อิสะยา 39
39
เฮเซคียา ฒิบ บาบีโลน เญย โต่ว หว่า เมี่ยน
(เป๊ย หมั่ง 2 ฮู่ง โต้ว 20:12-19)
1ต๋อย วั้ว เต๋ย เฒี่ยง โห่ บาลาดัน เญย ตอน, บาบีโลน กั๊วะ เญย ฮู่ง, เมโลดักบาลาดัน, ไฮ์ ก๊อง เฮเซคียา ปุ๊ด แป่ง แอ๋ง หลง ต้าย ฯฒฯ ฝูง เฝียน เหธา ฒี่ง เหญ่ย มี่ง ปุน นิ่น. 2เฮเซคียา ฒิบ น้าย เต๋ย โต่ว เฝียน เมี่ยน หย่า ปุน นิ่น บัว หมั่ง นิ่น เซียว จ๋าย เญย กะน้าย เญย ต๋อง เหยียด ฒู้ง กะน้าย. เซ ปุน นิ่น บัว หมั่ง เจียม, ญ่าน, หลาบ หลิ่ว, จ๋าย ไห่ เญย โย่ว เหธา นิ่น เบ๊าะ จ๋า เญย เหยียด ฒู้ง หวัวะ กิ่น, เหธา เยียม เซียว หญู่งๆ เญย ต๋อง เญย กะน้าย. เยียม นิ่น เญย ฮู่ง ติ่น เหธา เฒี่ยง นอม กั๊วะ เญย กะน้าย ไม้ ม่าย เหยียด หญู่ง เฮเซคียา ไม้ ปุน นิ่น บัว หมั่ง.#2 ฒุ่น ต่อย โต้ว 32:27-31
3โต่ว หว่า เมี่ยน, อิสะยา, ต้าย ล์อ เฮเซคียา หน่าย ก๋า, “น้าย เต๋ย เมี่ยน ก๊อง หาย หญู่ง? เยียม หาย ต้าย?”
เฮเซคียา เตา, “นิ่น บัว เยียม โก เญย เต่ย-ปูง ต้าย, เซ เยียม บาบีโลน ต้าย.”
4อิสะยา หน่าย, “เยียม เม่ย เญย ฮู่ง ติ่น นิ่น บัว ตุ๊ ปวัด หาย หญู่ง?”
เฮเซคียา ก๊อง, “ตะฟ่าน เยียม เยีย เญย ฮู่ง ติ่น ม่าย เญย กะน้าย นิ่น บัว ตุ๊ ปวัด เหฑ่ง. เยียม เยีย เซียว กะน้าย เญย ต๋อง, ไม้ ม่าย เหยียด หญู่ง เยีย ไม้ ปุน นิ่น บัว หมั่ง.”
5อิสะยา ฯฒฯ ก๊อง บั๋ว เฮเซคียา, “หมวัง เน่น เจี๋ย เญย เฒี้ยว เญย หว่า ม่าะ! 6‘ฮนอย-เหญียะ ฒู้ง อ๋อย เถา. เยียม เม่ย เญย ฮู่ง ติ่น เญย เหยียด ฒู้ง กะน้าย เหธา เม่ย เญย อง-ถาย เซียว เถา อี้ จ๋า ฮนอย เญย กะน้าย, อ๋อย หฒุ ธ้าง มี่ง เถา บาบีโลน. เหยียด หญู่ง หย่า ไม้ เลี่ยว.’ น้าย เซ เฒี้ยว ก๊อง เญย หว่า.#2 ฮู่ง โต้ว 24:13; 2 ฒุ่น ต่อย โต้ว 32:27-31 7‘ม่าย เต๋ย เยียม เม่ย กั้น เญย ฑย้าม-เฟย ธ้วด เญย ตอน-เจว๊ย ฟุน-ฟะ ฒู้ง อ๋อย หฒุ กว๊าด มี่ง เยียม บาบีโลน เญย ฮู่ง ติ่น เป๋น หฒุ อิม โต๊ เญย เมี่ยน.’”#2 ฮู่ง โต้ว 24:10-16; 2 ฒุ่น ต่อย โต้ว 36:10; ดานีเอน 1:1-7
8เฮเซคียา เตา อิสะยา, “เม่ย โต่ว ต้าย น้าย โจ๋ว เฒี้ยว เญย หว่า เซ หลง เญย.” นิ่น ฮนั้ง น้าย นอ ก๊อง เหว่ย หฒุ นิ่น เยียม เฮญี้ยว ฮนั้ม, “ตะฟ่าน เยีย เญย เสย เฒ้ย ถาย-แป้ง เญย, แป้ง ออน เญย.”
Currently Selected:
อิสะยา 39: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
