โย้บ 19
19
โย้บ เตา
โย้บ เฆ่ม นิ่น เญย ต่อย โหฒว เหมา
1โย้บ ฯฒฯ เตา,
2“เม่ย บัว อ๋อย โหฒว ปุน เยีย เญย เฮญี้ยว โค้ว,
หย่า หล่ง หว่า หม่อ เยีย ด่ง หาย เล่า?
3เม่ย บัว ก๊อง โตะ เยีย ไม้ เฒ้ย เหฒียบ หฑุ่น อ๊ะ.
เม่ย บัว ต่อง เยีย, เม่ย บัว ไม้ ไญ้ ไฟ?
4สี ก๊อง เยีย หฒะเก้ง โหฒว ต่อง,
เยีย โหฒว ต่อง เญย ขูง ด๊อด หฒุ เยีย กั้น ฮนั้ง.
5สี ก๊อง เม่ย บัว เธง เม่ย บัว กั้น เก้า โฮล เยีย,
หย่า ฝุน เยีย ปวั้ง เญย โค้ว หน่าน ปุน ธีง เยีย โหฒว ต่อง,
6วั้ว หญู่ง เม่ย บัว อ๋อย หฒุ ฮิ้ว ตุ๊ เซ ทิน-ฮู่ง ฮนั้ง น้าย โหฒว ปุน เยีย,
หย่า หล่ง นิ่น เญย มู์ง เหฑ่น เจี๊ยน เยีย.
โย้บ ก๊อง ทิน-ฮู่ง ห่อย นิ่น ฮนั้ง นิ่น เป๋น วิน-วั้ง นอ
7“เยีย เห่ว เจี๊ยน ก๊อง, ‘หฒุ โหฒว โตะ อ๊า โล่ะ!’ หย่า ไม้ ม่าย หาย เต้า เตา.
เยีย เห่ว เจี๊ยน โท้ เถง, มป่า ไม้ ตุ๊ แป้ง ฟิม เญย เจ๊า.
8ทิน-ฮู่ง ตั๊ง เจี๊ยน เยีย เญย เจ๊า เยีย ฯฒฯ เจี๋ย ไม้ ตุ๊.
นิ่น หย่า ปุน เยีย เญย เจ๊า หฮมวัง มี่ง.
9นิ่น เฒาะ ฆอย เยีย เญย ฌัง-หล่าง,
หย่า เฒาะ ฆอย เยีย ด๋ง เญย นี้ง.
10นิ่น เว่ย เจี๊ยน เยีย เปยย ปูง เบ๊าะ เยีย,
เยีย ฯฒฯ ป่าย เหฑ่ง หมี่ อ๊ะ.
เยีย ม่าย ลั่ม ฮนั้ม เญย,
นิ่น แปง ธ้วด ฮนั้ง แปง ติ้ว เดี๋ยง นอ.
11นิ่น เฉีย เจี์ย, โน์ว ไห่ เยีย,
หย่า ฝุน เยีย เป๋น นิ่น เญย วิน-วั้ง.
12นิ่น เญย จุน-แปง กวั้น ล่ม ฑ่อย ต้าย.
นิ่น บัว หลิ่ว เล์ย เจ๊า เบ๊าะ เยีย,
หย่า เหลียบ เธี้ยง เว่ย ก๋อม เยีย.
โย้บ โท้ โล์-แกง ต่อย ค้อ-เลี่ยน
13ทิน-ฮู่ง ปุน เยีย เญย ก๋อ-โย์ว กวั่ง เยีย,
ต้ง เยีย หฒัวะ เญย เมี่ยน ไม้ แล์ง เยีย อ๊ะ.
14เยีย เญย เธียน-เธะ เล่ย ฆอย เยีย,
เยีย เญย โล์-แกง ต่อย หละคุ เยีย หมี่ อ๊ะ.
15เยียม เยีย เญย เปย๊า เญย แคะ เมี่ยน เหธา มเซียะ โปว ฝุน เยีย โหฒว กะเหญี่ย เญย เมี่ยน.
หฒิว นิ่น บัว เญย มฒีง หมั่ง, เยีย ฒู้ง เป๋น กั้น ฝีง เมี่ยน.
16เยีย เห่ว เยีย เญย โปว มป่า นิ่น ไม้ เตา,
เยีย อ๋อย หฒุ หล่ง ฑุ่ย โจ้ว นิ่น บัว.
