โย้บ 20
20
โสฟา ก๊อง ตะเหญ่ย หฑุ่น
โสฟา อะ ตุ๊ ฒั้ว, อ๋อย เหธา โย้บ ก๊อง
1นาอาเม เมี่ยน, โสฟา, ฯฒฯ เตา,
2“โย้บ อ้า! เม่ย เญย หว่า ปุน เยีย เฮญี้ยว ไม้ หลง,
เญี์ยน ไม้ เจี๊ยน, อ๋อย หฒุ เตา อ๊ะ.
3เยีย ไฮ์ เม่ย ก๊อง-เหม เญย หว่า ก๊อง โตะ เยีย,
มป่า เยีย กั้น เญย เฮญี้ยว ฮิ้ว ตุ๊ ฮนั้ง หาย นอ เตา.
โสฟา ก๊อง เอ๊าะ เมี่ยน เญย เซ้ด เมว์ย ฮนั้ง หาย นอ
4“เม่ย ไม้ ฮิ้ว ไฟ? เยียม โล์! ฮนอย ต้าย,
ต้ง ป้าม เมี่ยน โธะ โหะ ตุ๊ เยียม ป้าม เกน วั้ว หฒั่น,
5เอ๊าะ เมี่ยน ตุ๊ ฮี่ง เญย เฒี่ยง โห่ เซ นั้ง เญย,
ไม้ กัน ทิน-ฮู่ง เญย เมี่ยน เญย เฌียน-โย่ว หย่า เหว่ย ตั้ง ป๊า ฮนั้ง.
6ไม้ กุ๊น นิ่น ตุ๊ โหฒว โฮล, แบ่ง กู้ หงว่าย ลู่ง,
นิ่น เญย มฆ้อง เถา บ๋วน,
7นิ่น อ๋อย เหยียด ลิ์ว หฒุ เหมียด, ฮนั้ง นิ่น กั้น เญย ไฆ้.
ปวัด เจี๋ย นิ่น เญย เมี่ยน อ๋อย ก๊อง, ‘นิ่น เจี๋ย หาย หมี่ อ๊ะ?’
8นิ่น ฮนั้ง นอม เบ๋ย เจี๋ย หมี่ อ๊ะ, ล์อ ไม้ ปวัด อ๊ะ,
หย่า ฮนั้ง ลู่ง ม์วน หฒั่น หิ่น ย่าง เญย สี่ นิ่น หมิด หมี่ อ๊ะ.
9ปวัด เจี๋ย นิ่น เญย เมี่ยน เหยียด ลิ์ว ไม้ ตุ๊ แอ๋ง ปวัด,
นิ่น เยียม เญย ต๋อง หย่า ไม้ ตุ๊ แอ๋ง ปวัด นิ่น.
10นิ่น เญย ตอน-เจว๊ย อ๋อย หฒุ จ๊าว ซูง เมี่ยน จ่ม เมี่ยน.
กั้น เญย ปั์ว อ๋อย หฒุ ถุย หฑวน นิ่น เญย ฒิ่น ฒ่อย.
11นิ่น เญย บู๊ง ม่าย เมี่ยน หลุน เมี่ยน เญย ชะ,
มป่า อ๋อย หฒุ เหธา นิ่น เหฌี่ย เป๋น เนีย-บูง.
โสฟา เป๊ย เอ๊าะ สี่ ฮนั้ง เอ๊าะ เมี่ยน หญั่น เญย กะน้าย
12“ไม้ กุ๊น เอ๊าะ สี่ เยียม นิ่น เญย ฑุ่ย เซ กาม เญย,
หย่า ไม้ กุ๊น นิ่น ฟับ เจี๊ยน นิ่น เญย เบียด กะเดี๊ย,
13ไม้ กุ๊น นิ่น ไม้ คั้ง เลี้ย ธ้วด,
หธ่อ ฌอม เจี๊ยน ฑุ่ย กะญั์ว,
14นิ่น หญั่น เญย กะน้าย เยียม กะเซีย ทิ้ว หมี่ อ๊ะ,
เยียม เฮญี้ยว กะญั์ว เป๋น นาง-เจี๊ยะ เญย เดีย-โตะ.
15เอ๊าะ เมี่ยน นะ ฒิ่น ฒ่อย แอ๋ง โล้ ธ้วด,
ทิน-ฮู่ง โหฒว ปุน วั้ว เต๋ย กะน้าย เยียม นิ่น เญย กะเซีย แป๊ด ธ้วด ต้าย.
