โย้บ 14
14
โย้บ ก๊อง เมี่ยน เยียม เสย หฒั่ง แหม่ง นั้ง เญย
1“เมี่ยน เยียม มเซียะ ตอน ธ้วด เสย เญย ฮนอย-เหญียะ โหฒะ เญย,
ขูง ม่าย ขวน น่าน ปวั๊ง เหฑ่ง.
2นิ่น ธ้วด ต้าย ฮนั้ง เปี้ยง นอ, หย่า เหฒี่ย หมี่ อ๊ะ.
นิ่น ฮนั้ง ต้ง ลิ่น นอ เจี๋ย, ไม้ เยียม อ๊ะ.
3ฮนั้ง เยีย น้าย หญู่ง เมี่ยน เม่ย ปู๋ง มฒีง หมั่ง เจี๊ยน นิ่น
แอ๋ง ต้อ นิ่น#14:3 กีก หว่า ก๊อง นิ่น. ฮิบลู หว่า ก๊อง เยีย. ต้าย เยียม เม่ย เญย หฑะเฮมียน หฒุ เซี้ยม ไฟ?
4หาย เต้า ไฮ่ ต้อ ธีง-เหฑ่ง เญย กะน้าย เยียม ไม้ ธีง-เหฑ่ง เญย กะน้าย ธ้วด?
ไม้ ม่าย เหยียด เต้า.
5นิ่น เฒี่ยง เญย ฮนอย-เหญียะ จา-ด่าง ตี่ง เหฒียง อ๊ะ,
นิ่น เญย หฮลา-โสว เซ เยียม เม่ย ตี่ง.
เม่ย ตี่ง เหฒียง นิ่น เฒี่ยง เญย โสว โหม่ว, นิ่น หย่า ไม้ ไฮ่ เจี๋ย ด่าง.
6โท้ ฮวิน กั้น ปูง, ไม้ ตู๋ง หมั่ง นิ่น เหว่ย ปุน นิ่น ตุ๊ เฮ่น,
ปุน นิ่น อะเฮน้ย ฮนั้ง หม่าย กง เมี่ยน เจี๋ย เหยียด นอม ฮนอย.
โย้บ ก๊อง ม่าย ลั่ม ฮนั้ม เหธา ไม้ ลั่ม ฮนั้ม เญย เจ๊า
7“สี ก๊อง เดี๋ยง หฒุ ก๋อย, หธ่อ ม่าย ลั่ม ฮนั้ม ไฮ่ ธ้วด หธุน.
หธุน หย่า ด๊าว เจี๊ยน มี่ง, ไม้ ตี้ง อ๊ะ.
8ไม้ กุ๊น นิ่น เญย ฑู่ง เยียม เดา-เดี๊ย โก๋,
นิ่น เญย กอน เยียม เดา ไต่,
9เยี้ยด ตุ๊ ววม เญย เฉีย นิ่น ฯฒฯ ธ้วด หธุน,
หย่า ธ้วด ฆว่า ฮนั้ง เดี๋ยง-หลุน นอ.
10มป่า เมี่ยน ไต่, เปว๋ย เจี๊ยน หฒะ เญย.
นิ่น ตั๋ง เฉีย นิ่น ฯฒฯ เยียม หาย?
11ฮนั้ง ค้อย เญย ววม ฆาย,
ด้าย เญย ววม ฮ้าบ หย่า ฆาย,
12เมี่ยน ไต่ มี่ง#14:12 ฮิบลู หว่า ก๊อง เปว๋ย เหฌี่ย. ไม้ แอ๋ง นั่ง ต้าย,
เถา ลู่ง เจี๋ย เหฑ่ง นิ่น ไม้ เญีย,
ฆั้ม นิ่น, นิ่น หย่า ไม้ ไฮ่ เญีย.
13“เฝย ตุ๊ เม่ย เฒาะ เยีย ปี๋ง เจี๊ยน เยี่ยม เกน.
เฝย ตุ๊ เม่ย ท้อง เจี๊ยน เยีย, ฒั้ว เม่ย เญย กะเฉีย ฟิว.
เฝย ตุ๊ เม่ย ตี่ง เหฒียง เฒี่ยง โห่ เหว่ย จั๋ง เยีย.
14สี ก๊อง เมี่ยน ไต่ มี่ง, นิ่น แอ๋ง ไฮ่ นั่ง ต้าย ไฟ?
เยีย ฒั้ว เจี๊ยน น้าย เต๋ย เหยียด ฒู้ง#14:14 เป๊ย หมั่ง โย้บ 7:1. เญย ฮนอย-เหญียะ เจี๋ย,
เถา เยีย ตุ๊ ปู๋ง ฆอย เญย เฒี่ยง โห่.
15เม่ย อ๋อย เห่ว, เยีย ฯฒฯ เตา เม่ย.
เม่ย อ๋อย อะเฮน้ย ตุ๊ ปวัด เม่ย เญย ปั์ว โหฒว ต้าย เญย กะน้าย.
16เถา วั้ว หฒั่น#14:16 ไฟ อี้ หฒั่น. เม่ย อ๋อย ซ้าว เยีย เญย เหฒา-เบี่ย,
มป่า เม่ย ไม้ ฒั้ว เจี๊ยน เฒาะ เยีย โหฒว ต่อง เญย ฒุ์ย.
17เยีย โหฒว ต่อง เญย สี่ เม่ย ตั๊บ เจี๊ยน บัวะ แอ๋ง เบ๊าะ เจี๊ยน เหยียน.
เม่ย หย่า ปวัง เจี๊ยน เยีย เญย ฒุ์ย.
18“มป่า บง บาง ฮู้ หมี่ อ๊ะ.
หละเปย๊ย-ฒอง หย่า ซุ้ย ฆอย เล่ย นิ่น เญย ต๋อง.
19ววม หธง หละเปย๊ย, หละเปย๊ย ฯฒฯ เจีย เหฑ่ง,
ต้ม บยู่ง หย่า กว๊าด เดา-เป้ย เญย เนีย มี่ง.
เม่ย ฟี่ ฮนั้ง เญย เหมียด ป้าม เมี่ยน ม่าย ลั่ม ฮนั้ม เญย ต๋อง.
20เม่ย เหยียด ลิ์ว ฮี่ง เจี๋ย เมี่ยน, นิ่น ฯฒฯ เกวย เสย หมี่ อ๊ะ.
เม่ย ทิ้ว นิ่น เญย เฮมียน หย่า ปุน นิ่น มี่ง หมี่ อ๊ะ.
21นิ่น เญย ตอน บัว ตุ๊ เมี่ยน ท่าย, นิ่น หย่า ไม้ ฮิ้ว.
นิ่น บัว ด๊อด เหฌี่ย ไอ๊, นิ่น หย่า ไม้ ปวัด.
22นิ่น ขูง ไฮ์ นิ่น กั้น เญย ซิน หฒั่ง มุน,
หย่า เหว่ย นิ่น กั้น เฑ่า เญี้ยม.”
Currently Selected:
โย้บ 14: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
