หน่าน ฒี่ง ฑูง 3
3
หฒุ โค้ว มป่า หธ่อ ม่าย ลั่ม ฮนั้ม ต๋อง#3 ตะฟาม ฒาง เหยียด โต่ว เหยียด โต่ว หล่ง ฮิบลู หว่า เญย เหยียด นอม เจี๋ย เหยียด นอม หฑั่ง-หม่า โหฒว หฑั่ง-กอน. เยียม เหยียด โต่ว กะญั์ว เหยียด เหยี่ยม เหยียด เหยี่ยม ฟี่ ฮนั้ง เญย.
1เยีย เซ เหยียด เต้า หฒุ เจี๋ย โค้ว หน่าน เญย เมี่ยน,
เซ หฒุ ทิน-ฮู่ง เฉีย เจี์ย เบ๊าะ.
2นิ่น หฒุ่น เยีย มี่ง หย่า ปุน เยีย
ยั่ง หฮมวัง เญย ต๋อง, ไม้ ม่าย ฌัง.
3นิ่น ฒู้ง เฒี่ยง ฮนอย เบ๊าะ เยีย
เหยียด หฑุ่น เจี๋ย เหยียด หฑุ่น หย่า ไม้ ค้อ-เลี่ยน.
4นิ่น ปุน เยีย เญย ด๊บ เหธา อ๊อ โซะ
หย่า ว้วด เยีย เญย บู๊ง เน้า.
5นิ่น ปุน เยีย หฒุ โค้ว ไห่ เญย หน่าน ฒี่ง
เว่ย เจี๊ยน เยีย ฮนั้ง หลาด นอ.
6นิ่น ห่อย เยีย เยียม หฮมวัง เญย ต๋อง
ฮนั้ง ไต่ มี่ง เล่า เญย เมี่ยน นอ.
7นิ่น โหฒว หลาด เว่ย เจี๊ยน เยีย, ปุน เยีย เปย๋า ไม้ ดุ๊ด.
นิ่น หล่ง หลิ่ม เฮนี้ย เญย โด้ เจี๊ยน เยีย.
8ไม้ กุ๊น เยีย เห่ว เจี๊ยน โท้ เถง,
นิ่น ไม้ หมวัง เยีย เต๋า เก๋า เญย หว่า.
9นิ่น หล่ง หฒุ ต้าย เญย หละเปย๊ย ตั๊ง เจี๊ยน เยีย เญย เจ๊า,
หย่า ปุน เยีย เญย เจ๊า ฌ้วด มี่ง.
10นิ่น เซ ฮนั้ง เต้า เจี๊ยบ ฒั้ว เจี๊ยน แมะ เยีย,
หย่า ฮนั้ง เซี่ยน ปี๋ง เจี๊ยน เยียม เบว์ย เญย ต๋อง.
11นิ่น ทอ เยีย ธ้วด เยีย เญย เจ๊า หย่า เป๊ด เยีย เป๋น เหฒีย เต๋ย เหฒีย เต๋ย,
ปุน เยีย หฒุ กวั่ง ฮวาง.
12นิ่น แปง นิ่น เญย จวัง-หฒิน,
เฒาะ เยีย เป๋น แบะ หฒุ นิ่น เญย ฟอง ป๊วน.
13นิ่น แปง ฟอง เยียม นิ่น เญย ฟอง-ด้ง ธ้วด,
ป๊วน เปียะ เยีย เญย เฮญี้ยว กะญั์ว.
14เยีย เป๋น หฒวัง ฝีง เมี่ยน#3:14 ไฟ “เยีย เญย จวั่ง ฝีง เมี่ยน”. จั๊ด เญย กะน้าย,
นิ่น บัว เฒี่ยง ฮนอย เฒาะ เยีย เป๋น ฑูง ป๋าว.
15นิ่น ปุน เยีย หฒุ โค้ว หน่าน ฮนั้ง หญั่น อิม เญย กะน้าย เป๊ว,
ปุน เยีย โค้ว เถา เดี๊ย ฮนั้ง ฮบ ยั่ง เม์ว หฒูง.
16นิ่น หล่ง หละเปย๊ย ปุน เยีย เญย ญ่า เน้า,#3:16 ไฟ “นิ่น ปุน เยีย เญย ญ่า หฑิ่ว หละเปย๊ย...”
