อิสะยา 48
48
อิสะลาเอน แหง่ง ทิน-ฮู่ง
1“โอ ยาโค้บ เญย เฒ้ย-ฟุน อ้า! หมวัง น้าย เต๋ย หว่า ม่าะ!
เม่ย บัว กัน อิสะลาเอน เญย บั๋ว เห่ว,
หย่า โหฒว ยูดา เญย เฒ้ย-ฟุน.
เม่ย บัว เฒี้ยง เจี๊ยน เฒี้ยว เญย บั๋ว โฮ้ว หว่า,
หย่า เห่ว เจี๊ยน อิสะลาเอน เญย ทิน-ฮู่ง.
มป่า เม่ย บัว ไม้ เฒ์ย เฮญี้ยว หฒีง, โหฒว ตุ๊ หอบ เญย เมี่ยน.
2เม่ย บัว ก๊อง กั้น เป๋น ธีง-เหฑ่ง ฒี่ง เญย เมี่ยน,
หย่า เขา อิสะลาเอน เญย ทิน-ฮู่ง.
นิ่น เญย บั๋ว เห่ว เน่น เจี๋ย เญย เฒี้ยว.
3เจี๋ย ลิ์ว เญย สี่ เยีย จา-ด่าง ก๊อง บั๋ว เม่ย บัว.
เซ เยียม เยีย เญย ฑุ่ย ธ้วด เยีย หย่า ฒุ่น บั๋ว เมี่ยน.
เยีย เลี่ยม เฒ่ย โหฒว ฯฒฯ เอย วั้ว ธ้วด ต้าย.
4เหว่ย หฒุ เยีย ฮิ้ว ตุ๊ เม่ย มน่อม โฮ์,
จาง เญย จาน ฮนั้ง เฮลียะ,
เม่ย เญย ปย้อง หย่า ฮนั้ง ต้ง ซิ.
5เหว่ย น้าย โล์-ฮนอย เยีย เฒาะ น้าย เต๋ย สี่ ก๊อง ปุน เม่ย ฮิ้ว.
น้าย เต๋ย สี่ ไม้ แก้ง ธ้วด เญย เฒี่ยง โห่ เยีย จา-ด่าง บั๋ว เม่ย.
เหฑีย เม่ย อ๋อย ก๊อง, ‘เยีย เญย หมิ่ว-ฝัง โหฒว น้าย เต๋ย สี่.
เยีย ติว ต้าย เหธา โต๋ ต้าย เญย หมิ่ว-ฝัง หัด น้าย เต๋ย สี่ ธ้วด ต้าย.’
6เม่ย ไฮ์ ลิ์ว, อี้ หฒั่น ปวัด เจี๊ยน
น้าย เต๋ย เหยียด ฒู้ง สี่ อ๊ะ.
เม่ย หย่า ไม้ แล์ง ไฟ?
“เยียม น้าย มี่ง เยีย เฒาะ เซียง-สี่,
ต้ง เม่ย ไม้ ฮิ้ว เญย,
เกม เจี๊ยน เญย สี่ บั๋ว เม่ย.
7น้าย เต๋ย สี่ เซ อี้ หฒั่น ธ้วด ต้าย เซียง เญย สี่,
ไม้ เฒ์ย โล์-ฮนอย ม่าย เญย.
น้าย เต๋ย สี่ ฒิ่น ด่าง เม่ย ไม้ ไฮ์ เจี๋ย. อี้ ฮนอย โธะ โหะ ไฮ์.
เหฑีย เม่ย ก๊อง, ‘เฒ์ย เญย. วั้ว เต๋ย สี่ เยีย ฮิ้ว หมี่ อ๊ะ.’
8เม่ย ไม้ ไฮ์ เจี๋ย หย่า ไม้ ฮิ้ว ตุ๊.
เยียม โล์-ฮนอย ต้าย, เม่ย เญย มน่อม ฒด เจี๊ยน.
เยีย ฮิ้ว ตุ๊ เม่ย ไฮ่ เบี๊ยน เฮญี้ยว เญย.
เม่ย ธ้วด เสย ต้าย ฒู้ง ตุ๊ บั๋ว เห่ว เฮญี้ยว แหง่ง เญย เมี่ยน.
9เหว่ย เยีย กั้น เญย เม่ง เยีย ฒั้ว เจี๊ยน ไม้ แก้ง เฉีย เจี์ย.
เหว่ย ปุน เมี่ยน เธง เยีย,
เยีย เญี์ยน เจี๊ยน ไม้ ไพ กวั่ง เม่ย.
10หมั่ง ม่าะ! เยีย สิน เม่ย มป่า ไม้ ฮนั้ง สิน ญ่าน.
เยีย ปุน เม่ย เยียม หน่าน ฒี่ง กะญั์ว ฮนั้ง เยียม โต์ว-โล่ว หฒุ เสย.
11เยีย ฮนั้ง น้าย โหฒว เซ เหว่ย เยีย กั้น, เซ เหว่ย เยีย กั้น.
เยีย ฮนั้ง หาย นอ ไฮ่ ปุน เมี่ยน คี ตุ๊ เยีย?
เยีย ไม้ เฒาะ เยีย เญย ฌัง-หล่าง ปุน กั้น เต้า.
