เยเลมี 22
22
เยเลมี โต่ว หว่า ขวิน ยูดา ฮู่ง
1 เฒี้ยว ฮนั้ง น้าย ก๊อง, “เหฌี่ย มี่ง เถา ยูดา ฮู่ง เญย ติ่น เยียม วั้ว ก๊อง น้าย เต๋ย หว่า. 2อ๋อย หฒุ ก๊อง, ‘เฒว์ย ดาวิด เญย เหว่ย เญย ยูดา ฮู่ง อ้า! เม่ย เหธา เม่ย เญย เจียน เหธา เปียะ น้าย เต๋ย ฒี่ง แก้ง เญย แปะ ฝีง หมวัง เฒี้ยว เญย หว่า ม่าะ! 3เฒี้ยว ฮนั้ง น้าย ก๊อง, “อ๋อย หฒุ โหฒว แป้ง ฟิม, โหฒว ตุ๊ หอบ, หย่า เหฌียว หฒุ ลู้ เญย เมี่ยน เปย๋า ดุ๊ด เหฒย นิ่น วั้ว เต๋ย เญย ปั์ว-เดี๊ย. ไม้ ตู๋ง โหฒว ต่อง ไฟ โหฒว โตะ กั้น ฝีง เมี่ยน ไฟ กู้ ฮั่น ฝุเจว๊ย ไฟ เอ๊า-กว๊า. เยียม น้าย นอม ต๋อง หย่า ไม้ ตู๋ง ไต๋ ไม้ โหฒว ต่อง เญย เมี่ยน.#22:3 ฟาน หฒะ ก๊อง “ไม้ ตู๋ง ปุน ไม้ โหฒว ต่อง เญย เมี่ยน เญย ฑย้าม เหลี่ยว ธ้วด”. 4สี ก๊อง เม่ย บัว เฒียนๆ หมวัง น้าย เต๋ย หว่า, ฯฒฯ ม่าย เฒว์ย ดาวิด เญย เหว่ย เญย ฮู่ง เตี๋ย เฒว์ย เจี๊ยน ม์า-เธีย, เก้ เจี๊ยน ม์า, เซ นิ่น บัว กั้น เหธา นิ่น บัว เญย เจียน เหธา นิ่น บัว เญย แปะ ฝีง, เปียะ น้าย นอม ฮู่ง ติ่น เญย แก้ง. 5เฒี้ยว ก๊อง, ‘มป่า สี ก๊อง เม่ย บัว ไม้ หมวัง น้าย เต๋ย หว่า, เยีย เฒี้ยง เจี๊ยน เยีย กั้น โฮ้ว หว่า ก๊อง น้าย นอม ฮู่ง ติ่น ฒู้ง หฒุ เป๋น ป่าย ฮวาง เญย ต๋อง.’”#มัดทาย 23:38; ลูกา 13:35
6เหว่ย หฒุ เฒี้ยว ฮนั้ง น้าย ก๊อง เถา ยูดา ฮู่ง เญย ติ่น,
“เม่ย เหว่ย เยีย ฮนั้ง กิเลอาด
หย่า ฮนั้ง เลบานอน เญย บง-นี้ง.
ไม้ กุ๊น ฮนั้ง หน่าย, เยีย ด่ง หาย ฒู้ง อ๋อย ปุน เม่ย เป๋น เต่ย-ปูง-ฮวาง.
เป๋น ไม้ ม่าย เมี่ยน เยียม เญย ฒี่ง.
7เยีย อ๋อย หลิ่ว เล์ย โหฒว เหมียด เญย เมี่ยน ต้าย เบ๊าะ เม่ย,
เก๊าะ-เมี่ยน หย่า ม่าย เก๊าะ-เมี่ยน เญย หวัวะ กิ่น.
นิ่น บัว อ๋อย ก๋อย เม่ย หลง เจี๋ย เญย สีดา ฒ่ง เดี๋ยง
ฒอย เปียะ โต์ว กะญั์ว.