ปุน เยีย กั้ม เหฑีย เจี๊ยน บ๊าบ เหฌี่ย ซ้าย-ดุย.
17เยีย เญย เฮญี้ยว ไม้ ม่าย เหยียด เต๋ย แป้ง ออน,
เยีย ฒู้ง หละคุ ออน-เหลาะ เญย เจ๊า ฮนั้ง หาย นอ.
18เยีย ฯฒฯ ก๊อง, “เยีย เญย ชะ#3:18 ฟาน หฒะ ก๊อง ฌัง-หล่าง. หฒิด เหฑ่ง.
เยีย เขา เฒี้ยว ม่าย ลั่ม ฮนั้ม เญย หย่า ไม้ ม่าย อ๊ะ.”
19โท้ จั๋ง เยีย หฒุ โค้ว เหธา เยีย หฒุ เญย หน่าน ฒี่ง,#3:19 น้าย โจ๋ว ฮิบลู หว่า เญย เอ๋ย เล์ย เซ โย่ว เจี๊ยน มี่ง.
ฮนั้ง ยั่ง เม์ว เหธา เจี๊ยบ-ต๊าม อิม.
20เยีย เญย เฮญี้ยว หฒั่นๆ จั๋ง เจี๊ยน,
เยีย เญย เฮญี้ยว หย่า เฑ่า เจี๊ยน เยียม.
21มป่า เยีย จั๋ง หฒุ น้าย เต๋ย สี่,
เยีย ฯฒฯ ม่าย ลั่ม ฮนั้ม ต๋อง.
22 เฒี้ยว ไม้ ตี้ง เลี่ยว เหฒียบ ฒัวะ เญย ฮนั้ม เมี่ยน.
นิ่น ค้อ-เลี่ยน เมี่ยน เญย เฮญี้ยว เหยียด ลิ์ว ไม้ ตั๋ง.
23ดอมๆ ฒู้ง เซียง เญย.
เม่ย หฒะเก้ง! เหฒียบ ฒัวะ ไห่.
24เยีย เญย เฮญี้ยว ก๊อง, “เฒี้ยว เซ เยีย เญย ป่วน.
เหว่ย น้าย เยีย เขา นิ่น ม่าย ลั่ม ฮนั้ม.”
25 เฒี้ยว โหฒว หลง ปุน เขา#3:25 ฮิบลู หว่า ก๊อง ฒั้ว. ม่าย โซว ธั้ม เญย ฟาน ต้าย ก๊อง เขา. นิ่น,
ม่าย เฮญี้ยว ล์อ นิ่น วั้ว เต๋ย เมี่ยน.
26เมี่ยน เซ้ก เหฑียะ เญย ฒั้ว เจี๊ยน
เฒี้ยว เญย เหฌียว เอน เซ หลง ไห่.
27เมี่ยน หฮญัง-เจ๊ย หลุน เญย เฒี่ยง โห่
โหะ หลิ่น ม่าย หน่อย#3:27 ฮิบลู หว่า ก๊อง ก์า เดี๋ยง-ก์า. เซ หลง เญย.
28นิ่น หฒุ โค้ว หน่าน#3:28 ฮิบลู หว่า ก๊อง หฒุ ก์า เดี๋ยง-ก์า. เญย เฒี่ยง โห่,
ปุน นิ่น กั้น ดุ เต้า เฒว์ย เจี๊ยน เซ้กๆ เญย เยียม วั้ว.
29ปุน นิ่น โด๊ะ มฆ้อง เหญี่ยม กั้น โหฒว ไฝ,#3:29 ฮิบลู หว่า ก๊อง ฒม เนีย-บูง.
เหฑีย หธ่อ ม่าย ลั่ม ฮนั้ม.
30ปุน นิ่น ฮวิน เฮมียน เซว่ย เมี่ยน ไบ๋,
ปุน นิ่น หฒุ เตี๊ย ไญ้ เถา ต้าว.
31เหว่ย หฒุ เฒี้ยว ไม้ เหยียด ลิ์ว กวั่ง เมี่ยน.
