โย้บ 15
15
ตะเหญ่ย คัง หน่าย ตาบ เญย หว่า
(โย้บ 15:1—21:34)
เอลีฟัด ก๊อง ตะเหญ่ย หฑุ่น หว่า
โย้บ ก๊อง นิ่น ไม้ ต่อง, เอลีฟัด เหม
1เทมาน เมี่ยน, เอลีฟัด, เตา โย้บ,
2“ธง-เม่ง เมี่ยน หล่ง ไม้ ลั่ม หล่ง เญย ว่วน ฒาง เตา,
หย่า ปุน ตง ปูง เญย หฑยาว ปวั๊ง เหฑ่ง เฒี่ยง ซิน เซ หอบ เญย ไฟ?
3นิ่น หล่ง ไม้ ม่าย เอ๋ย เล์ย เญย หว่า
ไฟ เถง ไม้ ตุ๊ หาย หญู่ง เญย หว่า ไจ๊ ซิน ไฟ?
4มป่า ท่าย ทิน-ฮู่ง วั้ว หญู่ง เฮญี้ยว เม่ย กวั่ง หมี่ อ๊ะ,
หย่า ตั๊ง เจี๊ยน ไม้ ตุ๊ เยียม ทิน-ฮู่ง เญย หฑะเฮมียน เฟย-ฟั้ง เญย เจ๊า.
5เหว่ย หฒุ เม่ย เญย ฒุ์ย หฌาว เม่ย เญย ฑุ่ย ก๊อง หว่า,
เม่ย หย่า กิ๊น หล่ง กู๊ ไกว๋ เมี่ยน เญย เบียด.
6เม่ย กั้น เญย ฑุ่ย ตี่ง เม่ย โหฒว ต่อง, ไม้ เฒ์ย เยีย.
เม่ย กั้น เญย โจ๋วๆ หว่า#15:6 ฮิบลู หว่า ก๊อง ฑุ่ย เหมย. โหฒว ฒอง-เหฒง โก๋ เม่ย.
7“เม่ย ต้ง ธ้วด เสย ด่าง เญย ต้าว เต้า ป้าม เมี่ยน ไฟ?
เม่ย ธ้วด เสย ด่าง ทิน-ฮู่ง เหฒย บง ไฟ?
8ทิน-ฮู่ง ธ่าง ล่าง เญย หวุ่ย กั๊บ ฒุ้น เญย เฒี่ยง โห่ เม่ย ไฮ์ เญย ไฟ?
เม่ย เลี่ยว เจี๊ยน ธง-เม่ง เหว่ย เม่ย กั้น หล่ง ไฟ?
9ม่าย หาย หญู่ง เม่ย ฮิ้ว, เยีย บัว ไม้ ฮิ้ว?
ม่าย หาย หญู่ง เม่ย เม่ง แปะ, เยีย บัว ไม้ เม่ง แปะ?
10เยียม เยีย บัว บุด๋ง ม่าย บะเปยย แปะ เญย เมี่ยน เหธา หฮญัง-เจ๊ย โก๋ เญย เมี่ยน,
ฒู้ง เก้า โก๋ เม่ย เญย เตีย.
11ทิน-ฮู่ง หล่ง ส่วน เญย หว่า ออน เม่ย เญย เฮญี้ยว.
เม่ย ไฮ์ เซ ไม้ แก้ง เก๋า ไฟ?
12เม่ย เหว่ย หาย ติ่ว เซว่ย กั้น เญย เฮญี้ยว,
เม่ย เญย มฒีง เหว่ย หาย ติ่ว ธ้วด โต์ว,
13ปุน เม่ย เญย เฮญี้ยว แหง่ง ทิน-ฮู่ง
หย่า ปุน น้าย หญู่ง หว่า เยียม เม่ย เญย ฑุ่ย ธ้วด?
14“ป้าม เมี่ยน ฮนั้ง หาย นอ นิ่น หธีง ต้าย ไฮ่ ธีง-เหฑ่ง?
