โย้บ 12
12
โย้บ เตา
โย้บ ก๊อง นิ่น ด่ง โล์-แกง ต่อย ม่าย ธง-เม่ง
1โย้บ ฯฒฯ เตา,
2“เฒ์ย อ๊ะ, เม่ย บัว หฒะเก้ง ไกว ไห่ เญย เมี่ยน.#12:2 ม่าย เต๋ย โซว ฟาน ต้าย ก๊อง “เม่ย บัว เป๋น หฒวัง เมี่ยน เญย เฉีย”.
ธง-เม่ง หย่า อ๋อย เหธา เม่ย บัว เหยียด เหฌี่ย ไต่.
3มป่า เยีย หย่า ม่าย ธง-เม่ง เหธา เม่ย บัว ฟี่ ฮนั้ง เญย.
เยีย ไม้ เก้า ไอ๊ เม่ย บัว.
เม่ย บัว ก๊อง น้าย เต๋ย สี่ ฝู่ง ม่าย หาย เต้า ไม้ ฮิ้ว แล่?
4“เยีย เป๋น เยีย เญย ต่อย จั๊ด เญย กะน้าย.
ฒิ่น ด่าง เยีย โจ้ว ทิน-ฮู่ง, นิ่น หย่า เตา เยีย.
เยีย เซ แป้ง ฟิม, ไม้ ลั่ม เฆ่ม ต๋อง เญย เมี่ยน, หย่า หฒุ เมี่ยน จั๊ด อ๊ะ.
5ออน-เหลาะ เญย เมี่ยน เยียม เฮญี้ยว หมั่ง เผีย หฒุ เหฒะ หน่าน เญย เมี่ยน,
เหฒะ หน่าน ฒู้ง ฒั้ว เจี๊ยน เหฒา บะ พยัด เญย เมี่ยน.
6จั๋น-หฒะ เญย ด๊บ-ลิ่ว แป้ง ออน เญย,
ธัวะ ทิน-ฮู่ง เญย เมี่ยน เยียม ตุ๊ ว้วน,
ไม้ กุ๊น นิ่น บัว หล่ง กั้น เญย ชะ ต๋อง เฒี่ยน.#12:6 ฮิบลู หว่า เซ ไม้ เม่ง. ธั้ม-ป๊วน ฟาน ต้าย ก๊อง “นิ่น บัว เญย ปั์ว นั้น เจี๊ยน นิ่น บัว เญย เฒี่ยน ต้อ ต้าย”.
ทิน-ฮู่ง ปุน แซง-คู้ ม่าย ธง-เม่ง
7“กุ๊น หน่าย แซง-คู้, แซง-คู้ ฯฒฯ หฌาว เม่ย.
หน่าย เยียม ลู่ง เญย เหนาะ, นิ่น บัว ฯฒฯ บั๋ว เม่ย.
8เหธา เดา ก๊อง หว่า, เดา ฯฒฯ หฌาว เม่ย,
เยียม ค้อย เญย เบย์า หย่า อ๋อย ฒุ่น เม่ง บั๋ว เม่ย.
9เยียม น้าย เต๋ย เหยียด ฒู้ง ม่าย หาย หญู่ง
ไม้ ฮิ้ว ตุ๊ เฒี้ยว เญย ปั์ว ฮนั้ง น้าย โหฒว?
10ตะฟ่าน เฒี่ยง เจี๊ยน ม่าย แหม่ง เญย กะน้าย
เหธา หฒวัง ป้าม เมี่ยน เท้า เญย เฉีย เยียม นิ่น เญย ปั์ว.
11มน่อม ไม้ เฒ์ย ไฮ่ เสย หว่า
ฮนั้ง เบียด#12:11 ฟาน หฒะ ก๊อง ฑุ่ย ตู์ง. เสย หญั่น ฮบ เญย เหมวย ไฟ?
12เมี่ยน โก๋ เมี่ยน ม่าย ธง-เม่ง.
เสี่ยว ญ่วน ด๊าว เญย เมี่ยน เก้า ไฮ่ เปียะ เฮญี้ยว.
ทิน-ฮู่ง ม่าย ต้ม ชะ
13“ทิน-ฮู่ง ม่าย ธง-เม่ง เหธา ชะ.
นิ่น ม่าย หฒะเอ๋ย หย่า ไฮ่ เปียะ เฮญี้ยว.
