โย้บ 35
35
เอลีฮู ก๊อง ตะฟาม หฑุ่น หว่า
เอลีฮู แหง่ง เจี๊ยน โย้บ ก๊อง นิ่น ไม้ ต่อง วั้ว เต๋ย หว่า
1เอลีฮู แอ๋ง ก๊อง,
2“เม่ย ฮนั้ม ต้าย น้าย เซ แป้ง ฟิม เญย ไฟ?
เม่ย ก๊อง, ‘เยีย เก้า แป้ง ฟิม ทิน-ฮู่ง?’
3เม่ย หธีง ต้าย หน่าย ทิน-ฮู่ง, ‘เยีย ตุ๊ หาย หญู่ง หลง?
เยีย ไม้ ป์าม ฒุ์ย เยีย ตุ๊ หาย หญู่ง เก้า หลง ป์าม ฒุ์ย วั้ว เต๋ย?’
4“เยีย อ๋อย เตา เม่ย
หย่า เตา เหธา เม่ย เยียม เญย โล์-แกง ต่อย.
เอลีฮู ก๊อง โย้บ ป์าม ฒุ์ย ไม้ ห่อย ทิน-ฮู่ง, นิ่น ห่อย ป้าม เมี่ยน
5“เธา เฮมียน หมั่ง วั้ว ลู่ง!
หมั่ง เยียม เม่ย กู้ หงว่าย ฮลัง เญย บ๋วน.
6สี ก๊อง เม่ย ป์าม ฒุ์ย, เม่ย โหฒว หาย หญู่ง ห่อย ทิน-ฮู่ง?
สี ก๊อง เม่ย ต่อง ฒุ์ย ธั้ม เจี๊ยน ฝาว, เม่ย เญย ฒุ์ย ฮนั้ง หาย นอ โหฒว ปุน นิ่น?#โย้บ 22:2-3
7สี ก๊อง เม่ย โหฒว คู้ เมี่ยน, เม่ย จา หาย หญู่ง ปุน นิ่น?
ไฟ นิ่น เยียม เม่ย เญย ปั์ว ฒิบ หาย หญู่ง?
8เม่ย โหฒว เอ๊าะ สี่ ขูง ห่อย ป้าม เมี่ยน ฮนั้ง เม่ย นอ.
เม่ย โหฒว คู้ เมี่ยน ขูง เถง ป้าม เมี่ยน ตุ๊ หลง.
9“เมี่ยน หลาย หฒุ เหฒย ธั้ม ฯฒฯ เห่ว,
นิ่น บัว โท้ เถง เปย๋า ดุ๊ด เฮ้น วั้ว เต๋ย เญย ปั์ว.
10มป่า ไม้ ม่าย หาย เต้า ก๊อง, ‘เหฒย เยีย ต้าย วั้ว เต้า ทิน-ฮู่ง,
เซ ปุน เมี่ยน ลู่ง ม์วน หฒั่น ป๋าว ฑูง วั้ว เต้า, เยียม หาย?
11นิ่น หฌาว เยีย บัว เก้า ธั้ม หฌาว เดา-เป้ย เญย เฮยี่ย ฒ่อย,
หย่า ปุน เยีย บัว ม่าย ธง-เม่ง เก้า ธั้ม เยียม ลู่ง เญย เหนาะ.’
12นิ่น บัว เห่ว เจี๊ยน โท้ เถง มป่า ทิน-ฮู่ง ไม้ เตา,
เหว่ย หฒุ เอ๊าะ เมี่ยน เหมา ไห่.
13นิ่น บัว แปะๆ เห่ว, ทิน-ฮู่ง ฒู้ง ไม้ หมวัง.
เน่น เจี๋ย วั้ว เต้า ไม้ เกวน ไม้ สี่ เญย.
เอลีฮู ฮว้วด โย้บ หย่า ก๊อง นิ่น หฮงง
14“วั้ว หญู่ง, เม่ย ก๊อง เม่ย หมั่ง ไม้ ปวัด ทิน-ฮู่ง,
นิ่น ฯฒฯ เก้า ฟัด ไม้ อ๋อย หมั่ง เม่ย.
เม่ย หย่า ก๊อง เม่ย เญย สี่ เยียม นิ่น เญย หฑะเฮมียน,
เม่ย หย่า ฒั้ว เจี๊ยน นิ่น.
15อี้ หฒั่น เม่ย ฮนั้ม ต้าย, ไม้ กุ๊น ทิน-ฮู่ง เฉีย เจี์ย, นิ่น ไม้ ตี่ง ฒุ์ย,
เมี่ยน ป์าม ฒุ์ย นิ่น ไม้ กุ๊น อ๊ะ.
16เหว่ย น้าย โย้บ ก๊อง เจี๊ยน ไม้ ลั่ม หล่ง เญย หว่า มี่ง,
ก๊อง หว่า ธั้ม หย่า ไม้ ฮิ้ว นิ่น ก๊อง หาย หญู่ง.”
Currently Selected:
โย้บ 35: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
