เยเลมี 14
14
ลู่ง ฮ์าน, เต่ย-ปูง หฒุ โค้ว
1น้าย เซ เยเลมี แอ๋ง ฒิบ เฒี้ยว เญย หว่า ก๊อง เถา ลู่ง ฮ์าน เญย สี่. เฒี้ยว ก๊อง,
2“ยูดา เฑ่า เญี้ยม,
นิ่น เญย ฒี่ง#14:2 ฮิบลู หว่า ก๊อง ฒี่ง แก้ง. น้าย เป๊ย ยูดา เญย นอมๆ ฒี่ง. โค้ว เจี๊ยน เหฌี่ย.
นิ่น เญย แปะ ฝีง เฒว์ย เจี๊ยน เดา เฑ่า เญี้ยม,
ม่าย เห่ว เจี๊ยน เญย เฉีย เยียม เยลูซาเลม ฝาว.
3เยียม ฒี่ง โหฒว โฮล เญย เมี่ยน เห่ว นิ่น บัว เญย โปว มี่ง ฒ่าง ววม.
นิ่น บัว มี่ง เถา เซียว ววม เญย ค้วด
ปวัด ไม้ ม่าย ววม.
นิ่น บัว ต้อ เจี๊ยน อ๋ง-ขูง หฑวน,
นิ่น บัว ไญ้, หฒุ ป่าย เฮมียน,
ฯฒฯ ปวัง เจี๊ยน มฆ้อง.
4หลาย ไม้ ม่าย บยู่ง เหฌี่ย เดา-เป้ย,
เดา ฆาย, แฑะ,
โหฒว เด่ย เญย เมี่ยน ไญ้,
ปวัง เจี๊ยน มฆ้อง.
5เลี่ยม เยียม หล่ม-ฮวาง เญย ไฌ่ เญ์ย กวั่ง นิ่น โธะ โหะ เหฌี่ย เญย ตอน
เหว่ย หฒุ ไม้ ม่าย เมี้ย.
6เฮยี่ย ล่อ โซ้ว เจี๊ยน บง กู้ หงว่าย, ฮลัง เญย ต๋อง
เท้า เฉีย แฮๆ เญย ฮนั้ง เฮยี่ย จู๊ นอ.
เฮยี่ย ล่อ เญย มฒีง ไม้ ฌัง
เหว่ย หฒุ ไม้ ม่าย เมี้ย.”
7 เฒี้ยว อ่า, ไม้ กุ๊น เยีย บัว เญย ฒุ์ย โหฒว ฒอง-เหฒง โก๋ เยีย บัว,
โท้ เม่ย เหว่ย เม่ย เญย เม่ง โหฒว เหยียด หญู่ง.
เยีย บัว ถุย ฆาง เล่ย เม่ย ธั้ม-หฑุ่น.
เยีย บัว ป์าม ฒุ์ย ต่อง เม่ย.
8เม่ย เซ ต้ง อิสะลาเอน เมี่ยน ม่าย ลั่ม ฮนั้ม วั้ว เต้า.
เยีย บัว หฒุ โค้ว เญย เฒี่ยง โห่ เม่ย โหฒว นิ่น บัว เญย เหฌียว เฒี้ยว.
เม่ย เยียม น้าย นอม เต่ย-ปูง เม่ย เหว่ย หาย ติ่ว ฮนั้ง แคะ เมี่ยน
หย่า ฮนั้ง เจี๋ย เจ๊า ฮิด ม์วน ป๊า เญย เมี่ยน?
9เม่ย เหว่ย หาย ติ่ว ฮนั้ง เต้า เลี่ยม เฒ่ย เฮญี้ยว หลุ่น,
หย่า ฮนั้ง เต้า เมี่ยน เฮ้น เมี่ยน เหฌียว ไม้ ตุ๊ หาย เต้า.
มป่า เฒี้ยว อ่า, เม่ย เยียม เยีย บัว บุด๋ง.
เยีย บัว เป๋น กัน เม่ย เญย บั๋ว เห่ว เญย เมี่ยน.#14:9 เซ นิ่น เญย แปะ ฝีง.
โท้ ไม้ ตู๋ง กวั่ง เยีย บัว.
10 เฒี้ยว ฮนั้ง น้าย ก๊อง เถา น้าย เต๋ย แปะ ฝีง.