14ทิน-ฮู่ง แธะ เญย, ไม้ ม่าย หาย เต้า ไฮ่ เหธย เจี์ย.
นิ่น หววน เมี่ยน, ไม้ ม่าย หาย เต้า ไฮ่ ปู๋ง.
15สี ก๊อง นิ่น ตั๊ง เจี๊ยน ววม, ววม ฯฒฯ ฆาย.
สี ก๊อง นิ่น ปู๋ง ววม ธ้วด, ววม ฯฒฯ เหยียม เดา-เป้ย.
16ทิน-ฮู่ง ม่าย ชะ, ม่าย ธง-เม่ง,
หฒุ ดั๊ว เญย เหธา ดั๊ว เมี่ยน เญย เมี่ยน เยียม นิ่น เญย ปั์ว-เดี๊ย.
17นิ่น เซ เฒาะ เหฑ่ง ธ่าง ล่าง เมี่ยน เญย ธง-เม่ง,#12:17 น้าย โจ๋ว ฮิบลู หว่า ฟาน หฒะ เซ “...เมี่ยน เญย เหฒา ฌัง เญย มี่ง.” ม่าย เต๋ย โซว ก๊อง “...เมี่ยน แล่ง แก๊ง เญย มี่ง”.
หย่า ปุน เซี้ยม ฒุ์ย เจียน เป๋น กะน้าย-หฮงง.
18นิ่น ไจ๊ ฆอย ฮู่ง เตี๋ย โด้ เมี่ยน เญย หลิ่ม,#12:18 ไฟ “นิ่น ไจ๊ ฆอย โหฒว ฮู่ง เญย จั๋ง-โห่”.
แอ๋ง หล่ง ฮลาง ไซ เจี๊ยน ฮู่ง เญย จ๊าย.
19นิ่น เฒาะ ไซ เมี่ยน แล่ง แก๊ง เญย ต้อ มี่ง,#12:19 น้าย โจ๋ว ฮิบลู หว่า ฟาน หฒะ เซ “...ไซ เมี่ยน เญย เหฒา ฌัง เญย มี่ง.” ม่าย เต๋ย โซว ก๊อง “...ไซ เมี่ยน แล่ง แก๊ง เญย มี่ง”.
หย่า เบี๊ยน ม่าย หลี่ง ม่าย ชะ เญย เมี่ยน.
20นิ่น ปุน เหฒียบ ฒัวะ เญย เมี่ยน#12:20 ไฟ “เมี่ยน เขา ตุ๊ หฒุ เญย เมี่ยน”. เซ้ก เหฑียะ, ไม้ ไฮ่ ก๊อง หว่า,
หย่า เฒาะ ฆอย เมี่ยน โก๋ เญย ธง-เม่ง.
21นิ่น หมั่ง เผีย โหฒว โฮล เญย เมี่ยน,
หย่า เฒาะ ฆอย เฮ้น วั้ว เต๋ย เญย ชะ.#12:21 ฟาน หฒะ ก๊อง “หย่า ไจ๊ ฆอย เฮ้น วั้ว เต๋ย เญย โหว-ฮลาง”.
22นิ่น ปุน เยียม โด, หฮมวัง เญย สี่ หิ่น ธ้วด,
หย่า ต้อ มับ หฮมวัง เญย ต๋อง#12:22 ไฟ เยี่ยม เกน เญย หฮมวัง. เปียะ ฌัง.
23นิ่น ปุน กั๊วะ เฮ้น, หย่า เหมียด นิ่น บัว.
นิ่น ปุน แปะ ฝีง หฮยาง ธั้ม, แอ๋ง กว๊าด นิ่น บัว มี่ง.
24นิ่น เฒาะ ลู่ง เดี๊ย แปะ ฝีง เญย เปย๊ย เฒ้ย เญย ธง-เม่ง มี่ง หมี่ อ๊ะ,
หย่า ปุน นิ่น บัว โย่ว เจี๊ยน กัน ไม้ ม่าย เจ๊า เญย เต่ย-ปูง-ฮวาง มี่ง.
25นิ่น บัว เยียม หฮมวัง กะญั์ว หฮวา เจี๊ยน มี่ง, ไม้ ม่าย ฌัง.
นิ่น หย่า ปุน นิ่น บัว ลู่งๆ ไล่ๆ ฮนั้ง ติ๊ว ฆวิน เญย เมี่ยน นอ.
Currently Selected:
โย้บ 12: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
