โย้บ 13
13
โย้บ อ๋อย เหธา ทิน-ฮู่ง หลวน เล์ย
1“น้าย เต๋ย เหยียด ฒู้ง สี่ เยีย เญย มฒีง ตุ๊ ปวัด เจี๋ย,
เยีย เญย มน่อม ตุ๊ ไฮ์ เจี๋ย หย่า เม่ง แปะ.
2เม่ย บัว ฮิ้ว เญย, เยีย หย่า ฮิ้ว.
เยีย ไม้ เก้า ไอ๊ เม่ย บัว.
3มป่า เยีย อ๋อย เหธา เน่น เจี๋ย วั้ว เต้า ก๊อง หว่า,
เยีย อ๋อย เหธา ทิน-ฮู่ง หลวน เล์ย.
4เม่ย บัว หล่ง ก๊อง-แปะ เญย หว่า ฑ้าด เจี๊ยน#13:4 น้าย เซ ฮนั้ง หล่ง ฮวุย-แปะ ฑ้าด เจี๊ยน. เม่ย บัว ไม้ ฮิ้ว เญย.
เม่ย บัว เซ ฮนั้ง ไม้ ลั่ม หล่ง เญย เดีย-ไซ.
5เฝย ตุ๊ เม่ย บัว เซ้ก เหฑียะ เญย.
น้าย ฯฒฯ เป๋น เม่ย บัว เญย ธง-เม่ง อ๊ะ.
โย้บ ก๊อง นิ่น เญย ต่อย ไม้ ผุย โหฒว ฒอง-เหฒง
6“อี้ หฒั่น โท้ หมวัง เยีย หลวน เญย เจ๊า
หย่า หมวัง เยีย สู เญย หว่า.
7เม่ย บัว อ๋อย เหว่ย ทิน-ฮู่ง ก๊อง จ๊า เญย หว่า ไฟ?
เม่ย บัว อ๋อย เหว่ย นิ่น ก๊อง-แปะ?
8เม่ย บัว อ๋อย เถง ทิน-ฮู่ง วั้ว ปูง แฑง ไฟ?
เม่ย บัว อ๋อย เหว่ย นิ่น หลวน เล์ย?
9สี ก๊อง นิ่น ฒ่า หมั่ง เม่ย บัว, เม่ย บัว ไฮ่ ตุ๊ หลง ไฟ?
เม่ย บัว ไฮ่ ดั๊ว ทิน-ฮู่ง ฮนั้ง เมี่ยน ดั๊ว เมี่ยน ไฟ?
10สี ก๊อง เม่ย บัว ปี๋ง เจี๊ยน เถง เหยียด ปูง,
นิ่น ด่ง หาย ฒู้ง อ๋อย ก๊อง-เหม เม่ย บัว.
11นิ่น เญย ฮ่าง ต้าว ปุน เม่ย กั้ม เหฑีย,
ฒู้ง แฮะ เม่ย บัว เมา เหฑ่ง ซ่าะ?
12เม่ย บัว เญย หว่า-ผุย ฮนั้ง ซ้าย ไม้ ลั่ม หล่ง,
เม่ย บัว หลวน เญย เล์ย ด่ง ววม-ปั่ม#13:12 ไฟ ปะไน่ เนีย. เมา นอ.
โย้บ อ๋อย เหธา ทิน-ฮู่ง ต๋อย เฮมียน หลวน เล์ย
13“โท้ เม่ย บัว เซ้ก ตั้ง ม่าะ! เยีย อ๋อย ก๊อง.
ฆะฮ้า ไม้ กุ๊น เป๋น หาย หญู่ง, เซว่ย เยีย เป๋น อ๊ะ.
14ไม้ กุ๊น ฮนั้ง หาย นอ เยีย อ๋อย โหฒว อ๊ะ,
เยีย ไม้ ฝุน แหม่ง เญย ก๊อง.#13:14 ฟาน หฒะ ก๊อง “เยีย เฒาะ เยีย เญย อ๊อ หงาด เจี๊ยน, เฒาะ เยีย เญย แหม่ง อัน เจี๊ยน เยีย เญย ปั์ว”.