“นิ่น บัว อะเฮน้ย ฮนั้ง น้าย โย่ว เจี๊ยน มี่ง,
ไม้ โหฒว หาย หญู่ง ปุน นิ่น บัว เญย เหฒา ตี้ง.
เหว่ย น้าย เฒี้ยว ไม้ อะเฮน้ย นิ่น บัว,
อี้ หฒั่น นิ่น อ๋อย จั๋ง นิ่น บัว เญย ฒุ์ย-หนิบ,
หย่า ตี่ง นิ่น บัว เญย ฒุ์ย.”
11 เฒี้ยว แอ๋ง ก๊อง บั๋ว เยีย, “ไม้ ตู๋ง เหว่ย น้าย เต๋ย แปะ ฝีง เต๋า เก๋า โท้ ปุน นิ่น บัว ตุ๊ คู่ เยียม. 12ไม้ กุ๊น นิ่น บัว เฒย ไม้ หญั่น หาย หญู่ง, เยีย ไม้ หมวัง นิ่น บัว เห่ว เจี๊ยน โท้ เญย เฉีย. ไม้ กุ๊น นิ่น บัว ฝ่ง ห่อ ปั๊ว เหฒี่ย เญย กะน้าย เหธา เหฒี่ย เญย ล่าง หฒิ, เยีย ไม้ ฒิบ นิ่น บัว. เยีย อ๋อย ปุน นิ่น บัว หฒุ หฑุ ด๊าว, หฒุ หง่อ หฮนาง, หย่า หฒุ ววน-แป่ง เหมียด นิ่น บัว.”
13เยีย ฯฒฯ ก๊อง, “อา, เฒี้ยว ทิน-ฮู่ง อ้า! วั้ว เต๋ย โต่ว หว่า เมี่ยน บั๋ว นิ่น บัว, ‘เม่ย บัว ฒู้ง ไม้ ปวัด หฑุ ด๊าว หย่า ไม้ ปวั้ง หฒุ หง่อ หฮนาง. เยีย ฮนั้ง หาย อ๋อย ปุน เม่ย บัว เยียม น้าย นอม ต๋อง ตุ๊ แป้ง ออน.’”
14 เฒี้ยว แอ๋ง ก๊อง บั๋ว เยีย, “น้าย เต๋ย โต่ว หว่า เมี่ยน เต๊ง เยีย เญย บั๋ว โต่ว จ๊า เญย หว่า. เยีย ไม้ เห่ว นิ่น บัว มี่ง, ไม้ พ้าย นิ่น บัว หย่า ไม้ เหธา นิ่น บัว ก๊อง หว่า. นิ่น บัว หล่ง จ๊า หิ่น ย่าง เญย สี่ โต่ว หว่า ปุน เม่ย บัว. นิ่น บัว โบ๊ว กว๋า หย่า ไม้ ลั่ม หล่ง. นิ่น บัว ขูง หฒิว กั้น เญย เฮญี้ยว ดั๊ว กั้น. 15เหว่ย น้าย เฒี้ยว ฮนั้ง น้าย ก๊อง เต๊ง เยีย เญย บั๋ว โต่ว หว่า ไม้ กุ๊น เยีย ไม้ เห่ว นิ่น บัว วั้ว เต๋ย โต่ว หว่า เมี่ยน. นิ่น บัว ก๊อง, ‘หฑุ ด๊าว เหธา หง่อ หฮนาง เญย เจ๊า ฒู้ง ไม้ เถา น้าย นอม เต่ย-ปูง.’ น้าย เต๋ย โต่ว หว่า เมี่ยน ฒู้ง อ๋อย หฒุ หฑุ ด๊าว เหธา หง่อ หฮนาง เญย เจ๊า เหมียด เหฑ่ง. 16หมวัง นิ่น บัว โต่ว หว่า วั้ว เต๋ย เมี่ยน อ๋อย หฒุ หง่อ หฮนาง เหธา หฑุ ด๊าว, ฯฒฯ หฒุ ฒอย กวั่ง เยียม เยลูซาเลม เญย จาย-ห่อง, หย่า ไม้ ม่าย หาย เต้า ปย๊บ นิ่น บัว, เลี่ยม นิ่น บัว กั้น, นิ่น บัว เญย เอ๊า เหธา นิ่น บัว เญย น่าม โญ์ว. เหว่ย หฒุ เยีย อ๋อย เฒาะ นิ่น บัว โหฒว เอ๊าะ เญย เจ๊า โต๋ เหฌี่ย วิ่น ปุน นิ่น บัว.