ไฟ เยียม มเซียะ ตอน ธ้วด เสย เญย เมี่ยน ฮนั้ง หาย นอ ไฮ่ เป๋น โหฒว หอบ เญย เมี่ยน?#โย้บ 25:4-6
15ทิน-ฮู่ง ฒู้ง ไม้ ปู๋ง เฮญี้ยว นิ่น เญย ธีง-เหฑ่ง ฟิน-เมี่ยน.#15:15 ฮิบลู หว่า ก๊อง ธีง-เหฑ่ง วั้ว เต๋ย.
หฒิว ทิน-ฮู่ง หมั่ง, ลู่ง หย่า ไม้ ธีง-เหฑ่ง.
16วั้ว หญู่ง หว่าย ไห่, โหยว ไห่ เญย เมี่ยน,
เซ ฮบ ฒุ์ย ต๋อง ววม เญย เมี่ยน, เก้า ฟัด ไม้ ไฮ่ ธีง-เหฑ่ง.
เอลีฟัด ก๊อง เอ๊าะ เมี่ยน หฒุ เสี่ยว เญย โค้ว หน่าน
17“หมวัง เยีย ม่าะ! เยีย อ๋อย บั๋ว เม่ย.
เยีย ปวัด เจี๋ย เญย, เยีย อ๋อย ก๊อง,
18ต้ง ธง-เม่ง เมี่ยน ก๊อง เจี๋ย,
เยียม นิ่น บัว เญย อง-ถาย หฑิบ เจี๊ยน ต้าย หย่า ไม้ ปี๋ง.
19(น้าย นอม เต่ย-ปูง ขูง นิ่น บัว กั้น ตุ๊ หฑิบ,
หย่า ไม้ ม่าย กั้น ฝีง เมี่ยน ยั่ง นิ่น บัว บุด๋ง เจี๋ย.)
20เอ๊าะ เมี่ยน เยียม เสย หฒั่ง เญย เหยียด ฒู้ง ฮนอย-เหญียะ หฒุ เสี่ยว โค้ว.
เซ เหฒย เมี่ยน เญย เมี่ยน หว่าย เมี่ยน หฒิว นิ่น เญย เหยียด ฒู้ง หฮญัง-โสว.
21หฒะเก้ง! กั้ม เหฑีย ไห่ เญย เฉีย เยียม นิ่น เญย มน่อม,
แป้ง ออน เญย เฒี่ยง โห่, จั๋น-หฒะ ฯฒฯ ต้าย ธ้าง อ๊ะ.
22นิ่น ไม้ เสียน นิ่น ไฮ่ เยียม หฮมวัง กะญั์ว หฑวน.
นิ่น ฒู้ง อ๋อย หฒุ หฑุ ด๊าว ไต๋.
23นิ่น โย่ว เจี๊ยน มี่ง ล์อ หญั่น หย่า ก๊อง, ‘เยียม หาย ม่าย หญั่น ฮบ?’#15:23 น้าย ฟาน ต้าย หฒิว ฮิบลู หว่า. กีก หว่า ก๊อง “นิ่น เญย เซย อ๋อย หฒุ ต้ม จ๊าง หญั่น เป๋น นิ่น บัว เญย หญั่น ฮบ”.
นิ่น ฮิ้ว ตุ๊ หฮมวัง เญย ฮนอย-เหญียะ เยียม นิ่น เญย ปั์ว กะเฮลน.
24นิ่น อ๋อย หฒุ เหฒะ หน่าน ขวน โค้ว ปุน นิ่น กั้ม เหฑีย,
หย่า ฮี่ง เจี๋ย นิ่น ฮนั้ง ฮู่ง เตี๋ย หลิ่ว เล์ย เบ๊าะ จ๋า นอ.