32ไม้ กุ๊น เฒี้ยว ปุน เมี่ยน หฒุ เฑ่า,
หฒิว นิ่น เหฒียบ ฒัวะ เญย ฮนั้ม เมี่ยน,
นิ่น ฒู้ง อ๋อย ค้อ-เลี่ยน.
33เหว่ย หฒุ นิ่น ไม้ เฒ์ย อะเฮน้ย ปุน เมี่ยน
หฒุ โค้ว ไฟ หฒุ เฑ่า เญย สี่.
34ลู่ง เดี๊ย เหยียด ฒู้ง หววน โล่ เญย เมี่ยน
หฒุ ธ้าย เหฌี่ย เหฒา-เดี๊ย,
35ไฟ ตอง เจี๊ยน เยียม ฮลัง เจี๋ย วั้ว เต้า เญย หฑะเฮมียน,
เมี่ยน ไม้ ตุ๊ หอบ หฒุ ตุ๊ เญย เล์ย,
36ไฟ เยียม สี่-ต้อง ตุ๋น สี่ ไม้ หฒีง,
เฒี้ยว ไม้ หอบ เฮญี้ยว อ๊ะ.
37ธ้วด ลิ์ว เฒี้ยว ตี่ง,
หาย เต้า ก๊อง หาย หญู่ง ฯฒฯ ธ้วด ฮนั้ง วั้ว หญู่ง ไฟ?
38หลง เญย เหธา เธี้ยว เญย ไม้ เฒ์ย เยียม
ฮลัง เจี๋ย วั้ว เต้า เญย ฑุ่ย ธ้วด ไฟ?
39เฒี่ยง เจี๊ยน เญย ป้าม เมี่ยน
เหว่ย กั้น โหฒว เญย สี่ หฒุ ตี่ง ฒุ์ย
ฝู่ง อ๋อย หฒุ งบ?
40บัว อ๋อย หฒุ ฒ่า หมั่ง หย่า เสย บัว โหฒว เญย เจ๊า
แอ๋ง หฑวน ต้าย ล์อ เฒี้ยว.
41บัว อ๋อย หฒุ คอย ฆอย เฮญี้ยว, ซูง เจี๊ยน ปั์ว
หูง เจี๊ยน เยียม ลู่ง หฒั่ง เญย ทิน-ฮู่ง เต๋า เก๋า.
42“เยีย บัว ป์าม ฒุ์ย แหง่ง เม่ย,
เม่ย ฒู้ง ไม้ กวั่ง เยีย บัว เญย ฒุ์ย.
43“เม่ย หฒะเก้ง เฉีย เจี์ย เจี๊ยน หฒุ่น เยีย บัว,
เม่ย ไต๋ เยีย บัว หย่า ไม้ ค้อ-เลี่ยน.
44เม่ย หล่ง บ๋วน-เจี๊ยะ อม เจี๊ยน กั้น,
ปุน เยีย บัว เต๋า เก๋า เญย หว่า ฝาว ไม้ ทง.
45เม่ย ปุน เยีย บัว หฒุ เยียม หม่าน ฝีง บุด๋ง,
เป๋น หละฟับ เหธา กวั่ง เญย กะน้าย.
46“เยีย บัว เญย เหยียด ฒู้ง วิน-วั้ง,
หมอง ฆอย นิ่น บัว เญย ฑุ่ย ก๊อง เยีย บัว.
47เยีย บัว หฒุ แฮะ กั้ม เหฑีย, หฒุ ด๊อด เหฌี่ย แฒง เมี่ยน เญย ค้วด,
หฒุ ป่าย, หฒุ เหมียด.”
48เยีย เญย มฒีง เหลี่ยว ววม-เหมว่ย ฮนั้ง โด๊ะ นอ,
หลาย เยีย เญย จวั่ง ฝีง เมี่ยน หฒุ เหมียด.
49เยีย เญย มฒีง หฒั่นๆ เหลี่ยว ววม-เหมว่ย,
ไม้ ม่าย เฒี่ยง โห่ ตี้ง,
50ฒั้ว เจี๊ยน เฒี้ยว เยียม กู้ หงว่าย ลู่ง
หมั่ง เหฌี่ย ฯฒฯ ปวัด.
