๋อง.
4นิ่น แปง นิ่น เญย จวัง-หฒิน ฮนั้ง วิน-วั้ง,
นิ่น เญย บย่าว เจี๊ยะ ปั์ว นั้น เจี๊ยน ฟอง อ๋อย ป๊วน ฮนั้ง วิน-จา.
นิ่น ไต๋ เหฑ่ง ต้ง มฒีง ปวัด อะเฮน้ย เญย เหยียด ฒู้ง เมี่ยน.
นิ่น เฉีย เจี์ย ฮนั้ง โต์ว นอ,
โต๋ เหฌี่ย สิโอน เมี่ยน เญย ด๊บ-ลิ่ว.
5เฒี้ยว เซ ฮนั้ง วิน-วั้ง
เหมียด เหฑ่ง อิสะลาเอน.
นิ่น เหมียด อิสะลาเอน เญย เหยียด ฒู้ง ฮู่ง ติ่น,
หย่า ป่าย หว่าย เหฑ่ง เว่ย ว้วน เญย ต๋อง.
นิ่น ปุน ยูดา เมี่ยน#2:5 ยูดา เญย เซียะ.
จา เฑ่า เญี้ยม โค้ว.
6นิ่น เบ๊าะ หว่าย กั้น เยียม เญย ต๋อง
ฮนั้ง เบ๊าะ หว่าย เยียม หฮวีง เญย ลิ่ว นอ,
เหมียด เหฑ่ง นิ่น กั๊บ ฒุ้น เญย ต๋อง.
เฒี้ยว ปุน ตี่ง ต้าย เญย ฒิบ เหธา ตี้ง กง ฮนอย
เยียม สิโอน เจี๋ย หมี่ อ๊ะ.
นิ่น เฉีย เจี์ย! ไห่ ฯฒฯ เฆ่ม #2:6 ไฟ หมั่ง เผีย.
เลี่ยม ฮู่ง เตี๋ย เหธา ไซ เมี่ยน.
7เฒี้ยว เฆ่ม นิ่น เญย เหฒี่ย-ต้อง,
หย่า กวั่ง นิ่น เญย สีง ติ่น.
นิ่น เฒาะ ฮู่ง ติ่น เญย ฒี่ง หลาด
จิว ปุน วิน-วั้ง.
นิ่น บัว เยียม เฒี้ยว เญย เปย๊า เบี้ยวๆ เญย,
ฮนั้ง เจี๋ย ฒิบ เญย ฮนอย.
8 เฒี้ยว ตี่ง เฮญี้ยว ป่าย หว่าย
สิโอน เญย ฒี่ง หลาด.
นิ่น แปง ฮลาง เดาะ,
ฯฒฯ เหมียด เหฑ่ง, ไม้ ฮล้วด ปั์ว หฑวน.
นิ่น ปุน แฆะ วิน-วั้ง เญย เนีย-ดุย เหธา ฒี่ง หลาด หฒุ โค้ว,
เหยียด เหฌี่ย หฒุ ป่าย หว่าย เหฑ่ง.
9สิโอน เญย ฒี่ง แก้ง ปยบ เหฌี่ย เดา,
เฒี้ยว โหฒว หว่าย, โหฒว แก้ง ซอน เน้า.
ฒี่ง เญย ฮู่ง เตี๋ย เหธา เปย๊ย เฒ้ย หฒุ เยียม หม่าน กั๊วะ บุด๋ง,
ไม้ ม่าย เล์ย-หลัด กุ๊น อ๊ะ.
นิ่น เญย โต่ว หว่า เมี่ยน หย่า ไม้ ตุ๊ ปวัด
เฒี้ยว หิ่น ย่าง เญย สี่.
10สิโอน ฒี่ง เญย เมี่ยน โก๋ #2:10 ม่าย เต๋ย โซว ก๊อง เมี่ยน โก๋ เมี่ยน. เซ้ก เหฑียะ เญย
เฒว์ย เจี๊ยน กะเดี๊ย เดา, ไม้ โค โล.
