อิสะยา 47
47
บาบีโลน หฒุ เซี้ยม ตี่ง
1“โอ บาบีโลน ฒี่ง เญย เมี่ยน อ้า!#47:1 ฟาน หฒะ ก๊อง “บาบีโลน เญย ไม้ เปว๋ย เจี๋ย ตอน เญย เซียะ”.
เหฌี่ย ต้าย เฒว์ย เจี๊ยน เนีย-บูง ม่าะ!
เคนเดีย เมี่ยน อ้า!#47:1 ฟาน หฒะ ก๊อง “เคนเดีย เญย เซียะ”. ก๊อง หฒุ บาบีโลน เมี่ยน ฟี่ ฮนั้ง เญย.
เม่ย ไม้ ม่าย เหว่ย เฒว์ย. อ๋อย หฒุ เฒว์ย เจี๊ยน เดา.
เยียม น้าย มี่ง เมี่ยน ไม้ เห่ว เม่ย โหฒว
เมา เญย, ปั์ว-เหฒา หลุน เญย เมี่ยน.#อิสะยา 13:1—14:23; เยเลมี 50:1—51:64
2นั้น หม่อ หม่อ บ๊วน ม่าะ!
เฒาะ ฆอย บย์อง เฮมียน เญย เดีย.
ไจ๊ ฆอย เม่ย เญย ลุย-ด๊าว,
ปุน ธั่ม ฒุ่ย ธ้วด, ยั่ง เจ๊า เจี๋ย โด๊ะ.
3เม่ย เญย ซิน อ๋อย หฒุ แล่ง แก๊ง เญย เยียม,
เม่ย เญย ปี๋ง-เธี้ยว ฯฒฯ ธ้วด.
เยีย อ๋อย จ๊าว วิน,
เยีย หย่า ไม้ หญ่าง#47:3 ไฟ เลี่ยว. หาย เต้า.”
4หฒัวะ เยีย บัว วั้ว เต้า เญย บั๋ว เห่ว เน่น เจี๋ย เญย เฒี้ยว.
นิ่น เซ อิสะลาเอน เญย ธีง-เหฑ่ง ทิน-ฮู่ง.
5“โอ บาบีโลน เมี่ยน อ่า,#47:5 ไฟ เคนเดีย เมี่ยน เญย เซียะ. เฒว์ย เจี๊ยน เซ้กๆ เญย
หย่า เปียะ หฮมวัง เญย ต๋อง.
เยียม น้าย มี่ง เมี่ยน ไม้ เห่ว เม่ย โหฒว
เหฒีย กั๊วะ เญย ฮู่ง หม่า.
6เยีย เฉีย เจี์ย เยีย เญย แปะ ฝีง,
ฯฒฯ ปุน เยีย หฑิบ เญย ป่วน ม่าย หวุย.
เยีย เฒาะ นิ่น บัว จิว ปุน เยียม เม่ย บัว เญย ปั์ว-เดี๊ย.
เม่ย บัว หย่า ไม้ ค้อ-เลี่ยน นิ่น บัว.
เม่ย บัว เฒาะ เดี๋ยง-ก์า เฮนี้ย เญย
ก์า เจี๊ยน เมี่ยน โก๋ เมี่ยน.
7เม่ย กั้น ก๊อง, ‘เยีย เหยียด ลิ์ว ตุ๊ โหฒว ฮู่ง หม่า.’
มป่า เม่ย ไม้ หลงๆ เญย ฮนั้ม เถา น้าย เต๋ย สี่,
หย่า ไม้ จั๋ง น้าย เต๋ย สี่ เซ้ด เมว์ย อ๋อย ฮนั้ง หาย นอ.
8“เม่ย ฮนั้ม เฌียน-โย่ว,
เฒว์ย เจี๊ยน ไฮ์ เยียม ตุ๊ ว้วน เญย เมี่ยน อ้า!
หมวัง น้าย เต๋ย หว่า ม่าะ!
เม่ย เยียม เฮญี้ยว ฮนั้ม ต้าย
‘ขูง ม่าย เยีย. ธ้วด ลิ์ว เยีย ไม้ ม่าย กั้น เต้า.
