เยเลมี 21
21
โต่ว หว่า ก๊อง เยลูซาเลม อ๋อย หฒุ เหมียด
1เยเลมี ตุ๊ ฒิบ เฒี้ยว เญย น้าย เต๋ย หว่า วั้ว หฒั่น, เสเดคียา พ้าย มันคีอา เญย ตอน, ปาดเฮ, เหธา มาอาเสอา เญย ตอน, เสฟันยา ไซ เมี่ยน, มี่ง ล์อ เยเลมี ก๊อง, 2“โท้ เม่ย เหว่ย เยีย บัว หน่าย เฒี้ยว, เหว่ย หฒุ บาบีโลน เญย ฮู่ง, เนบูคัดเน้ดซา, ต้าย เบ๊าะ เยีย บัว. เหฑีย เฒี้ยว เหว่ย เยีย บัว โหฒว หฒิว นิ่น เญย เหยียด ฒู้ง บัวะ ฮ่อง เญย สี่ ฯฒฯ ปุน ฮู่ง เตี๋ย ถุย, เล่ย ฆอย เยีย บัว.”#2 ฮู่ง โต้ว 25:1-11; 2 ฒุ่น ต่อย โต้ว 36:17-21
3เยเลมี ฯฒฯ บั๋ว นิ่น บัว, 4“เม่ย บัว อ๋อย หฒุ บั๋ว เสเดคียา, ‘เฒี้ยว, อิสะลาเอน เญย ทิน-ฮู่ง, ฮนั้ง น้าย ก๊อง, “เยีย อ๋อย ปุน เยียม เม่ย บัว เญย ปั์ว เบ๊าะ จ๋า เญย หวัวะ กิ่น ต๋าว หฑวน ต้าย, ต้ง เม่ย บัว หล่ง เบ๊าะ บาบีโลน ฮู่ง เหธา เยียม ฒี่ง หลาด กะเหญี่ย แหมง เว่ย เจี๊ยน เญย เคนเดีย เมี่ยน. เยีย หย่า อ๋อย เซียว น้าย เต๋ย หวัวะ กิ่น ต้าย เยียม ฒุ้น น้าย นอม ฒี่ง บุด๋ง. 5เยีย กั้น อ๋อย ซูง เยีย เญย ปั์ว, เซ เยีย เฮ้น ไห่ เญย ปั์ว, เฉีย เจี์ย เจี๊ยน, โน์ว ไห่, กะเฉีย แป๊ด ธ้วด เบ๊าะ เม่ย บัว. 6เยีย อ๋อย เบ๊าะ เยียม น้าย นอม ฒี่ง เญย เมี่ยน, เลี่ยม เมี่ยน เลี่ยม แซง-คู้ ฒู้ง หฒุ ต้ม ววน-แป่ง ไต่.” 7เฒี้ยว ก๊อง, “ฆะฮ้า เยีย อ๋อย เฒาะ ยูดา ฮู่ง, เสเดคียา, เหธา นิ่น เญย เจียน เหธา น้าย นอม ฒี่ง เญย แปะ ฝีง, ต้ง เปย๋า ดุ๊ด ววน-แป่ง, หฑุ ด๊าว เหธา หง่อ หฮนาง เญย เจ๊า วั้ว เต๋ย, จิว ปุน เยียม บาบีโลน เญย ฮู่ง, เนบูคัดเน้ดซา, เญย ปั์ว-เดี๊ย, หย่า จิว ปุน เยียม นิ่น บัว เญย วิน-วั้ง เญย ปั์ว-เดี๊ย, เหธา ล์อ นิ่น บัว เญย แหม่ง วั้ว เต๋ย เมี่ยน เญย ปั์ว-เดี๊ย. บาบีโลน ฮู่ง ฯฒฯ หล่ง หฑุ ด๊าว ไหล่ ไต๋ นิ่น บัว, ไม้ ค้อ-ฟิ นิ่น บัว, ไม้ เลี่ยว นิ่น บัว, ไม้ ค้อ-เลี่ยน นิ่น บัว.
