โย้บ 36
36
เอลีฮู ก๊อง ฆะฮ้า ลาย วั้ว หฑุ่น หว่า
เอลีฮู เหว่ย ทิน-ฮู่ง ก๊อง
1เอลีฮู แอ๋ง หฑิบ เจี๊ยน ก๊อง,
2“โท้ แอ๋ง เตี๊ย เจี๊ยน หมวัง เยีย ก๊อง ติ๊ เตียน, เยีย ฯฒฯ ปุน เม่ย ฮิ้ว,
เหว่ย หฒุ เยีย หธ่อ ม่าย หว่า เถง ทิน-ฮู่ง ก๊อง.
3เยีย อ๋อย เฒาะ เยีย ฮิ้ว เญย เจ๊า เยียม โก เญย ต๋อง ต้าย,
เยีย อ๋อย ก๊อง เม่ง เหฒย เยีย ต้าย วั้ว เต้า เซ แป้ง ฟิม เญย.
4หฒะเก้ง เฒียน เญย, เยีย เญย หว่า ไม้ จ๊า,
ม่าย ว่วน ฒาง ตุ้น ยุ่น วั้ว เต้า เหธา เม่ย เยียม.
เอลีฮู ก๊อง ทิน-ฮู่ง ปุน โย้บ เสี่ยว โค้ว เหว่ย หฌาว นิ่น
5“ทิน-ฮู่ง เซ เฮ้น ไห่ หย่า ไม้ หมั่ง เผีย หาย เต้า,
ไม้ ม่าย หาย หญู่ง นิ่น ไม้ ฮิ้ว.
6นิ่น ไม้ ปุน เอ๊าะ เมี่ยน ตุ๊ เฒี่ยง เจี๊ยน,
มป่า นิ่น ปุน หฒุ โค้ว เญย เมี่ยน ตุ๊ แป้ง ฟิม.
7นิ่น หฒั่นๆ หมั่ง เจี๊ยน คู้ เมี่ยน,
เหลียบ นิ่น บัว เฒว์ย เหว่ย ฮนั้ง ฮู่ง เตี๋ย,
ปุน นิ่น บัว เหยียด ลิ์ว ตุ๊ เมี่ยน ท่าย.
8สี ก๊อง นิ่น บัว หฒุ หลิ่ม โด้ เจี๊ยน
หย่า หฒุ เสี่ยว โค้ว เญย ฮลาง เหฑ่น เจี๊ยน,
9ทิน-ฮู่ง ปุน นิ่น บัว ฮิ้ว ตุ๊ นิ่น บัว โหฒว เญย สี่, เหธา นิ่น บัว เญย ฒุ์ย,
เซ ปุน นิ่น บัว ฮิ้ว ตุ๊ นิ่น บัว โหฒว เหมา.
10นิ่น ปุน นิ่น บัว เญย มน่อม หมวัง ตุ๊ ไฮ์ นิ่น หฌาว เญย หว่า,
หย่า หัด นิ่น บัว กวั่ง ฆอย เอ๊าะ เญย เจ๊า.
11สี ก๊อง นิ่น บัว หมวัง ทิน-ฮู่ง หย่า ฟู-สู นิ่น,
นิ่น บัว ตุ๊ ปู๋ง-หฒัวะ เญย เฒี่ยง เจี๊ยน เยียม ปวั๊ง นิ่น บัว เญย ฮนอย-เหญียะ,
ตุ๊ ออน-เหลาะ เญย เยียม ปวั๊ง นิ่น บัว เญย หฮญัง-ต้าว.
12มป่า สี ก๊อง นิ่น บัว ไม้ หมวัง,
นิ่น บัว ฯฒฯ หฒุ หฑุ ด๊าว ไต๋,
นิ่น บัว ไต่ หย่า ไม้ ฮิ้ว หาย หญู่ง.
13“ไม้ ม่าย เฮญี้ยว ท่าย ทิน-ฮู่ง เญย เมี่ยน หฒั่นๆ เฉีย เจี์ย.
นิ่น บัว หฒุ ตี่ง ฒุ์ย,#36:13 ฮิบลู หว่า ก๊อง โด้. นิ่น บัว ไม้ เห่ว เจี๊ยน โท้ เถง.
14หลุน เญย เฒี่ยง โห่ นิ่น บัว ไต่ หมี่ อ๊ะ.
นิ่น บัว เญย เซ้ด เมว์ย เญย แหม่ง หฒุ ไญ้.#36:14 ฮิบลู หว่า ก๊อง “เหธา หม่าย ซิน เหว่ย หฒั่ง เหญี่ย เญย เฒี่ยน เญย เมี่ยน เยียม”.
15ทิน-ฮู่ง หล่ง เสี่ยว โค้ว เญย เจ๊า เหฌียว เสี่ยว โค้ว เญย เมี่ยน.
นิ่น หล่ง หฒุ เหฒย เญย สี่ คอย ฆอย นิ่น บัว เญย มน่อม.