17“เม่ย อ๋อย หฒุ ก๊อง น้าย โจ๋ว หว่า บั๋ว นิ่น บัว,
‘โท้ ปุน เยีย เญย มฒีง
เฒี่ยง ฮนอย เฒี่ยง ม์วน เหลี่ยว ววม-เหมว่ย, ไม้ ตู๋ง ปุน ตี้ง.
เหว่ย หฒุ เยีย เญย แปะ ฝีง#14:17 ฟาน หฒะ ก๊อง “เยีย เญย แปะ ฝีง, ไม้ หฑย่าว เจี๋ย ตอน เญย เซียะ”.
หฒุ เบ๊าะ ตุ๊ เฮนี้ย,
หฒุ มุน ตุ๊ เซียง.
18สี ก๊อง เยีย ธ้วด มี่ง หล่ม-ฮวาง
เยีย ปวัด หฒุ หฑุ ด๊าว ไต๋ เญย เมี่ยน.
สี ก๊อง เยีย เปียะ ฒี่ง,
เยีย ปวัด เมี่ยน หลาย หง่อ หฮนาง หฒุ แป่ง.
เหว่ย หฒุ โต่ว หว่า เมี่ยน เหธา ไซ เมี่ยน เยียม กั๊วะ กะญั์ว,
หฒิว หฒั่นๆ โหฒว เญย กง โหฒว,
มป่า นิ่น บัว ไม้ ฮิ้ว หาย หญู่ง.’”#14:18 ไฟ “โต่ว หว่า เมี่ยน เหธา ไซ เมี่ยน หฒุ กวั๊ด มี่ง เถา นิ่น บัว ไม้ ฮิ้ว เญย เต่ย-ปูง”.
แปะ ฝีง ชะ โท้ เฒี้ยว
19เม่ย กวั่ง เหฑ่ง ยูดา ไฟ?
เม่ย เญย เฮญี้ยว โหยว ไห่ สิโอน ไฟ?
เม่ย เหว่ย หาย ติ่ว เบ๊าะ เยีย บัว
เถา หฒ่อ ไม้ หลง?
เยีย บัว ล์อ แป้ง ออน
มป่า ไม้ ตุ๊ หาย หญู่ง หลง.
เยีย บัว ฒั้ว เจี๊ยน เฒี่ยง โห่ หฒ่อ หลง,
ต๋าว หฑวน หฒุ กั้ม เหฑีย.
20 เฒี้ยว อ่า, เยีย บัว เหญี่ยม เยีย บัว โหฒว เอ๊าะ เญย สี่,
เหธา เยีย บัว เญย อง-ถาย เญย ฒุ์ย-หนิบ,
เหว่ย หฒุ เยีย บัว ป์าม ฒุ์ย ต่อง เม่ย.
21โท้ เม่ย เหว่ย เม่ย เญย เม่ง ไม้ ตู๋ง เฆ่ม เยีย บัว.
โท้ ไม้ ตู๋ง ปุน เมี่ยน ไม้ ท่าย เม่ย ฌัง-หล่าง เญย เหว่ย.
จั๋ง เจี๊ยน, ไม้ ตู๋ง ปู๋ง ด๊อด
เม่ย เหธา เยีย บัว แล์ง เจี๋ย เญย แหง่ง หว่า.
22เยียม หม่าน กั๊วะ เมี่ยน บุด๋ง
ม่าย หาย เต้า จ๊า เญย เฒี่ยน ไฮ่ ปุน ลู่ง ตุ้ย บยู่ง?
ลู่ง กั้น ไฮ่ โหฒว ปุน บยู่ง เหฌี่ย ไฟ?
เฒี้ยว, เยีย บัว เญย ทิน-ฮู่ง อ้า!
เซ ต้ง เม่ย โหฒว.
ฮนั้ง หน่าย เยีย บัว ม่าย ลั่ม ฮนั้ม เญย เซ เยียม เม่ย,
เหว่ย หฒุ น้าย เต๋ย เหยียด ฒู้ง เซ เม่ย โหฒว เญย.
Currently Selected:
เยเลมี 14: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