25เหว่ย หฒุ นิ่น ญ้วด ปั์ว-จ้วน#15:25 ฮิบลู หว่า ก๊อง ซูง ปั์ว. ปุน ทิน-ฮู่ง,
หย่า แหง่ง เจี๊ยน เน่น เจี๋ย วั้ว เต้า,
26ฯฒฯ นั้น เจี๊ยน โฮ์ เญย ท้อง-ป้าย
แหง่ง เจี๊ยน เปียะ มี่ง เบ๊าะ นิ่น.
27“เหว่ย หฒุ นิ่น เญย เฮมียน จุ่น ไห่,
นิ่น เญย จ๊าย เป๋น อ๊อ-จุ่น,
28นิ่น ตุ๊ เยียม ฒี่ง ฮวาง,
เยียม เมี่ยน ไม้ หอบ หฒุ เยียม เญย เปย๊า,
เซ ตี่ง ต้าย อ๋อย หฒุ เป๋น บาง หว่าย เญย กะน้าย-ดุย.
29นิ่น ฯฒฯ ไม้ ตุ๊ ปุ๊ด ฒ่อย.
นิ่น เญย ฒิ่น ฒ่อย หย่า ไม้ ตุ๊ เยียม เล่า.
นิ่น เญย จา-ตี้ง ไม้ ตุ๊ เยียม เต่ย-ปูง หฮยาง.#15:29 น้าย โจ๋ว ฮิบลู หว่า เซ ไม้ เม่ง.
30เมี่ยน เปย๋า ไม้ ดุ๊ด หฮมวัง.
โต์ว หย่า อ๋อย ปั๊ว ฆาย นิ่น เญย หธุน.
ทิน-ฮู่ง เญย เฉีย หย่า อ๋อย ปย๊ม นิ่น มี่ง หมี่ อ๊ะ.#15:30 ม่าย ป๊วน โล์-ฮนอย โซว ฟาน ต้าย ก๊อง “นิ่น เญย เปี้ยง หย่า หฒุ หฑยาว ป่วน หมี่ อ๊ะ”.
31ไม้ ตู๋ง ปุน นิ่น เขา ไม้ ลั่ม หล่ง เญย หาย หญู่ง ดั๊ว กั้น,
เหว่ย หฒุ ไม้ ลั่ม หล่ง เญย อ๋อย วิ่น หฑวน ปุน นิ่น.
32นิ่น เญย ฮนอย-เหญียะ ไม้ แก้ง เถา นิ่น ฯฒฯ หฒุ วิ่น ซูง,#15:32 ม่าย เต๋ย โซว ฟาน ต้าย ก๊อง เหญา.
นิ่น เญย ฆว่า หย่า ไม้ แมง อ๊ะ.
33นิ่น หย่า ฮนั้ง อะหงุ่น เฮมย ไม้ แก้ง หฒัวะ เญย เปี๊ยว โปย้ ด๊อด เหฑ่ง,
หย่า ฮนั้ง กะลั้น เดี๋ยง เญย เปี้ยง ฆอย ต้าย โปย้ หมี่ อ๊ะ.
34ไม้ ท่าย ทิน-ฮู่ง วั้ว เต๋ย ไม้ ม่าย โฮ์ ต่อย เฒ้ย-ฟุน,#15:34 ฟาน หฒะ ก๊อง ไม้ ม่าย แซง-ยู์ง. เอ๋ย เล์ย เซ นิ่น บัว อ๋อย หฒุ ไพ กวั่ง, ไม้ ม่าย โฮ์ ต่อย เฒ้ย-ฟุน.
อะเฮน้ย เขา ญ่าน หฮมวัง วั้ว เต๋ย เญย ด๊บ-ลิ่ว หย่า อ๋อย หฒุ โต์ว ปั๊ว ชุย.
35นิ่น บัว ฮนั้ม ธ้วด เอ๊าะ สี่ ฮนั้ง ม่าย กู้งว์า ฝาว ซิน,
ยู์ง ธ้วด เป๋น หว่าย สี่ ฮนั้ง.
นิ่น บัว เญย เฮญี้ยว หลิ่ว เล์ย ดั๊ว เมี่ยน.”
Currently Selected:
โย้บ 15: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