8“ธั้ม-นอม กั๊วะ เญย เมี่ยน อ๋อย เจี๋ย น้าย นอม ฒี่ง, เก๊าะ-เมี่ยน ล่าน หน่าย ล่าน,#22:8 ไฟ “หน่าย นิ่น เญย จวั่ง ล์าง เมี่ยน”. ‘เฒี้ยว เหว่ย หาย ติ่ว ฮนั้ง น้าย โหฒว ปุน น้าย นอม ต้ม ฒี่ง?’ 9นิ่น บัว ฯฒฯ เตา, ‘หลาย นิ่น บัว กวั่ง เฒี้ยว, นิ่น บัว เญย ทิน-ฮู่ง เญย แหง่ง หว่า, ฟู-สู, ป๋าย เหญี่ย เญย เฒี่ยน.’”
10ไม้ ตู๋ง เหว่ย ไต่ มี่ง เญย เมี่ยน เญี้ยม,
ไม้ ตู๋ง เหว่ย นิ่น เฮญี้ยว มุน,
มป่า อ๋อย หฒุ เหว่ย หฒุ กว๊าด มี่ง เญย เมี่ยน เญี้ยม โค้ว,
เหว่ย หฒุ นิ่น ไม้ ตุ๊ แอ๋ง หฑวน ต้าย
ปวัด นิ่น กั้น เญย ป๊วน-เต่ย-ปูง
11เหว่ย หฒุ เฒี้ยว ฮนั้ง น้าย ก๊อง เถา ยูดา ฮู่ง, โยสิยา เญย ตอน, ซันลูม,#22:11 ซันลูม แอ๋ง ม่าย บั๋ว เห่ว เยโฮอาหาด. ต้ง ตี๊ นิ่น เญย เตีย, โยสิยา, โหฒว ฮู่ง, หย่า เล่ย น้าย นอม ต๋อง, “นิ่น ไม้ ตุ๊ แอ๋ง หฑวน น้าย นอม ต๋อง.#2 ฮู่ง โต้ว 23:31-34; 2 ฒุ่น ต่อย โต้ว 36:1-4 12นิ่น อ๋อย หฒุ เยียม นิ่น บัว กว๊าด นิ่น มี่ง เญย ต๋อง ไต่, ไม้ ตุ๊ แอ๋ง ปวัด น้าย นอม เต่ย-ปูง.”
13“โหฒว ไม้ หฒีง เญย เจ๊า ก๊ม นิ่น เญย ติ่น,
หย่า โหฒว ไม้ แป้ง ฟิม เญย สี่ โหฒว กู้ หงว่าย เญย ฉง, วั้ว เต้า หฒุ โค้ว อ๊ะ.
นิ่น แปะๆ หล่ง นิ่น เญย จวั่ง ล์าง เมี่ยน เถง นิ่น โหฒว กง
หย่า ไม้ ปุน กง-ฒิ่น นิ่น บัว.
14นิ่น ก๊อง, ‘เยีย อ๋อย เหว่ย กั้น ก๊ม นอม ต้ม เปย๊า,
กู้ หงว่าย เญย ฉง โหฒว จั๊ง.’
นิ่น ฯฒฯ โหฒว ฟง ม่วน เยียม น้าย เต๋ย ฉง,
แอ๋ง หล่ง สีดา ฒ่ง เดี๋ยง แน้ด เจี๊ยน วั้ว หฌ่ง,
หล่ง ซิ เญย เซ้ด ฑ้าด เจี๊ยน.
15“เม่ย ฮนั้ม ต้าย เม่ย ตุ๊ โหฒว ฮู่ง
เหว่ย หฒุ เป๊ย กั้น เต้า เม่ย หล่ง สีดา ฒ่ง เดี๋ยง โหฒว เปย๊า เก้า หลง?