นิ่น บัว เญา เนีย-บูง หฮยาม มฆ้อง,#2:10 นิ่น บัว ฮนั้ง น้าย โหฒว เหว่ย ปุน ธีง เฑ่า ไห่.
หย่า ฒุ ล่าม่า เดีย-โธว.
เยลูซาเลม เญย เซียะ-หลุน,
มฆ้อง พัวะ เหฌี่ย เถา เดา.
11หลาย เญี้ยม, เยีย เญย มฒีง ฒู้ง ไม้ ฌัง,
เยีย เญย เฮญี้ยว ฮวาง, หลุ่น เหฑ่ง.
เยีย เฑ่า ตุ๊ โค้ว ไห่,
เหว่ย หฒุ เหธา เยีย จวั่ง ฝีง เญย เมี่ยน หฒุ เหมียด,
แอ๋ง เหว่ย ฝุเจว๊ย เหธา ฮบ หญอ เญย กู้งว์า
เยียม ฒี่ง เญย จาย-ห่อง ฮววน หมี่ อ๊ะ.
12เยียม ฒี่ง เญย จาย-ห่อง นิ่น บัว เม่ย มี่ง
ฮนั้ง หฒุ เซียง เญย เมี่ยน นอ.
ฝุเจว๊ย อ๊า ลั่ม ไต่, มา ฮล้อบ เจี๊ยน.
ฝุเจว๊ย หน่าย มา,
“หฮนาง เหธา อะหงุ่น ติ๊ว เยียม หาย?”
13โอ เยลูซาเลม อ้า! เยีย อ๋อย หฒุ ฮนั้ง หาย นอ ขวิน เม่ย?
อ๋อย หฒุ ต้อ หาย หญู่ง ต้าย เป๊ย เม่ย?
โอ สิโอน อ้า!
เยีย อ๋อย หฒุ หล่ง หาย หญู่ง เป๊ย เม่ย, หธีง ไฮ่ ออน เม่ย เญย เฮญี้ยว?
เหว่ย หฒุ เม่ย หฒุ เญย เหฒะ หน่าน เซ ด่ง ค้อย จั๊ง,
หาย เต้า ไฮ่ หฒ่อ ตุ๊ เม่ย หลง ฮนั้ง โล์ วั้ว นอ?
14เม่ย เญย โต่ว หว่า เมี่ยน ปวัด ไม้ เฒียน,
ไม้ ลั่ม หล่ง เญย หล่าว ย่าง สี่.
นิ่น บัว ไม้ ปุน เม่ย เญย ฒุ์ย ธ้วด แหฆ่ง,
เหว่ย ปุน เม่ย ตุ๊ หลง ฮนั้ง โล์.
ต๋าว หฑวน นิ่น บัว เหว่ย เม่ย ปวัด จ๊า หิ่น ย่าง เญย สี่,
ต้อ เม่ย มี่ง ต่อง เจ๊า.
15ตะฟ่าน เจี๋ย เจ๊า เญย เมี่ยน
ไบ๋ ปั์ว ฮว้วด เม่ย.
นิ่น บัว หูง เจี๊ยน เยลูซาเลม
จั๊ด หย่า หฮวัง มฆ้อง ก๊อง,
“เซ ต้ง น้าย นอม ฒี่ง เมี่ยน เห่ว เหฑว่ย เจี๋ย เญย ฒี่ง?
เซ น้าย นอม ฒี่ง ปุน ลู่ง เดี๊ย เญย หฒวัง เมี่ยน ตุ๊ เฌียน-โย่ว ไฟ?”
16เม่ย เญย วิน-วั้ง หมอง ฆอย ฑุ่ย ก๊อง เม่ย.
นิ่น บัว ฮว้วด แอ๋ง หงาด เจี๊ยน ญ่า ก๊อง,
“เยีย บัว นะ เม่ย น้าย นอม ฒี่ง อ๊า โล่ะ!
อา, น้าย เซ เยีย บัว ม่าย ลั่ม ฮนั้ม เญย ฮนอย.
อี้ หฒั่น เถา อ๊ะ. เยีย บัว เญย มฒีง ตุ๊ ปวัด อ๊ะ.”
