Popular Bible Verses from เย​เล​มี 14

Share

เยียม หม่าน กั๊วะ เมี่ยน บุด๋ง ม่าย หาย เต้า จ๊า เญย เฒี่ยน ไฮ่ ปุน ลู่ง ตุ้ย บยู่ง? ลู่ง กั้น ไฮ่ โหฒว ปุน บยู่ง เหฌี่ย ไฟ? เฒี้ยว, เยีย บัว เญย ทิน-ฮู่ง อ้า! เซ ต้ง เม่ย โหฒว. ฮนั้ง หน่าย เยีย บัว ม่าย ลั่ม ฮนั้ม เญย เซ เยียม เม่ย, เหว่ย หฒุ น้าย เต๋ย เหยียด ฒู้ง เซ เม่ย โหฒว เญย.

เฒี้ยว อ่า, ไม้ กุ๊น เยีย บัว เญย ฒุ์ย โหฒว ฒอง-เหฒง โก๋ เยีย บัว, โท้ เม่ย เหว่ย เม่ย เญย เม่ง โหฒว เหยียด หญู่ง. เยีย บัว ถุย ฆาง เล่ย เม่ย ธั้ม-หฑุ่น. เยีย บัว ป์าม ฒุ์ย ต่อง เม่ย.

เฒี้ยว อ่า, เยีย บัว เหญี่ยม เยีย บัว โหฒว เอ๊าะ เญย สี่, เหธา เยีย บัว เญย อง-ถาย เญย ฒุ์ย-หนิบ, เหว่ย หฒุ เยีย บัว ป์าม ฒุ์ย ต่อง เม่ย. โท้ เม่ย เหว่ย เม่ย เญย เม่ง ไม้ ตู๋ง เฆ่ม เยีย บัว. โท้ ไม้ ตู๋ง ปุน เมี่ยน ไม้ ท่าย เม่ย ฌัง-หล่าง เญย เหว่ย. จั๋ง เจี๊ยน, ไม้ ตู๋ง ปู๋ง ด๊อด เม่ย เหธา เยีย บัว แล์ง เจี๋ย เญย แหง่ง หว่า.