8“เม่ย บัว หย่า อ๋อย หฒุ บั๋ว น้าย เต๋ย แปะ ฝีง, ‘เฒี้ยว ฮนั้ง น้าย ก๊อง, “เยีย เฒาะ เฒี่ยง เญย เจ๊า เหธา ไต่ เญย เจ๊า อัน เจี๊ยน เม่ย บัว เญย หฑะเฮมียน. 9หาย เต้า เยียม เจี๊ยน น้าย นอม ฒี่ง ฒู้ง หฒุ หฑุ ด๊าว, หฒุ หง่อ หฮนาง, หฒุ ววน-แป่ง ไต่. มป่า หาย เต้า ธ้วด มี่ง เฒาะ กั้น จิว ปุน เว่ย เจี๊ยน เม่ย บัว เญย เคนเดีย เมี่ยน, วั้ว เต้า ฯฒฯ ตุ๊ แหม่ง เฒี่ยง, เซ ตุ๊ นิ่น เญย แหม่ง เป๋น เบ๊าะ จ๋า ตุ๊ ต้าย เญย ฒี่ง เหญ่ย. 10เยีย เบี๊ยน เยีย เญย เฮมียน โหฒว ปุน น้าย นอม ฒี่ง, ปุน ฒี่ง หฒุ เธี้ยว, ไม้ เฒ์ย ตุ๊ หลง. น้าย นอม ฒี่ง ฒู้ง หฒุ จิว ปุน บาบีโลน ฮู่ง. นิ่น ฯฒฯ หล่ง โต์ว ปั๊ว.”
โต่ว หว่า ก๊อง ยูดา ฮู่ง เญย เฒ้ย-ฟุน
11“อ๋อย หฒุ ก๊อง บั๋ว ยูดา ฮู่ง เญย เฒ้ย-ฟุน, ‘หมวัง เฒี้ยว เญย หว่า ม่าะ! 12ดาวิด เญย เฒ้ย-ฟุน อ้า! เฒี้ยว ฮนั้ง น้าย ก๊อง,
“‘ดอมๆ อ๋อย หฒุ แป้ง ฟิม เญย เซี้ยม,
เหฌียว หฒุ ลู้ เญย เมี่ยน เปย๋า ดุ๊ด
เหฒย เมี่ยน วั้ว เต้า เญย ปั์ว-เดี๊ย.
เฑ่า เหย หลาย เม่ย บัว โหฒว เญย เอ๊าะ สี่,
เยีย เญย กะเฉีย แป๊ด ธ้วด ฮนั้ง โต์ว นอ,
เหฒียะ เจี๊ยน หย่า ไม้ ม่าย หาย เต้า ไฮ่ เบ๊าะ ไต่.’
13 เฒี้ยว ก๊อง, ‘เยียม ฮ์อง เญย แปะ ฝีง#21:13 ม่าย เต๋ย โซว ก๊อง, เยลูซาเลม. ม่าย เต๋ย ก๊อง เอ๋ย เล์ย เซ “เยียม ฮ์อง กู้ หงว่าย เญย เมี่ยน”. อ้า! เยีย อ๋อย เบ๊าะ เม่ย บัว.
เม่ย บัว เยียม เดา-แป้ง เญย หละเปย๊ย เญย เมี่ยน
ก๊อง, “หาย เต้า อ๋อย เหฌี่ย ต้าย เบ๊าะ เยีย บัว?
ไฟ หาย เต้า อ๋อย เปียะ เยีย บัว เยียม เญย ต๋อง?”
14 เฒี้ยว ก๊อง, ‘หฒิว เม่ย บัว โหฒว เญย สี่
เยีย อ๋อย ตี่ง เม่ย บัว เญย ฒุ์ย.
เยีย อ๋อย เยียม น้าย นอม ฒี่ง เญย เก้ม เตี๊ยม เหฒียะ โต์ว.
โต์ว ฯฒฯ ปั๊ว ชุย เว่ย ก๋อม ฒี่ง เญย เหยียด ฒู้ง.’”
Currently Selected:
เยเลมี 21: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