17 เฒี้ยว เอย เจี๊ยน นิ่น ตี่ง อ๋อย โหฒว เญย โหฒว เหฒียง,
หฒิว นิ่น หัด เญย หว่า โหฒว.
เอย นิ่น แล์ง ต้าย เล่า เญย หว่า
นิ่น ป่าย หว่าย หย่า ไม้ ค้อ-เลี่ยน.
นิ่น ปุน วิน-วั้ง อะเฮน้ย เญย จั๊ด เม่ย,
หย่า ปุน เม่ย เญย วิน-จา ม่าย ชะ เฮ้น เจี๊ยน ฝาว.
18โอ สิโอน อ้า!
ปุน เม่ย เญย ฒี่ง หลาด เห่ว เจี๊ยน โท้ เฒี้ยว.
ปุน เม่ย เญย ววม-เหมว่ย เฒี่ยง ฮนอย เฒี่ยง ม์วน
เหลี่ยว เหฌี่ย ฮนั้ง โด๊ะ นอ.
ไม้ ตู๋ง ปุน เม่ย เญย มฒีง ฮิด.
อ๋อย หฒุ ไม้ ตี้ง เลี่ยว เญย เญี้ยม เจี๊ยน มี่ง.
19ลู่ง ม์วน หฒั่น, ทิ้ว เซี้ยว แกง เมี่ยน เญย เฒี่ยง โห่,
อ๋อย หฒุ เจี์ย ซิน ต้าย เห่ว ธ้วด บุย เญย.
เยียม เฒี้ยว เญย หฑะเฮมียน
ก๊อง เหฑ่ง เยียม เฮญี้ยว เญย สี่ ฮนั้ง โต๋ ววม ธ้วด นอ.
ซูง เจี๊ยน ปั์ว โท้ เฒี้ยว เถง
เหฌียว เม่ย เญย ฝุเจว๊ย เญย แหม่ง.
เซ เยียม ติ้วๆ จาย-ห่อง เญย เจ๊า-คู้,
นิ่น บัว หลาย เฮญี้ยว เซีย ฮววน มี่ง.
20โอ เฒี้ยว อ่า, ฮนั้ม หมั่ง ก๋า!
เม่ย ฮนั้ง น้าย นอ โหฒว ปุน หาย เต้า?
มเซียะ ตอน ฝู่ง อ๋อย หฒุ หญั่น กั้น ยู์ง เญย ฝุเจว๊ย,
เซ หญั่น นิ่น บัว โก๋ว เญย กู้งว์า?
ไซ เมี่ยน เหธา โต่ว หว่า เมี่ยน
หอบ หฒุ เยียม เฒี้ยว เญย สีง ติ่น หฒุ ไต๋ ไต่ ไฟ?
21เมี่ยน หลุน เมี่ยน เหธา เมี่ยน โก๋ เมี่ยน
เปว๋ย วั้ว จาย-ห่อง เญย เนีย-บูง.
เยีย เญย โฮ่ว แซง เหธา เซียะ-ตอน
หฒุ หฑุ ด๊าว ไต๋.
เม่ย เฉีย เจี์ย เญย ฮนอย เม่ย ไต๋ นิ่น บัว,
ไต๋ หย่า ไม้ ค้อ-เลี่ยน.
22เม่ย เห่ว เว่ย ก๋อม เยีย เปยย ปูง, ต้ง เยีย กั้ม เหฑีย เญย เมี่ยน ต้าย แฮะ เยีย
ฮนั้ง เห่ว ต้าย เจี๋ย ฒิบ นอ.
เฒี้ยว เฉีย เจี์ย เญย ฮนอย
ไม้ ม่าย เหยียด เต้า เปย๋า ตุ๊ ดุ๊ด ไฟ ธ้วด สีง แหม่ง.
เยีย โก๋ว หย่า ต้อ โฮล เญย ฝุเจว๊ย,
เยีย เญย วิน-วั้ง ไต๋ เหฑ่ง หมี่ อ๊ะ.
Currently Selected:
หน่าน ฒี่ง ฑูง 2: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
