โย้บ 4
4
ตะเยี้ยด คัง หน่าย ตาบ เญย หว่า
(โย้บ 4:1—14:22)
เอลีฟัด ก๊อง ตะเยี้ยด หฑุ่น หว่า
โย้บ อ๋อย หฒุ ม่าย ลั่ม ฮนั้ม
1เทมาน เมี่ยน, เอลีฟัด, ฯฒฯ เตา,
2“สี ก๊อง เมี่ยน เหธา เม่ย ก๊อง โจ๋ว หว่า, เม่ย เตี๊ย ตุ๊ เญย ไฟ?
มป่า หาย เต้า ไฮ่ เญี์ยน เจี๊ยน ไม้ ก๊อง?
3ฮนั้ม หมั่ง ก๋า เม่ย กั้น หฌาว เมี่ยน ธั้ม,
หย่า เถง เมา เญย ปั์ว เฮ้น เจี์ย ต้าย.
4เม่ย เญย หว่า ป๊า เจี๊ยน ดิ๊ หฒุ ดอบ เญย เมี่ยน,
เม่ย หย่า เถง เมา เญย ธี่ง เบาะ เฮ้น เจี์ย ต้าย.
5มป่า อี้ หฒั่น เหฒะ หน่าน เถา เม่ย, เม่ย ฯฒฯ ไม้ ม่าย หน่อย,
เหฒะ หน่าน หฒุ เม่ย, เม่ย ฯฒฯ เฮญี้ยว เมา อ๊ะ.
6เม่ย ท่าย ทิน-ฮู่ง ฯฒฯ ปุน เม่ย ม่าย ลั่ม เขา ไม้ เฒ์ย?
เม่ย โหฒว เญย สี่ ไม้ ม่าย ต๋อง เฆ่ม,
ฯฒฯ ปุน เม่ย ม่าย ลั่ม ฮนั้ม ไม้ เฒ์ย?
ทิน-ฮู่ง ไม้ ปุน คู้ เมี่ยน หฒุ เสี่ยว โค้ว
7“ฮนั้ม หมั่ง ก๋า! ไม้ โหฒว ต่อง เญย เมี่ยน ม่าย หาย เต้า หฒุ เหมียด เจี๋ย เญย ไฟ?
ม่าย หาย เต้า เฮญี้ยว หฒีง เญย เมี่ยน หฒุ ไพ กวั่ง?
8เยีย ปวัด เจี๋ย, โหฒว เอ๊าะ #4:8 ฟาน หฒะ ฮิบลู หว่า ก๊อง ไล่ เอ๊าะ สี่.
ฮ์า หว่าย สี่ เญย ญิม#4:8 ไฟ หละเญ้า สี่ เญย ญิม. เญย เมี่ยน,
ฯฒฯ ฮนั้ง วั้ว นอ เซียว.
9ทิน-ฮู่ง ปย๊ม เฉีย ปุน นิ่น บัว หฒุ เหมียด,
นิ่น เญย กะเฉีย แป๊ด ธ้วด ปุน นิ่น บัว หฒุด เหฑ่ง.
10เซี่ยน เห่ว เญย เฉีย เหธา เซี่ยน เธี้ยว เญย เฉีย เซ้ก,
เซี่ยน หลุน เญย ญ่า หฒุ เน้า.
11เซี่ยน เฮ้น ไม้ ม่าย กะน้าย เฒาะ หญั่น ฯฒฯ ไต่ หมี่ อ๊ะ.
เซี่ยน เญ์ย เญย ตอน หย่า หฒุ หฑาน เหฑ่ง.
เอลีฟัด ปวัด หล่าว ย่าง เญย สี่
12“ม่าย โจ๋ว หว่า เซ้กๆ เญย เถา เยีย,
เยีย เญย มน่อม ไฮ์ น้าย เต๋ย หว่า-ซับ,
13ต๋อย เยีย ลู่ง ม์วน หฒั่น มฌ่อม โด เญย เฒี่ยง โห่,
เบ๋ยๆ ไม้ เป๋น, ฮนั้ม น้าย ฮนั้ม วั้ว,#โย้บ 33:15
14แฮะ เยีย กั้ม เหฑีย, ซิน หฒิน,
ปุน เยีย เฒี่ยง ซิน ญั่นๆ เญย.#4:14 ฟาน หฒะ ก๊อง “ปุน เยีย เญย เหยียด ฒู้ง บู๊ง ต์ง เหฑ่ง”.
15ม่าย กอง หฑยาว#4:15 ไฟ ม่าย นอม ว่วน. หฒุ เยีย เญย เฮมียน,
เยีย เญย ซิน-เปยย เจี์ย เหฑ่ง.
16หฑยาว ตี้ง หย่า ม่าย หญู่ง เยียม วั้ว,
มป่า เยีย หมั่ง ไม้ ธ้วด นิ่น เญย ฝัง เฒ้ย.
เยีย เญย มฒีง ปวัด หญู่ง กะน้าย เญย ฝัง,
เซ้ก เหฑียะ เญย. ฆะฮ้า เยีย ไฮ์ เฉีย ก๊อง,
17‘ป้าม เมี่ยน ไฮ่ เยียม ทิน-ฮู่ง เญย หฑะเฮมียน แป้ง ฟิม เญย ไฟ?#4:17 ไฟ “ไฮ่ เก้า แป้ง ฟิม ทิน-ฮู่ง ไฟ?”
ป้าม เมี่ยน ไฮ่ เยียม เหฒย นิ่น ต้าย วั้ว เต้า เญย หฑะเฮมียน ธีง-เหฑ่ง เญย ไฟ?#4:17 ไฟ “ไฮ่ เก้า ธีง-เหฑ่ง เหฒย นิ่น ต้าย วั้ว เต้า ไฟ?”
18ทิน-ฮู่ง ฒู้ง ไม้ ปู๋ง เฮญี้ยว นิ่น เญย โปว,
หย่า โก๋ นิ่น เญย ฟิน-เมี่ยน โหฒว ต่อง,
19ฮนั้ง หน่าย นิ่น เก้า ไม้ ปู๋ง เฮญี้ยว
หล่ง เนีย โหฒว ต้าย เญย ป้าม เมี่ยน,#4:19 ฮิบลู หว่า ก๊อง “เยียม หล่ง เนีย โหฒว ต้าย เญย เปย๊า.” มป่า เอ๋ย เล์ย เซ ป้าม เมี่ยน เญย ซิน.
เซ ม่าย เนีย-บูง โหฒว กอน-โด๊ะ
หย่า ไฮ่ หฒุ เหมียด ฮนั้ง แปะ เหยียะ.
20เยียม ลู่ง ดอม เถา ลู่ง หฮมวัง บุด๋ง นิ่น บัว หฒุ เหมียด,
เหยียด ลิ์ว ไม้ ม่าย หาย เต้า หลิ่ว เล์ย.
21สี ก๊อง เยียม นิ่น บัว เญย ด๊บ-ลิ่ว กะญั์ว เญย ฮลาง หฒุ แปง ธ้วด,
นิ่น บัว ฯฒฯ ไม้ ไต่
หย่า ไม้ ม่าย ธง-เม่ง ไฟ?’
Currently Selected:
โย้บ 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