เม่ย เญย เตีย ไม้ เฒ์ย หญั่น หย่า ฮบ,
โหฒว ตุ๊ หอบ, แป้ง ฟิม เญย ไฟ?
วั้ว หฒั่น นิ่น หย่า ตุ๊ คู่ เยียม.
16นิ่น เถง เมี่ยน จ่ม เมี่ยน เหธา ตั๋ง-ต๋น เมี่ยน เบ่น สี่,
นิ่น กั้น ฯฒฯ ตุ๊ คู่ เยียม.
น้าย ปุน ธีง นิ่น ฮิ้ว ตุ๊ เยีย ไม้ เฒ์ย?”
เฒี้ยว ฮนั้ง น้าย ก๊อง.
17“มป่า เม่ย เญย มฒีง, เม่ย เญย เฮญี้ยว
เหว่ย โต้ว กั้น อ๋อย ตุ๊ ไม้ หฒีง เญย เหล่ย ฒิ่น,
เหว่ย ไต๋ ไม้ โหฒว ต่อง เญย เมี่ยน, ปุน ฑย้าม เหลี่ยว ธ้วด,
หย่า เหฒย เมี่ยน, โหฒว โตะ เมี่ยน.”
18เหว่ย น้าย เฒี้ยว ฮนั้ง น้าย ก๊อง ยูดา เญย ฮู่ง, โยสิยา เญย ตอน, เยโฮยาคิม,
“นิ่น บัว ฯฒฯ ไม้ เหว่ย นิ่น เญี้ยม เจี๊ยน ก๊อง
‘เยีย เญย ก๋อ อ้า! โค้ว อ๊ะ. เยีย เญย ต่อ อ้า! โค้ว อ๊ะ.’
นิ่น บัว หย่า ไม้ เหว่ย นิ่น เญี้ยม เจี๊ยน ก๊อง,
‘เฒี้ยว อ้า! โค้ว อ๊ะ. ฮู่ง เตี๋ย เญย ฌัง-หล่าง โค้ว อ๊ะ.’#2 ฮู่ง โต้ว 23:36—24:6; 2 ฒุ่น ต่อย โต้ว 36:5-7
19นิ่น ฒู้ง หฒุ ปย๊บ ฮนั้ง ปย๊บ เต้า ล่อ นอ,
เซ หฒุ ทอ มี่ง ฒอย กวั่ง เยลูซาเลม เญย ฒี่ง แก้ง กะเหญี่ย.”
20“ฝาว เลบานอน มี่ง หย่า เห่ว ธ้วด,
เยียม บาซาน เห่ว ธ้วด เม่ย เญย เฉีย.
เยียม อาบาลิม เห่ว
เหว่ย หฒุ ฮนั้ม เม่ย วั้ว เต๋ย เหยียด ฒู้ง หฒุ เหมียด หมี่ อ๊ะ.
21เม่ย คู่ เยียม เญย เฒี่ยง โห่, เยีย เหธา เม่ย ก๊อง,
มป่า เม่ย ก๊อง, “เยีย ไม้ หมวัง.”
เยียม เม่ย หลุน เญย เฒี่ยง โห่, เม่ย มต้าย ฮนั้ง หน่าย,
เม่ย ไม้ หมวัง เยีย เญย หว่า.
22เม่ย เญย เหยียด ฒู้ง เปย๊ย เฒ้ย อ๋อย หฒุ กว๊าด มี่ง#22:22 ฟาน หฒะ ก๊อง, “เม่ย เญย เหยียด ฒู้ง โก๋ว ปะกี ยู่ง เมี่ยน อ๋อย หฒุ ฮนั้ง หฑยาว ป่วน มี่ง”.
ฮนั้ม เม่ย เญย เมี่ยน หย่า หฒุ กว๊าด,
เม่ย ฯฒฯ ป่าย เฮมียน, หฒุ ไญ้,
หลาย เม่ย โหฒว เญย เหยียด ฒู้ง เอ๊าะ สี่.
