โย้บ 5
5
เอลีฟัด ก๊อง โย้บ กั้น โหฒว ต่อง
1“โย้บ อ้า! อี้ หฒั่น กุ๊น เห่ว ม่าะ!
ม่าย หาย เต้า เตา เม่ย?
เม่ย ไฮ่ ล์อ หาย เต้า ฟิน-เมี่ยน เถง?
2เฉีย เจี์ย เญย เจ๊า ไฮ่ ไต๋ ไต่ หฮงง เญย เมี่ยน,
เหมว่ย เจี๊ยะ เญย สี่ หย่า ไต๋ ไต่ ฮนั้ม ไม้ ฮิ้ว หาย หญู่ง เญย เมี่ยน.
3เยีย ปวัด หฮงง เญย เมี่ยน เหลียบ ว้วน ฮนั้ง เหฌี่ย ฑู่ง นอ,
มป่า เยีย เลี่ยม เฒ่ย เหฒียว นิ่น เยียม เญย ต๋อง.
4นิ่น เญย ตอน เซียะ ล์อ ไม้ ตุ๊ แป้ง ออน เญย ต๋อง,
เยียม ฒี่ง แก้ง ด่าง นิ่น บัว หฒุ เหฒย,
หย่า ไม้ ม่าย หาย เต้า เหฌียว.
5นิ่น เซียว เญย แกง-หฒวัง หฒุ เฮญี้ยว เซีย เญย เมี่ยน หญั่น,
เลี่ยม เฒี่ยง เจี๊ยน ฌิ้ม กะญั์ว หย่า เฒาะ เหฑ่ง.
หง่อ ฆ้าด เญย เมี่ยน ฮู่งๆ แฮๆ เญย อ๋อย ตุ๊ นิ่น เญย ฒิ่น ฒ่อย.
6เหฒะ หน่าน ไม้ เฒ์ย เยียม เนีย-บูง ธ้วด,
ขวน น่าน ไม้ เฒ์ย เยียม เดา-เดี๊ย ปุ๊ด ธ้วด ต้าย.
7มป่า เมี่ยน ธ้วด เสย ฒู้ง หฒุ ปวั้ง ขวน น่าน
ฮนั้ง โต์ว-ฟีง#5:7 ไฟ เหนาะ. ได๋ ฝาว.
เอลีฟัด ขวิน โย้บ เฒาะ นิ่น เญย สี่ บั๋ว ทิน-ฮู่ง
8“สี ก๊อง เยีย นอ, เยีย อ๋อย ล์อ ทิน-ฮู่ง,
อ๋อย เฒาะ เยีย เญย สี่ จิว ปุน นิ่น.
9นิ่น โหฒว โฮล เญย สี่ ฒู้ง ฮนั้ม ไม้ หฒ่าย,
หย่า โหฒว บัวะ ฮ่อง เญย สี่ ฒู้ง ซ้าว ไม้ ฮี่ง.
10นิ่น ปุน บยู่ง เหฌี่ย เดา-เป้ย,
ปุน ววม ยู์ง เหลียง-เด่ย.
11นิ่น เฒาะ โหฒว ไฝ เญย เมี่ยน โป้ว ฝาว ฮลัง,
หย่า ปุน เฑ่า เญี้ยม เญย เมี่ยน ตุ๊ เยียม หลง.
12นิ่น ผอ หว่าย กู๊ ไกว๋ เมี่ยน ต๊า เญย หฒะเอ๋ย,
นิ่น บัว เญย ปั์ว ฯฒฯ โหฒว ไม้ ธ้วด หาย หญู่ง.
13นิ่น ปุน ธง-เม่ง เมี่ยน หฒุ นิ่น บัว กั้น เญย หฒะเอ๋ย ฮลบ นิ่น บัว,
หย่า ปุน กู๊ ไกว๋ เมี่ยน เญย หฒะเอ๋ย เซี้ยบๆ เญย หฒุ เหมียด.#1 โคลินโท 3:19
14เยียม ลู่ง ฮนอย หฒั่น นิ่น บัว ปวั้ง หฒุ หฮมวัง,
ลู่ง อ๋าน หฒั่น หฮวา น้าย หฮวา วั้ว ฮนั้ง ลู่ง ม์วน หฒั่น นอ.
15มป่า ทิน-ฮู่ง เหฌียว เมี่ยน จ่ม เมี่ยน เปย๋า ดุ๊ด, ไม้ หฒุ เมี่ยน เหฒย.#5:15 น้าย โจ๋ว ฮิบลู หว่า เซ ไม้ หนั่ง เม่ง. ฟาน หฒะ ก๊อง “เปย๋า ดุ๊ด เยียม นิ่น บัว เญย ฑุ่ย เญย หฑุ ด๊าว”.
