โย้บ 1
1
เจี์ย กอน หว่า
(โย้บ 1:1—2:13)
โย้บ เหธา นิ่น เญย ฮมวั้ง ต่อย
1เยียม อูด เต่ย ม่าย ล่าน เมี่ยน, บั๋ว เห่ว โย้บ. น้าย ล่าน เมี่ยน เซ เฮญี้ยว หฒีง เญย เมี่ยน, ไม้ ม่าย ต๋อง เฆ่ม. นิ่น ท่าย ทิน-ฮู่ง, หย่า ซิ้ม ฆอย, ไม้ โหฒว หาย หญู่ง เอ๊าะ สี่. 2นิ่น ม่าย เสี่ย เต้า ตอน, ปัว เต้า เซียะ. 3นิ่น ม่าย เสี่ย ธิน เต้า ปะกี ยู่ง, ปัว ธิน เต้า ล่อ ท่อ, ฮม์ แป๊ะ ต๋อย ง่ง, ฮม์ แป๊ะ เต้า ล่อ เญ์ย, หย่า ม่าย โปว ธั้ม เญย. เป๊ย เยียม ตง ปูง เญย เหยียด ฒู้ง เมี่ยน, น้าย เต้า เก้า ปุ๊ด ฒ่อย เจี๋ย.#1:3 ไฟ เก้า โฮล เจี๋ย.
4เจี๋ย ต้าย เญย เฒี่ยง โห่, นิ่น เญย ตอน ทิ้ว เจี๊ยน เยียม นิ่น บัว กั้น เญย เปย๊า, หฒิว นิ่น บัว เญย ฮนอย เบ่น หฮนาง โฮล เญย, หย่า พ้าย เมี่ยน มี่ง เห่ว นิ่น บัว เญย ปัว เต้า หมั่ว ต้าย เหธา นิ่น บัว หญั่น หย่า ฮบ. 5เบ่น หญั่น เญย ฮนอย-เหญียะ เจี๋ย ลิ์ว, โย้บ พ้าย เมี่ยน มี่ง เห่ว นิ่น เญย ตอน บัว สา เหฑ่ง หวุย. นิ่น ลู่ง ดอม เจี์ย ซิน เฑี้ยว เญย, หย่า หฒิว นิ่น บัว เหยียด ฒู้ง เมี่ยน เญย โสว โหม่ว ฝ่ง ห่อ ปั๊ว เหฒี่ย เญย กะน้าย. นิ่น หฒั่นๆ ฮนั้ง หน่าย โหฒว เหว่ย หฒุ นิ่น ก๊อง, “เหฑีย เยีย เญย น่าม โญ์ว ป์าม ฒุ์ย, เยียม เฮญี้ยว เหฒียว ทิน-ฮู่ง.”
เฒี้ยว เหธา ซาตาน ธ่าง ล่าง โย้บ เญย เจ๊า ต้าว หฑุ่น
6ม่าย ฮนอย นอ, ฟิน-เมี่ยน#1:6 ฮิบลู หว่า ก๊อง ทิน-ฮู่ง เญย ตอน. น้าย เซ เยียม ลู่ง ฟู-สู ทิน-ฮู่ง เญย เหยียด หญู่ง ม่าย แหม่ง เญย กะน้าย. ต้าย เยียม เฒี้ยว เญย หฑะเฮมียน. ซาตาน#1:6 ฮิบลู หว่า เญย เอ๋ย เล์ย เซ วิน-วั้ง ไฟ “แหง่ง ป้าม เมี่ยน วั้ว เต้า”. หย่า ต้าย เยียม นิ่น บัว บุด๋ง. 7เฒี้ยว หน่าย ซาตาน, “เม่ย เยียม หาย ต้าย?”
ซาตาน เตา เฒี้ยว, “เยีย โย่ว ลู่ง เดี๊ย มี่งๆ ต้ายๆ, ฝาวๆ เหฌี่ยๆ.”
8 เฒี้ยว หน่าย ซาตาน, “เม่ย สัม หมั่ง เยีย เญย โปว โย้บ เญย ไฟ? เยียม ลู่ง เดี๊ย ไม้ ม่าย เหยียด ล่าน เมี่ยน ฮนั้ง นิ่น โหฒว เฮญี้ยว หฒีง, ไม้ ลั่ม เฆ่ม ต๋อง. นิ่น ท่าย ทิน-ฮู่ง หย่า ซิ้ม ฆอย, ไม้ โหฒว หาย หญู่ง เอ๊าะ สี่.”#1:8 ฟาน หฒะ ก๊อง “หย่า ซิ้ม ฆอย เอ๊าะ สี่”.
9ซาตาน เตา เฒี้ยว, “โย้บ ท่าย ทิน-ฮู่ง เซ แปะๆ ท่าย เญย ไฟ?#หล่าว ย่าง 12:10 10เม่ย เปว เจี๊ยน นิ่น เหธา นิ่น เญย เปย๊า ฒง เมี่ยน, เลี่ยม ปูงๆ นิ่น ม่าย เญย เหยียด ฒู้ง กะน้าย ไม้ เฒ์ย? เม่ย เหธย ฟุ นิ่น เญย ปั์ว โหฒว เญย กง หย่า ปุน นิ่น เญย จา-ตี้ง หฮยาง เจี๊ยน ฝาว ธั้ม. 11มป่า โท้ ซูง เม่ย เญย ปั์ว มัวะ นิ่น ม่าย เญย เหยียด ฒู้ง กะน้าย, นิ่น ฯฒฯ ตอง เจี๊ยน เม่ย เหฒียว เม่ย อ๊ะ.”