16นิ่น อ๋อย เซาะ นาง-เจี๊ยะ เญย เดีย-โตะ,
นาง-โตะ อ๋อย เญาะ นิ่น ไต่.
17นิ่น ไม้ ตุ๊ หมั่ง โด๊ะ,
เซ ม่าย เมว์ย-ต้อง เหธา ง่ง หญอ เหลี่ยว ธ้วด เญย โด๊ะ.
18นิ่น ธ้วด ชะ ตุ๊ ต้าย เญย กะน้าย อ๋อย หฒุ ถุย หฑวน,
หย่า ไม้ ตุ๊ อะเฮน้ย นิ่น ม์าย หม่าย หฒ่อน ต้าย เญย กะน้าย.
19เหว่ย หฒุ นิ่น เหฒย เมี่ยน จ่ม เมี่ยน แอ๋ง กวั่ง นิ่น บัว,
หย่า ธ้าง ไม้ เฒ์ย นิ่น กั้น เหธย ต้าย เญย เปย๊า.
20“เหว่ย หฒุ นิ่น เม้า เญย เจ๊า ไม้ ไฮ่ ตี้ง,
นิ่น อะเฮน้ย เญย กะน้าย เหยียด หญู่ง หย่า ไม้ เลี่ยว อ๊ะ.
21นิ่น หญั่น ลิ์ว, ไม้ เหฒ่ง หาย หญู่ง อ๊ะ.
เหว่ย น้าย นิ่น เญย ฟุ-โหละ ไม้ ตุ๊ เหยียด ลิ์ว เยียม.
22นิ่น เก้า เป๋น เจี๋ย เญย เฒี่ยง โห่, นิ่น หฒุ ด๊อด เหฌี่ย โค้ว,
เหยียด ฒู้ง เซียม เญย เหฒะ หน่าน ฯฒฯ ต้าย ห่อย นิ่น.
โสฟา ก๊อง เม่ง เอ๊าะ เมี่ยน อ๋อย ปวั้ง เญย เหฒะ หน่าน
23“เอ๊าะ เมี่ยน หญั่น เป๊ว, ปวั๊ง กะเซีย เญย เฒี่ยง โห่,
ทิน-ฮู่ง เญย กะเฉีย ฯฒฯ แป๊ด ธ้วด ปุน นิ่น,
หย่า ฮนั้ง บยู่ง นอ เหฌี่ย นิ่น เญย ซิน.
24นิ่น อ๋อย เปย๋า เฮลียะ-จา-สี่,
ต้ง ซิ ฟอง ฯฒฯ ป๊วน ทง นิ่น.
25นิ่น แปง ฟอง ธ้วด, ฟอง ฯฒฯ เยียม นิ่น เญย ซิน ธ้วด ต้าย.
ฟอง-ธัง เตว๊ย-เมว์ย กั๊วะ เจี๊ยน ต๊าม เญย ววม แอ๊ง ธ้วด ฌัง,
แฮะ นิ่น กั้ม เหฑีย! ไห่.
26นิ่น เซียว เญย ฒิ่น ฒ่อย อ๋อย หฒุ เหมียด เหฑ่ง.#20:26 ฟาน หฒะ ก๊อง เยียม หฮมวัง เญย ต๋อง.
ไม้ เฒ์ย เมี่ยน ปย๊ม เญย โต์ว อ๋อย เฒาะ นิ่น ปั๊ว ชุย.
เยียม นิ่น เญย ด๊บ-ลิ่ว เหฒ่ง เหฌี่ย เญย กะน้าย หย่า หฒุ ปั๊ว เหมียด เหฑ่ง.
27ลู่ง อ๋อย ปุน ธีง นิ่น โหฒว เญย ฒุ์ย,
เดา อ๋อย โหฒว ฒอง-เหฒง ตี่ง นิ่น.
28นิ่น เญย จา-ตี้ง ฒู้ง หฒุ ต้อ มี่ง เหฑ่ง อ๊ะ,
เยียม ทิน-ฮู่ง เฉีย เจี์ย เญย ฮนอย หฒุ กว๊าด มี่ง อ๊ะ.
29น้าย เซ เอ๊าะ เมี่ยน เยียม ทิน-ฮู่ง ตุ๊ เญย ป่วน,
เซ ทิน-ฮู่ง พ้าย ปุน นิ่น หฑิบ.”
Currently Selected:
โย้บ 20: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