เฒี้ยว เหฌียว อิสะลาเอน
12“โอ ยาโค้บ, ต้ง เยีย เห่ว ต้าย เญย อิสะลาเอน, หมวัง เยีย ม่าะ!
เยีย เซ เฒี้ยว.
เยีย โหฒว กอน หย่า โหฒว เซ้ด เมว์ย.#อิสะยา 44:6; หล่าว ย่าง 1:17; 22:13
13เยีย กั้น เหลียบ เดา เญย กอน-โด๊ะ,
เยีย เญย บย่าว เจี๊ยะ ปั์ว ธอง ลู่ง.
เยีย เห่ว นิ่น บัว,
นิ่น บัว ฯฒฯ ล่ม ฑ่อย ธ้วด ต้าย อ๊ะ.
14“เม่ย บัว เหยียด ฒู้ง ต้าย กั๊บ ฒุ้น หมวัง.
วั้ว เต๋ย หมิ่ว-ฝัง ม่าย หาย เต้า จา-ด่าง ก๊อง น้าย เต๋ย สี่?
เฒี้ยว กิ๊น ต้าย เญย เมี่ยน#48:14 ฟาน หฒะ ก๊อง เฒี้ยว ฮนั้ม นิ่น.
อ๋อย เอย เจี๊ยน นิ่น เญย หฒะเอ๋ย โหฒว ปุน บาบีโลน.
นิ่น เญย ปั์ว หย่า อ๋อย เบ๊าะ บาบีโลน เมี่ยน.#48:14 เซ เคนเดีย เมี่ยน. เยียม อิสะยา 48:20 ฟี่ ฮนั้ง เญย.
15เยีย, เซ เยีย กั้น, ก๊อง ลิ์ว อ๊ะ.
เฒ์ย เญย, เยีย เห่ว นิ่น.
เยีย ต้อ นิ่น ต้าย.
นิ่น โหฒว เญย เจ๊า นิ่น อ๋อย โหฒว ตุ๊ ธ้วด.
16“ต้าย นิด ฟัด เยีย, หมวัง น้าย เต๋ย หว่า.
“เยียม เยีย ก๊อง ต้าว หฑุ่น เยีย ไม้ ปี๋ง เจี๊ยน ก๊อง.
น้าย เต๋ย สี่ ธ้วด ต้าย วั้ว หฒั่น เยีย เยียม วั้ว เญย.”
อี้ หฒั่น เฒี้ยว ทิน-ฮู่ง พ้าย เยีย
เหธา เจี๊ยน นิ่น เญย สีง ลี่ง ต้าย.
17อิสะลาเอน เญย ธีง-เหฑ่ง ทิน-ฮู่ง,
ต้ง หฒัวะ เม่ย บัว วั้ว เต้า เฒี้ยว,
ฮนั้ง น้าย นอ ก๊อง,
“เยีย เซ เฒี้ยว, เม่ย เญย ทิน-ฮู่ง.
เยีย หฌาว เม่ย เหว่ย เถง เม่ย ตุ๊ หลง,
หย่า ต้อ เม่ย ยั่ง เม่ย หอบ หฒุ ยั่ง เญย เจ๊า.
18เฝย ตุ๊ เม่ย หมวัง เยีย หัด เญย หว่า.
เม่ย ฯฒฯ ม่าย แป้ง ออน ฮนั้ง ด้าย นอ,
เม่ย โหฒว หอบ เญย เจ๊า หย่า ฮนั้ง ค้อย เญย ววม-หล่าง.
19เม่ย เญย เฒ้ย-ฟุน ฯฒฯ ฮนั้ง ซา-เฒียว,
เม่ย เญย ฟุน-ฟะ ฮนั้ง ซา-เฒียว-เฮม้ย.
นิ่น บัว เญย เม่ง เหยียด ลิ์ว ไม้ หฒุ ไพ กวั่ง,
หย่า ไม้ หฒุ เหมียด, เล่ย เยีย เญย หฑะเฮมียน.”
20ธ้วด บาบีโลน ม่าะ!
เปย๋า ธ้วด เคนเดีย.
เฌียน-โย่ว เญย เห่ว เจี๊ยน ฒุ่น ย่าง,
ฒุ่น มี่ง เถา จ่ม ลู่ง เดี๊ย ก๊อง,
“เฒี้ยว หฒัวะ นิ่น เญย โปว, ยาโค้บ, หมี่ อ๊ะ.”#หล่าว ย่าง 18:4
21 เฒี้ยว ต้อ นิ่น บัว เจี๋ย เต่ย-ปูง-ฮวาง
นิ่น บัว จาง ไม้ ฆ้าด.
นิ่น เหว่ย นิ่น บัว ปุน ววม เยียม หละเปย๊ย เหลี่ยว ธ้วด.
นิ่น เบ๊าะ หละเปย๊ย บ๋าย,
ววม ฯฒฯ แป๊ด ธ้วด ต้าย.
22 เฒี้ยว ก๊อง, “เอ๊าะ เมี่ยน ฒู้ง ไม้ ตุ๊ แป้ง ออน.”#อิสะยา 57:21
Currently Selected:
อิสะยา 48: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