เอลีฮู ขวิน โย้บ นิ่น หฒุ ตี่ง ฒุ์ย ผุย นิ่น โหฒว เญย เจ๊า
16“ทิน-ฮู่ง เยี์ยน เม่ย ธ้วด ขวน น่าน เญย เจ๊า,
ปุน เม่ย เยียม จั๊ง เญย ต๋อง, ไม้ ม่าย หาย หญู่ง ล่าน,
ปุน เบ่น เจี๊ยน ปวั๊ง เม่ย เญย เตี้ย วั้ว เต๋ย หญั่น ฮบ ม่าย คู้ เญย เหมวย โต่.
17มป่า เม่ย ฒู้ง หฒุ ตี่ง ฒุ์ย ฮนั้ง เอ๊าะ เมี่ยน,
เม่ย หย่า เปย๋า ไม้ ดุ๊ด
แป้ง ฟิม เญย หฒุ เซี้ยม ตี่ง ฒุ์ย เญย เจ๊า.
18ไฝ ฟิม โอ่. ไม้ ตู๋ง ปุน ฒิ่น ฒ่อย หยัวะ#36:18 ไฟ “ไม้ ตู๋ง ปุน เฉีย เจี์ย เญย เจ๊า ธัวะ...” เม่ย มี่ง ต่อง เจ๊า,
หย่า ไม้ ตู๋ง ปุน ญ่าน หฮมวัง ธั้ม ดั๊ว เม่ย มี่ง เพียน.
19เม่ย เห่ว เจี๊ยน โท้ เญย ไฮ่ เถง เม่ย เปย๋า ดุ๊ด โค้ว หน่าน ไฟ?
เม่ย กั้น เญย เหยียด ฒู้ง ชะ ไฮ่ เถง ตุ๊ เม่ย เญย ไฟ?
20ไม้ ตู๋ง ฮนั้ม อ๋อย ปวัด ลู่ง ม์วน หฒั่น เถา,
เซ หม่าน ฝีง เมี่ยน เยียม นิ่น บัว เญย ต๋อง หฒุ ไพ กวั่ง เญย เฒี่ยง โห่.
21ไฝ ฟิม, ไม้ ตู๋ง ฮวิน มี่ง ล์อ ฒุ์ย เญย เจ๊า,
เหว่ย หฒุ เม่ย กิ๊น ฒุ์ย เก้า ธั้ม กิ๊น หล่ง โค้ว หน่าน.
เอลีฮู โท้ โย้บ จั๋ง เจี๊ยน ทิน-ฮู่ง ด่ง หาย โฮล
22“จั๋ง เจี๊ยน ทิน-ฮู่ง เญย ชะ ด่ง หาย โฮล!
ไม้ ม่าย หาย เต้า โหฒว ฟิน-แซง ฮนั้ง นิ่น.
23หาย เต้า พ้าย ทิน-ฮู่ง โหฒว เญย เจ๊า?
หาย เต้า ไฮ่ ก๊อง บั๋ว นิ่น, ‘เม่ย โหฒว ไม้ หอบ’?
24เม่ย อ๋อย หฒุ จั๋ง เจี๊ยน เธง นิ่น โหฒว เญย สี่ เซ โฮล ไห่,
ต้ง เมี่ยน ป๋าว ฑูง เธง เญย สี่.
25หม่าน เมี่ยน ตุ๊ ปวัด นิ่น โหฒว เญย สี่,
ป้าม เมี่ยน เยียม โก เญย ต๋อง หมั่ง.
เอลีฮู ก๊อง ทิน-ฮู่ง เยียม ต้ม บยู่ง-หฑยาว โหฒว เญย สี่
26“ทิน-ฮู่ง หฒะเก้ง โฮล, บัว ฮิ้ว ไม้ เหฑ่ง.
บัว ไม้ ไฮ่ ฝุน ไม้ เถา นิ่น เญย หฮญัง-โสว.
27นิ่น แปง ววม-เดี๊ยบ ฝาว,
ปุน โหม่ว กั๊บ ฒุ้น เป๋น บยู่ง,
28ลู่ง ฯฒฯ ตุ้ย เหฌี่ย,
ธั้มๆ เญย ปุน หม่าน เมี่ยน.
29ม่าย หาย เต้า เม่ง แปะ บ๋วน ฮนั้ง หาย นอ มี่งๆ ต้ายๆ,
ไฟ เยียม ทิน-ฮู่ง เยียม เญย ต๋อง บะอง ฮนั้ง หาย นอ บุย?
30นิ่น ปุน บะหลี่ง ฟ้าด หฑาน หฒิว ก๋อม นิ่น กั้น,
หย่า ท้อง เจี๊ยน ค้อย-โด๊ะ.
31เหว่ย หฒุ นิ่น หล่ง น้าย เต๋ย เซี้ยม#36:31 ไฟ ยู์ง. หม่าน ฝีง,
หย่า เหธย ปู๋ง-หฒัวะ เญย ล่าง หฒิ ปุน นิ่น บัว.
32นิ่น หล่ง บะหลี่ง ปวัง เจี๊ยน นิ่น เญย ปั์ว,
หย่า หัด บะอง พิ นิ่น ตี่ง ต้าย เญย ต๋อง.
33บะอง บุย เญย เฉีย ปิ๋ว เม่ง นิ่น โหฒว เญย สี่,
แซง-คู้ หย่า ฮิ้ว ตุ๊ ต้ม บยู่ง-หฑยาว อ๋อย เถา.
Currently Selected:
โย้บ 36: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