51เยีย ปวัด เยีย เญย ป๊วน-ฒี่ง เญย หฒวัง มเซียะ ตอน#3:51 ม่าย เต๋ย โซว ก๊อง เซียะ, ม่าย เต๋ย ก๊อง เมี่ยน. ปวั้ง เญย สี่,
เยีย ไฮ์ เฮญี้ยว มุน ไห่.
52โหฒว เยีย เญย วิน-วั้ง หย่า ไม้ ม่าย กอน-แป๋ง วั้ว เต๋ย,
ชะ หฒุ่น เยีย ฮนั้ง หฒุ่น เหนาะ นอ.
53นิ่น บัว เฒาะ เยีย เลี่ยม นั่ง ฒอย เหฌี่ย ค้วด,
แอ๋ง เฒาะ หละเปย๊ย ฒอย เหฌี่ย งัด เจี๊ยน เยีย.#3:53 ไฟ “หล่ง หละเปย๊ย ปวัง เจี๊ยน ค้วด-ฑุ่ย”.
54ววม เหยียม เจี๋ย เยีย เญย มฆ้อง.
เยีย ก๊อง, “เยีย ไต่ อ๊า โล่ะ!”
55โอ เฒี้ยว อ่า, เยีย เยียม ค้วด
โด เญย ต๋อง เห่ว เม่ย เญย บั๋ว.
56เม่ย ไฮ์ เยีย โจ้ว เญย เฉีย,
“โท้ ไม้ ตู๋ง ปวัง มน่อม ไม้ หมวัง
เยีย เห่ว เจี๊ยน โท้ เม่ย เถง เญย หว่า.”
57เยีย เห่ว เม่ย วั้ว หฒั่น เม่ย ต้าย นิด ฟัด เยีย.
เม่ย ก๊อง, “ไม้ ตู๋ง กั้ม เหฑีย.”
58โอ เฒี้ยว อ่า, เม่ย ฒู้ง ต้าย เถง เยีย แหธง สี่,
หย่า หฒัวะ เยีย เญย แหม่ง.
59โอ เฒี้ยว อ่า, เม่ย ปวัด ลิ์ว
เยีย หฒุ เมี่ยน โหฒว ต่อง เยีย เญย สี่.
โท้ เถง เซี้ยม ตี่ง เยีย ไม้ ม่าย ฒุ์ย.
60เม่ย ปวัด วิน-วั้ง ม่าย เฮญี้ยว อ๋อย จ๊าว วิน ปุน เยีย,#3:60 ไฟ ด่ง หาย ฑอง เยีย.
หย่า ฮิ้ว ตุ๊ นิ่น บัว ต๊า ต้าย ห่อย เยีย เญย เหยียด ฒู้ง หฒะเอ๋ย.
61โอ เฒี้ยว อ่า, เม่ย ไฮ์ นิ่น บัว ฮว้วด เยีย เญย หว่า,
หย่า ไฮ์ นิ่น บัว ต๊า ต้าย ห่อย เยีย เญย เหยียด ฒู้ง หฒะเอ๋ย.
62อ๋อย ห่อย เยีย วั้ว เต๋ย เมี่ยน เญย ฑุ่ย ก๊อง เญย หว่า
เหธา นิ่น บัว ฮนั้ม ธ้วด เญย เจ๊า,
เฒี่ยง ฮนอย เหธา เยีย ต๋อย-เตก.
63หมั่ง ม่าะ! ไม้ กุ๊น นิ่น บัว เฒว์ย ไฟ เจี์ย ซิน,
นิ่น บัว ต้อ เยีย โหฒว ฑูง ป๋าว.
64โอ เฒี้ยว อ่า, เม่ย อ๋อย หฒิว นิ่น บัว เญย ปั์ว โหฒว เญย กง
วิ่น ปุน นิ่น บัว.
65เม่ย อ๋อย ปุน นิ่น บัว เญย เฮญี้ยว แหง่ง,
ปุน นิ่น บัว หฒุ เม่ย เหฒียว.
66โอ เฒี้ยว อ่า, เม่ย อ๋อย เฉีย เจี์ย เจี๊ยน หฒุ่น นิ่น บัว,
ไม้ ปุน นิ่น บัว เยียม เม่ย เญย ลู่ง เดี๊ย.
Currently Selected:
หน่าน ฒี่ง ฑูง 3: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