12 เฒี้ยว ก๊อง บั๋ว ซาตาน, “วั้ว หญู่ง, นิ่น ม่าย เญย เหยียด ฒู้ง กะน้าย เซ เยียม เม่ย เญย ปั์ว-เดี๊ย. ขูง นิ่น กั้น เญย ซิน เม่ย ไม้ ตู๋ง ห่อย.” ซาตาน ฯฒฯ เยียม เฒี้ยว เญย หฑะเฮมียน มี่ง อ๊ะ.
โย้บ หฒุ เสย ต้าว หฑุ่น
13ม่าย ฮนอย โย้บ เญย ตอน เซียะ เยียม นิ่น บัว เญย ต้ม ก๋อ เญย เปย๊า หญั่น หฮนาง, ฮบ อะหงุ่น ติ๊ว. 14ม่าย เต้า โต่ว เฝียน เมี่ยน ต้าย บั๋ว โย้บ, “ง่ง ไล่ เจี๊ยน เด่ย, ล่อ หย่า เยียม กะเฮลน หญั่น เมี้ย. 15เลี่ยม เฒ่ย ม่าย เสบา เมี่ยน ต้าย เฒาะ แซง-คู้ ธ้าง มี่ง เหฑ่ง, หย่า หล่ง หฑุ ด๊าว ไต๋ เหฑ่ง โปว. ขูง เยีย กั้น ตุ๊ เปย๋า ธ้วด ต้าย บั๋ว เม่ย ฮนั้ง.”
16นิ่น หธ่อ ก๊อง เจี๊ยน หว่า วั้ว หฒั่น, แอ๋ง ม่าย เต้า เมี่ยน ต้าย ก๊อง, “ทิน-ฮู่ง เญย โต์ว เยียม ลู่ง เหฌี่ย ต้าย ปั๊ว ปะกี ยู่ง กวั้น เหธา โก๋ว ยู่ง กวั้น เญย โปว ชุย เหฑ่ง. ขูง เยีย กั้น เปย๋า ดุ๊ด ต้าย บั๋ว เม่ย ฮนั้ง.”
17นิ่น หธ่อ ก๊อง เจี๊ยน หว่า วั้ว หฒั่น, แอ๋ง ม่าย กั้น เต้า ต้าย ก๊อง, “เคนเดีย เมี่ยน ปุน ฆอย โหฒว ปัว กวั้น ธ้าง ล่อ ท่อ ต้อ มี่ง เหฑ่ง, หย่า หล่ง หฑุ ด๊าว ไต๋ เหฑ่ง วั้ว เต๋ย โปว. ขูง เหฒ่ง เยีย กั้น เปย๋า ดุ๊ด ต้าย บั๋ว เม่ย ฮนั้ง.”
18นิ่น หธ่อ ก๊อง เจี๊ยน หว่า วั้ว หฒั่น, แอ๋ง ม่าย เต้า โปว ต้าย ก๊อง, “เม่ย เญย ตอน เซียะ เยียม นิ่น บัว เญย ต้ม ก๋อ เญย เปย๊า หญั่น หฮนาง, ฮบ อะหงุ่น ติ๊ว, 19ฯฒฯ ม่าย กอง ต้ม หฑยาว-หฒุ่น เยียม เต่ย-ปูง-ฮวาง ต้าย ป่วน เปย๊า เญย เปยย นอม เก๊าะ. เปย๊า ฯฒฯ บาง, ดั๊บ หฒุ วั้ว เต๋ย เมี่ยน หลุน เมี่ยน ไต่ เหฑ่ง หมี่ อ๊ะ. ขูง เยีย กั้น เปย๋า ดุ๊ด ต้าย บั๋ว เม่ย ฮนั้ง.”
โย้บ เธง ทิน-ฮู่ง
20โย้บ ฯฒฯ เจี์ย ซิน ต้าย เป๊ด นิ่น เญย ลุย, หย่า เถย นิ่น เญย มฆ้อง, พัวะ เหฌี่ย เดา ป๋าย 21หย่า ก๊อง,
“เยีย ฌัง ซิน เยียม เยีย เญย มา เญย กะเซีย ธ้วด,
หย่า อ๋อย หฒุ ฌัง ซิน เญย หฑวน.
เฒี้ยว เหธย ปุน เญย,
เฒี้ยว แอ๋ง เซียว หฑวน.
อ๋อย หฒุ เธง เฒี้ยว เญย เม่ง.”
22เยียม น้าย เต๋ย เหยียด ฒู้ง สี่, โย้บ ไม้ ป์าม ฒุ์ย หย่า ไม้ ไกว๋ ทิน-ฮู่ง.
Currently Selected:
โย้บ 1: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