15ไม้ กุ๊น นิ่น ไต๋ เยีย, เยีย หธ่อ ม่าย ลั่ม ฮนั้ม,#13:15 ไฟ “ไม้ กุ๊น นิ่น ไต๋ เยีย, เยีย ไม้ ลั่ม ฮนั้ม”.
มป่า เยีย หย่า อ๋อย เยียม นิ่น เญย หฑะเฮมียน ปิ๋ว เม่ง เยีย เญย เจ๊า.
16น้าย อ๋อย เป๋น เยีย เญย เหฌียว เอน,
เหว่ย หฒุ ไม้ ท่าย ทิน-ฮู่ง เญย เมี่ยน ไม้ ตุ๊ มี่ง เยียม นิ่น เญย หฑะเฮมียน.
โย้บ โท้ ทิน-ฮู่ง ก๊อง ธ้วด เหว่ย หาย ติ่ว โก๋ นิ่น
17“โท้ หลงๆ เญย หมวัง เยีย ก๊อง เญย หว่า,
หย่า ปุน เยีย สู เญย หว่า เปียะ เม่ย เญย มน่อม.
18เยีย หลิ่ว เล์ย เหฒียง เยีย เญย สี่ อ๊ะ.
เยีย ฮิ้ว ตุ๊ ฒู้ง ปิ๋ว เม่ง เยีย ไม้ ต่อง.
19ม่าย หาย เต้า อ๋อย โก๋ เยีย?
ม่าย นอ, เยีย ฯฒฯ เซ้ก หย่า ไต่.
20“ขูง โท้ ปุน อี หญู่ง เยีย ฮนั้ง,
เยีย ฯฒฯ ไม้ ปี๋ง เม่ย เญย เฮมียน.
21โท้ ฮล้วด เม่ย เญย ปั์ว เล่ย โก เยีย,
หย่า โท้ ไม้ ตู๋ง โหฒว กั้ม เหฑีย เญย สี่ แฮะ เยีย.
22ทิน-ฮู่ง อ่า, กุ๊น เห่ว, เยีย ฯฒฯ เตา.
ไฟ ปุน เยีย ก๊อง, เม่ย หย่า เตา เยีย.
23เยีย เญย ฒุ์ย เหธา โหฒว ต่อง เญย สี่ ม่าย บัวะ เหฒีย?
โท้ ปุน เยีย ฮิ้ว ตุ๊ เยีย โหฒว ต่อง เญย เจ๊า เหธา เยีย ป์าม เญย ฒุ์ย.
โย้บ แอ๋ง งบ ทิน-ฮู่ง
24“เม่ย เหว่ย หาย ติ่ว ปี๋ง เม่ย เญย เฮมียน,
หย่า ฝุน เยีย โหฒว เม่ย เญย วิน-วั้ง?
25เม่ย อ๋อย แฮะ เหยียด คว้าย หฒุ หฑยาว ป่วน เญย เดี๋ยง-น่อม
หย่า หฒุ่น เบย้า ฆ้าว ฆาย ไฟ?
26เม่ย เฟี้ย เจี๊ยน เฮนี้ย ไห่ เญย สี่#13:26 ฮิบลู หว่า ก๊อง อิม ไห่ เญย สี่. โก๋ เยีย,
แอ๋ง ปุน เยีย ดาม-ตอง เยีย หลุน เญย เฒี่ยง โห่ โหฒว เญย ฒุ์ย.
27เม่ย เฒาะ เดี๋ยง กับ เจี๊ยน เยีย เญย เหฒา,
แอ๋ง หมั่ง เจี๊ยน เยีย เญย ติ้วๆ เจ๊า
เม่ย หย่า ตี่ง เหฒียง เยีย เญย เหฒา-เป๊น ธ้าย ตุ๊ เถา เญย ต๋อง.#โย้บ 33:11
28“เมี่ยน กุ๊น โหฒว กุ๊น หฒิด ฮนั้ง กะน้าย-ฮู้,
ฮนั้ง หฒุ แกง หงาด หว่าย เญย ลุย-โหว.
Currently Selected:
โย้บ 13: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