17เยีย เญย เอ๊า โหยว เยีย เญย ฑุ่ย เญย เฉีย.
เยีย กั้น เญย เธียน ก๋อ เธียน โย์ว#19:17 ฮิบลู หว่า ก๊อง เยีย เญย มา เญย ตอน. กั้ม เฑี้ย เยีย.
18เลี่ยม ไฝ เญย ฝุเจว๊ย หมั่ง เผีย เยีย.
เยีย เจี์ย ซิน นิ่น บัว ก๊อง เยีย.
19เยีย หฒัวะ เจี๋ย เญย เหยียด ฒู้ง โล์-แกง ต่อย โหยว เยีย,
ต้ง เยีย ฮนั้ม เญย เมี่ยน หย่า เบี๊ยน เฮมียน ปุน เยีย.
20เยีย เญย ด๊บ แน้ด เจี๊ยน บู๊ง,
เยีย เปย๋า ธ้วด สีง แหม่ง ด่ง เหยียด นอม เฮม้ย-เน้า.#19:20 หฒิว ฮิบลู หว่า น้าย เหยี่ยม ไม้ หนั่ง เม่ง. ฟาน หฒะ ก๊อง “...ด่ง เยีย เญย ญ่า เญย ด๊บ”.
21“โล์-แกง อ้า! ค้อ-เลี่ยน เยีย ม่าะ! โท้ ค้อ-เลี่ยน เยีย,
เหว่ย หฒุ ทิน-ฮู่ง เญย ปั์ว เบ๊าะ เยีย.
22เม่ย บัว เหว่ย หาย ติ่ว อ๋อย ห่อย เยีย ฮนั้ง ทิน-ฮู่ง ห่อย?
เม่ย บัว หธ่อ โหฒว โตะ ปุน เยีย ไม้ แก้ง เก๋า?
โย้บ ม่าย ลั่ม ฮนั้ม ม่าย เต้า ไฮ่ หฒัวะ นิ่น
23“เฝย ตุ๊ เยีย ก๊อง เญย หว่า ตุ๊ เฟี้ย เจี๊ยน,
เฝย ตุ๊ ฝาว เจี๊ยน เยียม โซว-ตาน.
24เฝย ตุ๊ หล่ง เฮลียะ-จา-สี่ หฒุ หละเปย๊ย,
แอ๋ง หล่ง จู์ง โต๋ หฒุ ลิ์ว เญย ต๋อง, ปุน เหยียด ลิ์ว เยียม.
25เหว่ย หฒุ เยีย ฮิ้ว ตุ๊ หฒัวะ เยีย วั้ว เต้า เฒี่ยง เจี๊ยน,
เซ้ด เมว์ย นิ่น อ๋อย ต้าย โซ้ว เจี๊ยน เดา-เป้ย.#19:25 ไฟ เนีย-บูง.
26ฒั้ว เยีย ด๊บ ฮู้ เหฑ่ง,
เยียม เยีย เญย อ๊อ ซิน#19:26 ไฟ “ไม้ เยียม เยีย เญย อ๊อ ซิน”. เยีย ฒู้ง ตุ๊ ปวัด ทิน-ฮู่ง.#19:26 น้าย เลี์ยว เญย ฮิบลู หว่า เซ ไม้ หนั่ง เม่ง.
27เยีย กั้น ตุ๊ ปวัด นิ่น,
เยีย กั้น เญย มฒีง ตุ๊ หมั่ง นิ่น, หย่า ไม้ เฒ์ย กั้น เต้า.
เยีย เญย เฮญี้ยว เมา โค้ว ไห่.
28“สี ก๊อง เม่ย บัว ก๊อง, ‘เยีย บัว ฮนั้ง หาย นอ ไฮ่ ห่อย นิ่น?’
หย่า ก๊อง, ‘ธัวะ สี่ เญย กอน-แป๋ง เยียม นิ่น กั้น,’
29เม่ย บัว อ๋อย หฒุ กั้ม เหฑีย หฑุ ด๊าว,
เหว่ย หฒุ ทิน-ฮู่ง เฉีย เจี์ย, นิ่น หล่ง หฑุ ด๊าว ตี่ง ฒุ์ย.
เม่ย บัว ฯฒฯ ฮิ้ว ตุ๊ ม่าย เต้า เซี้ยม ฒุ์ย.”
Currently Selected:
โย้บ 19: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
