โย้บ 2
2
ทิน-ฮู่ง เหธา ซาตาน ธ่าง ล่าง โย้บ เญย เจ๊า ตะเหญ่ย หฑุ่น
1แอ๋ง ม่าย นอม ฮนอย ฟิน-เมี่ยน#2:1 เป๊ย หมั่ง โย้บ 1:6. ต้าย เยียม เฒี้ยว เญย หฑะเฮมียน, ซาตาน หย่า เหธา เจี๊ยน นิ่น บัว ต้าย เยียม เฒี้ยว เญย หฑะเฮมียน. 2เฒี้ยว หน่าย ซาตาน, “เม่ย เยียม หาย ต้าย?”
ซาตาน เตา เฒี้ยว, “เยีย โย่ว ลู่ง เดี๊ย มี่งๆ ต้ายๆ ฝาวๆ เหฌี่ยๆ.”
3 เฒี้ยว หน่าย ซาตาน, “เม่ย สัม หมั่ง เยีย เญย โปว, โย้บ, เญย ไฟ? เยียม ลู่ง เดี๊ย ไม้ ม่าย เหยียด ล่าน เมี่ยน ฮนั้ง นิ่น โหฒว เฮญี้ยว หฒีง, ไม้ ลั่ม เฆ่ม ต๋อง. นิ่น ท่าย ทิน-ฮู่ง หย่า ซิ้ม ฆอย, ไม้ โหฒว หาย หญู่ง เอ๊าะ สี่. เม่ย ก๊อง เกา เถา เยีย ฆอย ฑุ่ย ปุน เม่ย โหฒว ปุน นิ่น, เม่ย ฒู้ง อ๋อย เหมียด นิ่น หย่า ไม้ ม่าย กอน-แป๋ง, มป่า นิ่น หธ่อ เหฒียบ ฒัวะ เญย.”
4ซาตาน เตา, “ด๊บ ตี๊ ด๊บ. เมี่ยน ม่าย เญย เหยียด ฒู้ง นิ่น อ๋อย หล่ง เหว่ย เหฌียว นิ่น กั้น เญย แหม่ง. 5มป่า อี้ หฒั่น ซูง เม่ย เญย ปั์ว ห่อย นิ่น เญย ซิน,#2:5 ฮิบลู หว่า ก๊อง “นิ่น เญย อ๊อ เหธา บู๊ง”. นิ่น ฒู้ง อ๋อย เยียม เม่ย เญย หฑะเฮมียน เหฒียว เม่ย.”
6 เฒี้ยว ก๊อง บั๋ว ซาตาน, “วั้ว หญู่ง, นิ่น เยียม เม่ย เญย ปั์ว-เดี๊ย, มป่า อ๋อย หฒุ เลี่ยว นิ่น เญย แหม่ง.”
โย้บ หฒุ เสย ตะเหญ่ย หฑุ่น
7ซาตาน ฯฒฯ เยียม เฒี้ยว เญย หฑะเฮมียน ธ้วด มี่ง ห่อย โย้บ ปุน โย้บ เฒี่ยง โตะ ไห่ เญย เฒว่ย เยียม เหฒา-โด๊ะ-เญ์ย ฝาว เถา มฆ้อง-แป้ง. 8นิ่น ฯฒฯ เฒว์ย เจี๊ยน ซ้าย-ดุย เฒาะ เหฮลง เนีย-มอ ฮู้ กว้าย กั้น เญย ซิน.
9นิ่น เญย เอ๊า ก๊อง, “เม่ย หธ่อ เหฒียบ ฒัวะ เญย โหฒว? กุ๊น เหฒียว ทิน-ฮู่ง หย่า ไต่ อ๊ะ ม่าะ!”
10มป่า โย้บ เตา นิ่น, “เม่ย ก๊อง หว่า ฮนั้ง เต้า หฮงง เญย มเซียะ ตอน ก๊อง นอ. บัว เยียม ทิน-ฮู่ง เญย ปั์ว ฒิบ หลง เญย กะน้าย. บัว ไม้ หอบ หฒุ ฒิบ ไม้ เป๋น เญย ไฟ?”
โย้บ หฒุ น้าย เต๋ย เหยียด ฒู้ง สี่, เยียม โย้บ ก๊อง เญย หว่า นิ่น ไม้ ป์าม ฒุ์ย.
โย้บ เญย ปัว เต้า โล์-แกง ต่อย ต้าย เถา
11โย้บ เญย ปัว เต้า โล์-แกง ต่อย, เซ เทมาน ฒี่ง เญย เมี่ยน, เอลีฟัด, เหธา ชูวา เมี่ยน, บินดัด, เหธา นาอาเม เมี่ยน, โสฟา, ไฮ์ ก๊อง โย้บ หฒุ น้าย เต๋ย เหยียด ฒู้ง เหฒะ หน่าน, เก๊าะ-เมี่ยน ฯฒฯ เยียม เก๊าะ-เมี่ยน เญย ต๋อง ต้าย กั๊บ เจี๊ยน ต่อย. นิ่น บัว ตุ๋น เหฒียง ต่อย เหยียด เจ๊า ต้าย, เหว่ย เถง โย้บ ไจ๊ เฑ่า, ออน นิ่น เญย เฮญี้ยว. 12นิ่น บัว เยียม โก เญย ปวัด นิ่น, มป่า เฒียะ ไม้ ตุ๊ นิ่น, ฯฒฯ ปู๋ง-ซีง ปู๋ง-เฉีย เญย เญี้ยม, หย่า เป๊ด นิ่น บัว เญย ลุย-ด๊าว, แอ๋ง เญา เนีย-บูง ฟ้าด ฝาว ลู่ง ด๊อด เหฌี่ย นิ่น บัว เญย มฆ้อง.#2:12 นิ่น บัว ฮนั้ง น้าย โหฒว เหว่ย ปุน ธีง นิ่น บัว เถง โย้บ เฑ่า. 13นิ่น บัว เหธา โย้บ เฒว์ย เจี๊ยน เดา เสี่ย ฮนอย เสี่ย ม์วน หย่า ไม้ ม่าย หาย เต้า เหธา นิ่น ก๊อง เหยียด โจ๋ว หว่า, เหว่ย หฒุ นิ่น บัว ปวัด โย้บ หฒุ เญย เหฒะ หน่าน หฒะเก้ง เฮนี้ย ไห่.
Currently Selected:
โย้บ 2: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
