โย้บ 11
11
โสฟา ก๊อง ตะเยี้ยด หฑุ่น หว่า
โสฟา ก๊อง โย้บ อ๋อย หฒุ ตี่ง ฒุ์ย เก้า เฮนี้ย
1นาอาเม เมี่ยน, โสฟา, ฯฒฯ เตา ก๊อง,
2“ก๊อง หว่า ด่ง หน่าย ธั้ม ไม้ หฒุ เตา ไฟ?
ก๊อง หว่า ธั้ม เญย เมี่ยน อ๋อย หฒุ ฝุน นิ่น หอบ เญย ไฟ?
3เม่ย ก๊อง เญย เฮ่น หว่า
ไฮ่ ปุน เมี่ยน เซ้ก ไฟ?
เม่ย ฮว้วด เมี่ยน เญย เฒี่ยง โห่,
ไม้ หอบ หฒุ ม่าย เมี่ยน ปุน เม่ย ไญ้ ไฟ?
4เหว่ย หฒุ เม่ย ก๊อง, ‘เยีย ก๊อง เญย โต์-เล์ย เซ เฒียน เญย,
หฒิว ทิน-ฮู่ง หมั่ง, เยีย หย่า ธีง-เหฑ่ง เญย.’
5มป่า เฝย ตุ๊ ทิน-ฮู่ง เหธา เม่ย ก๊อง.
เฝย ตุ๊ นิ่น หมอง ฆอย ฑุ่ย ก๊อง เม่ย.
6นิ่น ฯฒฯ เฒาะ เกม เจี๊ยน เญย ธง-เม่ง บั๋ว เม่ย,
เหว่ย หฒุ นิ่น เญย ธง-เม่ง ม่าย ธั้ม-ปูง.#11:6 น้าย โจ๋ว ฮิบลู หว่า เซ อะ ตุ๊ เม่ง แปะ.
เม่ย อ๋อย หฒุ ฮิ้ว อ๊ะ, ทิน-ฮู่ง ตี่ง เม่ย เญย ฒุ์ย,
ฒู้ง เก้า โหฒะ เม่ย โหฒว ต่อง หอบ หฒุ ตี่ง เญย.
ทิน-ฮู่ง เซ โฮล ไห่
7“เม่ย ไฮ่ ฒ่า ตุ๊ โถว ทิน-ฮู่ง ฮนั้ง หาย นอ ไฟ?
เม่ย ไฮ่ ฮิ้ว ตุ๊ เหฑ่ง เน่น เจี๋ย วั้ว เต้า ไฟ?
8นิ่น เญย ธง-เม่ง เก้า ฮลัง เจี๋ย ลู่ง. เม่ย ไฮ่ โหฒว หาย หญู่ง?
เซ เก้า โด เจี๋ย เยี่ยม เกน. เม่ย ไฮ่ ฮิ้ว หาย หญู่ง?
9เดาะ หมั่ง ก๋า, ฒู้ง เก้า ด๊าว เดา-เป้ย,
หย่า เก้า จั๊ง ค้อย.
10“สี ก๊อง ทิน-ฮู่ง เจี๋ย มี่ง หย่า เฒาะ เม่ย หววน เจี๊ยน,
แอ๋ง เห่ว เซี้ยม ฒุ์ย, หาย เต้า ไฮ่ ล่าน นิ่น?
11ทิน-ฮู่ง ฮิ้ว ตุ๊ ไม้ ลั่ม หล่ง เญย เมี่ยน.
นิ่น ปวัด นิ่น บัว โหฒว เญย หว่าย สี่,
นิ่น หย่า ไม้ เฒ์ย อ๋อย สัม หมั่ง ไฟ?
12มป่า หฮงง เญย เมี่ยน ไฮ่ ม่าย ธง-เม่ง นอ,
เฮยี่ย ล่อ ไฮ่ เหฌี่ย ตอน เป๋น เต้า เมี่ยน อ๊ะ.#11:12 ไฟ เฒียน ล่อ.
โสฟา ก๊อง โย้บ อ๋อย หฒุ ก๊อย เฮญี้ยว หธีง ตุ๊ หลง
13“สี ก๊อง เม่ย เบ่น ซูง เฮญี้ยว
แอ๋ง ซูง เจี๊ยน ปั์ว หูง เจี๊ยน นิ่น,
14สี ก๊อง เม่ย#11:14 ฟาน หฒะ ฮิบลู หว่า เม่ย เญย ปั์ว. ม่าย ฒุ์ย อ๋อย หฒุ กวั่ง โกๆ เญย,
หย่า ไม้ ตู๋ง ปุน หว่าย สี่ เยียม เม่ย เญย ด๊บ-ลิ่ว กะญั์ว.
15วั้ว หฒั่น เม่ย ตุ๊ เธา เฮมียน หย่า ไม้ ลั่ม เฆ่ม ต๋อง,
เม่ย ฯฒฯ เยียม ว้วน หย่า ไม้ กั้ม เหฑีย.
16เม่ย ฯฒฯ หละคุ เม่ย เญย โค้ว หน่าน.
ขูง จั๋ง เจี๊ยน ฮนั้ง เป๋น เหลี่ยว เจี๋ย มี่ง เญย ววม ฮนั้ง.
17เม่ย เฒี่ยง เสย หฒั่ง เญย แหม่ง อ๋อย เก้า ฌัง ลู่ง อ๋าน หฒั่น เญย ฌัง,
ไม้ กุ๊น ม่าย หฮมวัง, มป่า อ๋อย ฮนั้ง ลู่ง ดอม นอ.
18เหว่ย เม่ย ม่าย ลั่ม ฮนั้ม เม่ย ฯฒฯ เยียม ตุ๊ ว้วน.
ทิน-ฮู่ง อ๋อย เปว เจี๊ยน เม่ย, ปุน เม่ย ตุ๊ แป้ง ออน เญย ฮิด ขวน.
19เม่ย อ๋อย เปว๋ย เหฌี่ย, ไม้ ม่าย เมี่ยน แฮะ เม่ย.
เมี่ยน ธั้ม หย่า อ๋อย ต้าย โท้ เม่ย เถง.
20มป่า เอ๊าะ เมี่ยน เญย มฒีง อ๋อย บั๊ว มี่ง,
นิ่น บัว ล์อ ไม้ ปวัด หาย หญู่ง เจ๊า เปย๋า.
นิ่น บัว ม่าย ลั่ม ฮนั้ม เญย เซ ตั๋ง เฉีย ไต่ หมี่ อ๊ะ.”
Currently Selected:
โย้บ 11: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