เยีย เหยียด ลิ์ว ไม้ โหฒว เอ๊า-กว๊า
หย่า ไม้ หฒุ กวั่ง ฝุเจว๊ย.’#หล่าว ย่าง 18:7-8
9เหยียด ซี่ เกน ฮนั้ง, เยียม เหยียด ฮนอย กะญั์ว,
เม่ย อ๋อย หฒุ ปวั้ง น้าย เต๋ย อี หญู่ง สี่ ปวั๊ง เหฑ่ง,
เซ อ๋อย หฒุ กวั่ง ฝุเจว๊ย หย่า เป๋น เอ๊า-กว๊า,
ไม้ กุ๊น เม่ย โหฒว ฟ้าด ธั้ม,
หย่า โหฒว เหฒีย หญู่ง โฮ้ว เญย หว่า.
10เม่ย เขา กั้น โหฒว เญย เอ๊าะ สี่
ฯฒฯ ก๊อง, ‘ไม้ ม่าย หาย เต้า ปวัด เยีย.’
เม่ย เญย ธง-เม่ง เหธา ว่วน ฒาง ต้อ เม่ย ต่อง เจ๊า,
เม่ย ฯฒฯ เยียม เฮญี้ยว ฮนั้ม,
‘ขูง ม่าย เยีย. ธ้วด ลิ์ว เยีย ไม้ ม่าย กั้น เต้า.’
11มป่า เม่ย อ๋อย หฒุ ปวั้ง เธี้ยว เญย สี่.
เม่ย หย่า ไม้ ไฮ่ โหฒว ฟ้าด แฆะ ดุ๊ด.
เม่ย อ๋อย หฒุ ปวั้ง ต้ม เหฒะ หน่าน,
หย่า ไม้ ม่าย หาย หญู่ง ไฮ่ เสีย ตุ๊ ธ้วด.
เม่ย จั๋ง ไม้ หฒ่าย เญย เฒี่ยง โห่
เม่ย เลี่ยม เฒ่ย หฒุ เหมียด.
12“เหลียบ ว้วน เม่ย หลุน เญย เฒี่ยง โห่ ชะ โหฒว เญย ฟ้าด,
เหธา เหฒีย หญู่ง โฮ้ว เญย หว่า ม่าะ!
เหฑีย เม่ย ไฮ่ ตุ๊ หลง,
เหฑีย ไฮ่ แฮะ เมี่ยน ซิน หฒิน.
13เม่ย ธ่าง ล่าง ธั้ม เถา เม่ย ฒู้ง โค้ว ไห่.
ปุน หมั่ง ลู่ง สัม เหฮลย เญย เมี่ยน,
เซ ปั่ง เซียง-หฮลา ก๊อง ฒิ่น โฮ์ หว่า เญย เมี่ยน,
ธ้วด ต้าย เหฌียว เม่ย เปย๋า ดุ๊ด เม่ย อ๋อย หฒุ ปวั้ง เญย สี่.
14หมั่ง ม่าะ! นิ่น บัว เซ ฮนั้ง เบย้า ฆ้าว กอน,
นิ่น บัว อ๋อย หฒุ โต์ว ปั๊ว ชุย.
นิ่น บัว เหฌียว ไม้ ตุ๊ นิ่น บัว กั้น
เปย๋า ดุ๊ด โต์ว เญย ชะ.
น้าย ไม้ เฒ์ย ไฮ่ เถง เมี่ยน เซี้ยว เญย โต์ว-ถาน,
หย่า ไม้ เฒ์ย ปุน เมี่ยน หฑาว เญย โต์ว.
15ต้ง เม่ย เหธา เจี๊ยน โหฒว กง เญย เมี่ยน,
เซ เยียม เม่ย หลุน เญย เฒี่ยง โห่ เม่ย เหธา นิ่น บัว ม์าย หม่าย,
ขูง ไฮ่ เถง เม่ย ด่ง น้าย ฮนั้ง.
นิ่น บัว เก๊าะ-เมี่ยน กัน เก๊าะ-เมี่ยน เญย เจ๊า,
ไม้ ม่าย เหยียด เต้า ไฮ่ เหฌียว เม่ย.
Currently Selected:
อิสะยา 47: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