23เยียม ‘เลบานอน’#22:23 น้าย ก๊อง หฒุ เยียม เยลูซาเลม เญย ฮู่ง ติ่น. เป๊ย หมั่ง 1 ฮู่ง โต้ว 7:2. เญย เมี่ยน อ้า!
ต้ง เยียม สีดา ฒ่ง เดี๋ยง บุด๋ง โหฒว เล์า.
เม่ย หฒุ มุน เญย เฒี่ยง โห่
เม่ย อ๋อย หฒุ ด่ง หาย ฌุ่น,
ฮนั้ง มเซียะ ตอน มุน กู้งว์า นอ.”
24 เฒี้ยว ก๊อง, “ยูดา เญย ฮู่ง, เยโฮยาคิม เญย ตอน, โคนิยา อ้า! #22:24 แอ๋ง ม่าย กั้น นอม บั๋ว เห่ว เยโฮยาคีน. เยีย เฒี้ยง เจี๊ยน เยีย กั้น เญย แหม่ง ก๊อง, ไม้ กุ๊น เม่ย เยียม เยีย บย่าว เจี๊ยะ ปั์ว โหฒว เยีย เญย ปั์ว-โด๊ะ-แฑง เหยียน, เยีย หธ่อ อ๋อย ฮลุด ธ้วด มี่ง.#2 ฮู่ง โต้ว 24:8-15; 2 ฒุ่น ต่อย โต้ว 36:9-10 25เยีย อ๋อย เฒาะ เม่ย จิว ปุน ล์อ เม่ย เญย แหม่ง เญย เมี่ยน, จิว ปุน ต้ง เม่ย กั้ม เหฑีย เญย เมี่ยน, เซ จิว ปุน เยียม บาบีโลน ฮู่ง, เนบูคัดเน้ดซา เญย ปั์ว-เดี๊ย เหธา เคนเดีย เมี่ยน เญย ปั์ว-เดี๊ย. 26เยีย อ๋อย เฒาะ เม่ย เหธา ยู์ง เม่ย ต้าย วั้ว เต้า มา เฝง มี่ง เถา กั้น นอม กั๊วะ, ต้ง ไม้ เฒ์ย เม่ย บัว ธ้วด เสย เญย ต๋อง. เม่ย บัว ฯฒฯ อ๋อย หฒุ เยียม วั้ว ไต่. 27มป่า นิ่น บัว ด่ง หาย ฮนั้ม เจี๊ยน อ๋อย หฑวน เญย เต่ย-ปูง นิ่น บัว ไม้ ตุ๊ หฑวน.”
28น้าย เต้า โคนิยา เซ ฮนั้ง นอม หมั่ง เผีย, ฮู้ เญย เนีย-มอ,
ต้ง ไม้ ม่าย หาย เต้า อ๋อย เญย กะน้าย ไฟ?
นิ่น เหธา นิ่น เญย น่าม โญ์ว เหว่ย หาย ติ่ว หฒุ เฝง, หฒุ ฒอย เปียะ
ต้ง นิ่น บัว ไม้ ฮิ้ว เญย เต่ย-ปูง?
29เดา อ้า! เดา อ้า! เดา!
หมวัง เฒี้ยว เญย หว่า ม่าะ!
30 เฒี้ยว ฮนั้ง น้าย ก๊อง,
“อ๋อย หฒุ เฟี้ย เจี๊ยน ก๊อง น้าย ล่าน เมี่ยน ไม้ ม่าย ฝุเจว๊ย.
เยียม นิ่น เฒี่ยง เญย ฮนอย-เหญียะ นิ่น โหฒว ไม้ ธ้วด หาย หญู่ง,
เหว่ย หฒุ ไม้ ม่าย เหยียด เต้า นิ่น เญย เฒ้ย-ฟุน
ตุ๊ เฒว์ย ดาวิด เญย เหว่ย แอ๋ง กุ๊น ยูดา.”
Currently Selected:
เยเลมี 22: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