ปุน ตั๋ง-ต๋น เญย เมี่ยน เปย๋า ดุ๊ด เมี่ยน เฮ้น เมี่ยน เญย ปั์ว.
16ฮนั้ง หน่าย เมี่ยน จ่ม เมี่ยน ม่าย ลั่ม ฮนั้ม ต๋อง,
ไม้ แป้ง ฟิม เญย เมี่ยน หย่า หฆับ เจี๊ยน ฑุ่ย.
เอลีฟัด บั๋ว โย้บ, ทิน-ฮู่ง อ๋อย ปุน นิ่น ฮนั้ง โล์ นอ
17“ทิน-ฮู่ง ก๊อง-หฌาว เญย เมี่ยน ม่าย ออน-เหลาะ.
เหว่ย น้าย ไม้ ตู๋ง หมั่ง เผีย เน่น เจี๋ย วั้ว เต้า#5:17 ฮิบลู หว่า ก๊อง ซัดได. เบ๊าะ หฌาว#ธง-เม่ง หว่า 3:11-12; ฮิบลู 12:5-6
18เหว่ย หฒุ ทิน-ฮู่ง ปุน หฒุ มุน, มป่า นิ่น เปว เจี๊ยน,
นิ่น เบ๊าะ, มป่า นิ่น เญย ปั์ว หฒ่อ หลง.#โฮเซยา 6:1
19นิ่น อ๋อย เหฌียว เม่ย เปย๋า ดุ๊ด จุ๊ หฑุ่น เหฒะ หน่าน,
เถา เสี่ย หฑุ่น เหฒะ หน่าน, ไม้ ม่าย หาย หญู่ง ห่อย เม่ย.
20หง่อ หฮนาง เญย เฒี่ยง โห่, นิ่น เหฌียว เม่ย เปย๋า ดุ๊ด, ไม้ หฒุ ไต่.
เบ๊าะ จ๋า เญย เฒี่ยง โห่ นิ่น เหฌียว เปย๋า ดุ๊ด หฑุ ด๊าว เญย ชะ.
21นิ่น เปว เจี๊ยน เม่ย, ไม้ ปุน หฒุ ก๊อง หว่า-ฮู้ เญย เมี่ยน ห่อย.
หฒุ เหมียด เญย เฒี่ยง โห่ เถา, เม่ย หย่า ไม้ กั้ม เหฑีย.
22เม่ย ปวั้ง หฒุ เหมียด เญย สี่ เหธา หง่อ หฮนาง เม่ย ฯฒฯ คู่ จั๊ด.
เม่ย หย่า ไม้ กั้ม เหฑีย เดา-เป้ย เญย เฮยี่ย ฒ่อย.
23เหว่ย หฒุ เม่ย โหฒว เญย เด่ย ฒู้ง ไม้ ม่าย หละเปย๊ย,#5:23 ฟาน หฒะ ฮิบลู หว่า ก๊อง “เม่ย เหธา ลี่ง เต่ย เหลียบ แหง่ง หว่า”.
เยียม เด่ย เญย เฮยี่ย ฒ่อย หย่า อ๋อย เหธา เม่ย หอบ.
24เม่ย ฯฒฯ ฮิ้ว ตุ๊ เม่ย เญย ด๊บ-ลิ่ว เยียม หลง เญย.
เม่ย ฒ่า หมั่ง เม่ย เญย ปะกี ยู่ง ล่าน หย่า ปวัด ไม้ ธา หาย หญู่ง.
25เม่ย ฒู้ง อ๋อย ฮิ้ว ตุ๊ เม่ย เญย ฟุน-ฟะ อ๋อย หฮยาง ธั้ม,
เม่ย เญย เฒ้ย-ฟุน หย่า ด่ง เดา-เป้ย เญย เมี้ย.
26เม่ย เญย เสี่ยว ญ่วน ด๊าว, หฮญัง-เจ๊ย โก๋ เม่ย หธีง เถา โฒ้ว,
ฮนั้ง เบย้า เฒ้ย เถา เฒี่ยง โห่ เซียว.”
27“น้าย เต๋ย เหยียด ฒู้ง เยีย บัว หลงๆ เญย ฒ่า หมั่ง ลิ์ว อ๊ะ.
หมวัง ม่าะ! อ๋อย หฒุ ฮิ้ว ตุ๊ เซ เหว่ย เถง เม่ย ตุ๊ หลง.”
Currently Selected:
โย้บ 5: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
